Pac 拾仔分享家訪後感

pac

今天很高興及多謝各師兄到捨下蝸居出席此分享家訪，
屈居各師兄萬分不好意思
各師兄很肯去分享拾仔setting 問題，
希望今天的分享家訪可以幫到大家。
更希望今天出席的師兄們能在此分享今天
所見所聞給其他沒有出席的師兄。
有機會再玩過
影片剪輯需時，遲些再出post吧

pac

以下純粹個人分享

拾仔在一套AV系統所擔任的角色很重要，相信很多師兄都知道，買了拾仔回家要設定亦是理所當然的事.
但其實在選拾仔時已應該要決定自己的取向，要知每個牌子的拾仔也有它們的特性，就算同牌子同系列不同大少做出來的效果也有分別,
所以拾仔的選揀必需小心，除非你沒有要求‧
而小弟會建議選擇12"以上的拾仔，除非家居環境不容許則另作別論‧

以下是小弟設定拾仔時的少少心得，希望能幫到大家‧

1)先在AV AMP 內設定前置及拾仔的分頻點，而我一般把坐地前置SET 成80HZ ,LEF 也SET 成80HZ.
如果是書架前置則SET 成100HZ或更高.(當然有個別例子的)‧


2)AV AMP設定成2.1輸出



3)把拾仔的分頻關掉目的是由AV AMP 去控制分頻點，如果你隻拾仔沒有此選項便把分頻點設定成最大吧！

用可以感應到超低頻的音壓計(,手機APP未必得）撥去TYPE C、把拾仔音壓調成同前置相約.

拾仔的相位暫設定成"0",


4)坐在皇帝位放一個80HZ 的 PINK NOISE ,量度音壓讀數.







5)把拾仔的相位設定成"180"用第4項同樣的方法再做一次,



6)看看相位"0"的音壓讀數大還是"180"的音壓讀數大?
此目的是要找出拾仔相位靠那邊多些，從而收窄所要調較的範圍‧


比喻說"0"的音壓讀數大過"180"的話即是說相位靠近"0"了.
那時便把相位由"0"開始,比諭"15"或"30"之類再重復第4項的做法.
目的是要找出那個相位是最大的音壓讀數?
而這個相位便是正確的相位了‧
6)呃尺目的是微調相位‧把AV AMP 拾仔距離改變（加長或減少，一般是加長)
這一項需要用耳和身體去感受最大的感覺了、


7)平衡拾仔和其他喇叭的音壓去適應個人需要。

以上祗是拾仔入門設定,希望幫到大家

ken01010

恭喜一眾師兄！有得玩，又可以長知識！
但辛苦PAC師兄了，哈哈～{:9_430:}

Ken134547

今日好開心有機會可以家訪 pac 兄的居所，首先這個絕對不是蝸居， 呢個暫時係我所聽過的家居set得音效最好的家居，
年前我去音響展，米諾曾經播放 star war battlefront 嗰隻巨獸 嗰兩支大砲 後座力， 難得今天喺pac兄家居重溫呢個後座力，另外今次多謝師兄詳細 解說 調教十仔的小技巧， 令我獲益不少

pac

Ken134547 發表於 2017-7-30 22:11
今日好開心有機會可以家訪 pac 兄的居所，首先這個絕對不是蝸居， 呢個暫時係我所聽過的家居set得音效最好 ...

多謝師兄到訪。
攪掂隻拾仔記得幫下其他師兄喇

joe_ho2

今日有幸去PAC兄屋企見識，同樓上位師兄所講一樣，所謂嘅蝸居一啲都唔蝸！
師兄親身示範auto cal同埋自己再人手cal一次，低頻可以話由冇變到下下埋身，實在大開眼界。
之前成日上網搵資料，但始終都係文字，同現場睇完全兩回事。
睇下下星期有冇時間，自己係屋企玩一次。

等遲啲條片出街，希望更多人可以受惠！

gordon98

難得有幸出席家訪活動,除咗可以感受到彭湃嘅家庭影院外,亦所獲甚多,已往透過youtube或其他師兄嘅圖文教學,只能學到理論上嘅方向或方法,在家中始終大家環境唔同,好難有樣學樣,今日能夠坐係皇帝位親身感受調校時變化,非筆墨所能形容,有幸感受到調教得宜而應有嘅低頻表現,實屬難得嘅一次體會,原來低頻用身體感受多於耳朵

where1472003

真係多謝pac師兄教導，返到屋企今日學到ga野再張隻拾仔重新調教過，之前個位唔準、唔實、唔勁再無啦！好左好多，今次第一次家訪就學到咁多野真係得益不少

toms110

小弟首先向咁多位師兄講聲唔好意思, 咁重要兼難得嘅聚會竟然玩遲到, 連累到其他師兄聽、睇、學少咗嘢, 抱歉抱歉
講返今日, 有幸到訪學嘢及欣賞到Nelson兄家裡的全套KEF喇叭同Sub仔帶嚟嘅絕佳連貫性聲效, 及JVC 4K投影機的優質播放表現 (就係因為我遲到, 所以最後無時間安排到睇部9500播4K表現), 實在嘆為觀止
至於今日嘅主題, Nelson兄喺對超低音擺位及設定嘅講解由淺入深, 簡單易明, 仲現場示範Auto Cal後人手微調嘅重要性, 又有問必答, 所學所得絕對可以幫助小弟更進一步令到自己隻Sub仔可以發揮得盡啲、正確啲
希望日後繼續有呢啲聚會可以參加, 有嘢學、有嘢玩, 仲可以增廣見識, 在此喺度再次多謝Nelson師兄 (PAC)

netnetb

感謝PAC兄對AV熱誠及分享心得
熱切期待PAC兄教育大片 -_-b

pac

要多謝EDISON 兄專程為這次家訪購入全新音壓計作調較拾仔用。
而且還擔當導演角色，各位師兄要追下他快些把此片出街喇