小收穫大公開 (3月12日日版鉄板燒實物圖)

mchim3010 · 發表於 2011-4-25 11:42

本帖最後由 mchim3010 於 2011-4-25 11:43 編輯

回復 218# victor_wong

至於佢喺 " 龍虎風雲 " 嘅演出, 真係好多宜家所講嘅 " Chok " 樣噢!

jacklouwy · 發表於 2011-4-26 12:35

呢 d 咁經典又咁好睇戲, 落入 kam 既手...真係....唉...

好希望遲 d 會有美版/法版/德版...打救吓我地啦....

victor_wong · 發表於 2011-5-16 03:41

本帖最後由 victor_wong 於 2011-5-16 03:48 編輯

Get Shorty 同 Be Cool 兩套戲, 當初戲院睇唔覺咁好笑, 宜家再睇返反而覺得好正, 可能個時淨係鐘意睇早期占基利式笑片, 呢兩套都係要聽清楚對白同演員表情至識笑嘅喜劇, 兩片最大共通係, 片中好多人物自覺好醒, 但其實笨到無人有個隻, 但又未至於 off beat 嘅笑法; 兩隻碟畫質都超乎意料之外咁靚, 近乎冇 noise 又唔覺用咗 DNR, 至於聲, 感覺上似 2.0 多少少, 唯一問題係第一集得台式中字, 第二集就有廣東話字幕, 比較可惜.

要數型人, 阿倫狄龍要數第一, 冇人咁認第二, 呢套紅圈雖則唔算緊張刺激, 但感覺上氣氛同風格一流, 我相信周潤發真係學佢唔少, 以七十年代嘅戲嚟講, 聲畫都好正. 至於眾說紛紜早期揸住煲荼嘅 Blow Out (凶線), 話 noise 多, 我真係一點都唔覺, 我好 enjoy 套戲嘅無一刻, 希望 Criterion 會出埋 dressed to kill (剃刀邊緣) 就超正啦!

照片 001.jpg

victor_wong · 發表於 2011-6-5 22:11

本帖最後由 victor_wong 於 2011-6-5 22:21 編輯

一個週末, 五套日法美蘇波蘭加套超人, 成個人即刻開心晒, 大獨才者係個人喜好, 睇十次都咁喜歡, 浴室情殺案新舊對比, 聽聞莎姐套都拍得唔差, 星球索拉羅斯對我影響至深,長片唔一定悶, 慢唔一定等如拖, 日本片乾花純粹睇風格, 如果香港重拍, 女主角非後生時嘅邱淑貞莫屬; 兩生花仲有咩係未被人談論過, 輕描淡寫, 似曾相遇, 勝過千言萬語; 呢 D 曾經於藝術中心留下嘅腳毛, 今日依然歷歷在目;

至於四套超人, 暫時只睇番第一集, 畫面同舊版 DVD 差唔太遠, 都係感覺上咁濛因我冇買過舊版 blu-ray, 所以冇得比較, 聲雖則有 DTS-MASTER-SOUND, 但分別真係唔太大, 期望真係唔好咁高.

照片 001.jpg

Collection · 發表於 2011-6-5 22:48

回復 224# victor_wong

一個週末, 五套日法美蘇波蘭加套超人, 成個人即刻開心晒, 大獨才者係個人喜好, 睇十次都咁喜歡, 浴室情殺 ...
victor_wong 發表於 2011-6-5 22:11

Victor兄
浴室情殺案新舊兩版太約幾時出, 有興趣想搵.

星球索拉羅斯, 內容是什麼

victor_wong · 發表於 2011-6-6 07:56

本帖最後由 victor_wong 於 2011-6-6 08:06 編輯

Collection 兄, 浴室情殺案暫時只有舊版出過 blu-ray, 新版只有睇住 DVD 先好啦, 相信美版都唔知幾時有期, 但間唔中留意下德法英 Amazon, 隨時有正嘢發現, 例如大衛哥連堡套 The Scanners (奪命凶眼) 就好似會出德版啦, 相信浴室情殺案新版亦有可能.

至於星球梭那里斯, 內容大致係講一個星球 (Solaris)上, 廢置太空站中, 男主角發現神秘迅號, 來自一神秘女子, 女子身體非常虛弱, 太空人希望回程地球用盡一切方法救她, 但離開星球越遠, 女子越走近死亡, 到底女子係何人, 外星人? 定男主角的幻覺? 故事後來更推展至男主角與父親之關係, 當中有感情, 親情, 文明, 神學, 科幻只係配菜, 作者係 Stanislaw Lem, 很多朋友將呢套片同 2001 太空漫遊比較, 我反而覺得 2001 太空漫遊更為抽象同難明, 而星球梭那里斯亦曾被 Steven Soderbergh 於 2002 年重拍過, 由 George Clooney 主演, 感覺上一般過一般.

Collection · 發表於 2011-6-6 20:27

回復 226# victor_wong

Collection 兄, 浴室情殺案暫時只有舊版出過 blu-ray, 新版只有睇住 DVD 先好啦, 相信美版都唔知幾時有期, ...
victor_wong 發表於 2011-6-6 07:56

唔該victor兄

套星球梭那里斯劇情真係幾吸引!

stanleykc13 · 發表於 2011-6-6 22:04

Collection 兄, 浴室情殺案暫時只有舊版出過 blu-ray, 新版只有睇住 DVD 先好啦, 相信美版都唔知幾時有期, ...
victor_wong 發表於 2011-6-6 07:56

George Clooney套新版Solaris真係睇到

......原來舊版係咁吸引

The Scanners德版唔係3套一齊出......係唔係又要等？

victor_wong · 發表於 2011-6-7 06:37

本帖最後由 victor_wong 於 2011-6-7 06:41 編輯

套星球梭那里斯第一次睇其實感覺超慢, 之不過慢慢 depp, 感覺真係好正, 遲 D 仲有套 The Sacrifice 會出 blu-ray, 希望佢其餘作品都會出晒佢啦, 因為反正佢生平只有有五套作品, 加 D 短片, 而且套套我個人都好喜歡, 基本上佢 5 套作品我都好喜歡, 可惜大師總係死得早...

victor_wong · 發表於 2011-6-13 06:36

本帖最後由 victor_wong 於 2011-6-13 06:37 編輯

冇買過去年樂貿版修復 DVD, 未知係咪一樣, 但 CMS 呢次出省港旗兵, 竟有意外驚喜, 我見有訪問收錄, 以為係求其搵條影評人廢 up, 但最後發現竟然收錄十分鐘麥當雄畫面專訪, 作為我個人十大最喜愛港產片之一, 簡直係超級開心, 要知道從前作為一個港產片迷, 從前最多只是書本文字其他人講解, 今次短短十分鐘, 麥氏句句精簡有力, 廢話少講, 作為平平哋港產片 blu-ray, 仲想點, 我見背景係 fortune star 字樣, 相信係獨家啦掛; 至於點解下面相片冇咗隻碟, 因為我仲睇緊, 喺架 blu-ray 機度.