風雲2

ewartuen

30# lkljason

今日收到個SMS, 風雲2, 爛片一套, 小心小心! 即刻驚左!

law1987

圓方六院睇完返來，音效勁正，特技畫面一流，非特技畫面九流，漫畫迷必睇，非原著漫畫迷請三思！
總評:九分！
阿定 發表於 2009-12-11 12:55 AM

9/10 or 9/100

tomboy

睇完。覺得一般。。音效就好正。。。

大玩偶

呢幾日係公司做野都好忙....暫定星期日係圓方睇 !

VIP 果張係咪正好多 ??

成$140 一張...有點兒貴左D ~

阿定

或者講清楚d，喜歡馬仔晝風的人，應該會好滿意，而且特技效果，尤其風雲對決果part，我覺得係勁過Hollwood，不過唔排除勁過頭，太新派，未必個個buy佢果套手法，但我作為漫畫迷，我buy佢！
由於好多係事後配音，唔夾嘴型又或語氣的情況絕對唔少，加上太多場景係晝上去，你好明顯睇到d景係"好假"！
故事方面，由於係改編作品，基本上全部人物關系都無交代，估計唔知頭唔知路走入去，可能會有"奶"野feel，Cool爆的雲唔恨心殺風，你無睇原著，跟本唔可能明白佢地的兄弟情，風同夢、雲同楚，兩part感情線亦無交代
任達華做絕無神，感覺唔太到位，唔明點解要找佢做，總括來講，無睇漫畫或小說的人，最好想清楚先入場，但如果你係風雲迷，此片層必睇佳作，只係睇聶風入魔同風雲對決已經值回票價！

sk236

睇完早埸 ..正如以上 C hing講特技畫面一流,,聲比較亂,粗...但已比上集好好多...天下漫畫迷必看

LAWSON

實在睇左咁多年風雲,只得劍聖劍廿三果一場係叫有味道. 之後流到唔流,馬仔既畫風就加更加係一大堆鬼影同一大堆風位.畫面話唔出,口述講唔到, 實在硬碰同力量層次一d都唔令人信服.佢話勁就就勁,要邊個死就死. 真係勁既只有風雲.無名都要佢攝位果期咪又勁下囉. 但係佢諗諗下咁樣就冇奸角出尼威脅下人,咁佢就即興整隻出尼囉.死完一隻,咪再整一隻囉. 成個故仔都係用完即棄.風雲只係一件商品

sk236

我都覺得天下裹面有許多二流角色都幾型架...但無 la la 又死左吾見左???好似左劍王出左幾期

阿定

實在睇左咁多年風雲,只得劍聖劍廿三果一場係叫有味道. 之後流到唔流,馬仔既畫風就加更加係一大堆鬼影同一大堆風位.畫面話唔出,口述講唔到, 實在硬碰同力量層次一d都唔令人信服.佢話勁就就勁,要邊個死就死. 真係勁既 ...
LAWSON 發表於 2009-12-11 13:19

本身風雲第一次死時，其實唔應該再晝落去，咁樣就係一套真正經典，現在只係為唔斷氣而畫下去，食老本而已，所以我都無追好多年，技窮就開唔到新書，所以我有時幾服黃玉郎，雖則呢幾年都唔係佢畫，但起碼唔會死唔斷氣，應停則停，來來去去果d橋一件事，開新書的好處係故事唔會太硬來！

wildwolf007

漫畫真係已經入左死胡同,
真係數唔到咁多用完即棄強者死係風雲手上,
個個出場都話好勁,個個都係幾野就比風雲ko.
至於戲.....興趣不大,