本帖最後由 fishbone8822 於 2017-5-21 13:05 編輯
見到樓主這個貼, 小骨也忍不住發表下...因這個標題開得相當有意思(過來人)
兩部都玩過, 都係近似風格, 只係演繹方式不一樣(日本 vs 加拿大)
同樣主打包圍感, 空間感, 分析力, 沒有馬記的埋身, 沒有天記的沖擊力, 是比較偏向自然及投入氣氛為主, 如特別喜愛重味的請慎重考慮, 可能唔係你柸茶
演繹方式的分別
Y記 : 分析力高, 高音通透, 空間感好強, 由其細空間玩可以做到有大空間感覺, 多種DSP供選擇多種玩法, 又有特異功能可把中置對白升高, 真係有效果, 你會覺得隻中置係display中間出聲, 唔係在下面
A記 : 聲音定位明確, 密度高, 分離度都係同日本機好唔同, 幾討好, 氣氛投入度相當高, ARC系統相當有用, 對先天劣聲環境幫助很大
小骨選60, 分享原因
Y記: 聲音係通透, 但單薄左d(薄聲), 低頻沖擊力不足(其實已比歷代機好), DSP無錯係好多野玩, 但真係玩落你會發現一個問題, 也是身邊好幾位Y記用家同樣覺得的是: DSP係選擇係多, 但常用的都係哥三兩個, 除左演唱會真係有幾好效果外, 科幻片計..開左DSP都係有得有失(無一個全面)咁..用落都係覺得花巧野, 及Y記有個致命傷問題, 就係中置對白人聲, 可能係日本機風格, 口型細, 唔夠聲, 縮後左呎幾兩呎的感覺(由其夜晚睇戲細音量時更覺好唔夠聲)
A記: 聲音密度高, 由其高頻唔係一味尖叫類, 係豐富層次夠聲夠音壓, 中置表達方式更是有驚喜, 好好好清晰的對白, 就算細喇叭都做到好清晰好離箱(拿拿拿..清晰不等於厚聲, 唔好誤解), 企左出來講野咁, 另一樣野係我試左幾部日本機都比唔到的就係分離度, (背音樂配樂好到位, 但又唔會影響主聲, 你會好明確聽到有兩層layer, 音樂係好後面, 主聲係前面, 依方面唔似8802咁那埋一舊)
分享60使用上的一些發現
1). 依部機可以講係無 or 得一半 Auto Tune, 由其最重要的部份係完全無Auto Tune的, 就係距離(time delay/同步相位) 需要全人手設定, ARC 個auto curve功能如果你指意晒佢..你一定係會好失望...需要自行因認唔同環境, SPK特性, 個人喜好重新設定ARC數據
2). 雖然價錢大約是接近日本頂班前級, 但用料及一些基本功能是較低級的, 如主音量控制及各聲道音壓調較不是0.5db+-, 是以1db 為單位起標, 聲音輸入方面, 無錯係有Analog input(只有RCA, 沒有XLR), 但相當差, 估計60係無真正的Analog input 輸入線路, 是用 Analog 轉Digital 再經DAC解碼轉返Analog
總結..Y同A風格近似, 如果喜歡Y的多數也會喜歡A, 如真有兩部去比較過, 可能未必會選Y, 反正代理有得預約試機, 都試得幾全面, 小骨買前也有去試過, 有興趣的朋友不妨抽d時間去試, 耳聽為實^^
題外話: 小骨買機之前已相當留意部60, 也搵過相關本地用家報告, 發現結論係麻麻, 到成為真正用家才明白為何會這樣, 因60唔係一部買返來做個簡單AUTO Tune就OK哥隻, 需要大量人手調整, 試不同的ARC設定組合搵理想配答, 是需要比較花時間在設定方面
另外隔離枱之前搞哥次幾部機同場比較, 我相信如果60有到場...個結果可能會改寫, 唔會哥期差不多一面倒個個去搶8802(包括我身邊朋友,現在放得8899)
小骨及身邊朋友用60的不下10人, 其中大部份系統小骨也有份參與及設定, 當中包括有夾M&K, Elac, JBL, Dali, Procella, Adam等等...好多數據係手
歡迎各Anthem 同好一起交流, 共同學習及進步
因為想平D買部60一肚氣有野想講:
事件一).
之前在二手區見到有60..即聯絡賣家, 講好晒價仲開埋Whatsapp Group 約好第日下午交收, 點知到第日中午機主話唔賣收回, 我追問下原來佢賣比第二個出價更高者, 理由係我中午前無主動再聯絡佢又話我無事先過數比佢, 我即場呆左, 從來機主無要求我中午一定要再打比佢及先過數, 可能這是HK 二手買賣的文化..小骨是澳門人..這邊二手交易一向講左咁就咁, 牙齒當金洗..在這我只是對事不對人...我上保貴的一課, 日後再有HK二手交易會多加注意
事件二).
二手買唔成我咪去買新..我地成班FD喜歡團購, 只要有產品岩玩, 常5~10部一起買, 找來HK一家店舖幫手返貨, 有數量可以平d通常是理所當然的, 但遇上小氣的代理 , 得知這批機香港行家是賣過澳門的, 話唔賣, 必需要澳門用家找澳門特約經銷買, 雖然澳門這家特約經銷也識的, 但折扣上就是沒有香港的便宜
最後還是死死氣在澳門買...心有不快
註: 以上發表純個人分享, 向來講野直腸直肚一針見血..如閱讀者覺得有所得罪, 請見諒!!
|
[複製鏈接]
樓主
發表於 2017-5-21 12:53
