請教遊日大阪行程

小瑟

小瑟一次都未去過大阪，想請教一下大家有咩行程推介，小朋友為主，想去環球片場的，中間有機會比我睇下碟或行下影音鋪就太好了。

6日5夜行程，早去(8:00機),晚返(18:00機),        謝謝大家建議。

阿定

環球影城 可以上網買飛，如果其中一個人係生日月或生日月之後果個月，都會全部同行的人都有Discount，FastPass亦要上網買，基本上全部都係上網買比去旅遊公司買便宜同方便

USJ 生日優惠詳情:
http://www.usj.co.jp/ticket/birthday/

大阪之旅 (1) 環球影城攻略 Express Pass & Cool Japan
https://post76.hk/thread-211397-1-1.html


----------------------------------------------------------------------------------------

大阪最新的Expo City係必去，因為未算好多大陸人識得去，而且水族館勁適合小朋友入場睇同玩，可以超近距離接觸

Expo City: http://www.expocity-mf.com/tw/
NIFREL海遊館: https://www.nifrel.jp/tc/

----------------------------------------------------------------------------------------

機場出市區的話，如果會去遠的地方，例如溫泉區或京都等，記得上網預訂JR Pass，有九折，如果只需來回市區，推薦坐南海電車Rapi:t ，用Passport買係上車隔離的旅行中心買會有特價

JR Pass: https://www.westjr.co.jp/global/tc/ticket/pass/kansai/
南海電車: http://www.howto-osaka.com/tc/ticket/ticket/

----------------------------------------------------------------------------------------

機場隔離的 Rinku PREMIUM OUTLETS 都係大熱境點，機場有專車過去，但我個人不推薦，價錢已經唔似Outlets，野亦唔多，除非有特別想去的理由，否則只係浪費時間的旅程

----------------------------------------------------------------------------------------

天王寺+阿倍野，近年新興的大阪地標，有幾個超大型商場，有價錢超便宜的平民商場(Q's Mall ，HOOP)，亦有旅行必去掃貨的大商場(近鐵百貨，MIO)，個人十分推薦，亦係酒店住宿熱點

----------------------------------------------------------------------------------------

黑門市場+ 心齋橋+ 道頓堀+ 難波，可以當一個地方行，一早去黑門市場食野，然後順大直路咁行，食下睇下玩下，可以行足一日，不過有心理準備係超級遊客區(我家兩老仲差D係黑門市場比鋪頭呃)，會有點迫，同埋除了Shopping，其實無咩特色，有D似尖沙咀直落旺角咁

----------------------------------------------------------------------------------------

京都奈良我自己興趣不大，所以就不多說了，宇治係唔錯的，特別係綠茶控，如果有買JR Pass，我個人幾推薦去行個圈同飲個下午茶

----------------------------------------------------------------------------------------

城崎溫泉我自己只係冬天去過，古色古香，有十幾個外湯供大家用，係真正的溫泉區，全部都係小型地道旅館，自己住過三國屋，有得免費Book家庭風呂，唔鐘意出去同陌生人浸的話，可以Book來自己浸，不過出面的外湯都好有風味，住三國屋會送一張外湯卷比你出去任浸一日，仲有和服免費著，一路行溫泉街，一路睇風景，真係好似昭和時代的古裝劇咁

三國屋 http://www.kinosaki3928.com/

----------------------------------------------------------------------------------------

SonSon

環球片場必去啦, 一定要玩飛天翼龍, 如果4月尾去重可以玩埋新開既世界最大迷你兵園區 . 另第一次去買張大阪周遊2日卷, 跟住D免費行程玩包冇衰. 難波有2間比較大既BIC Camera可行吓, 大王幾時去, 睇吓有冇機會撞到

https://www.osaka-info.jp/osp/cht/

http://www.biccamera.co.jp.t.lj.hp.transer.com/shoplist/index.html

SonSon

阿定 發表於 2017-2-27 10:37
環球影城 可以上網買飛，如果其中一個人係生日月或生日月之後果個月，都會全部人有九折，FastPass亦要上網 ...

Expocity有個全日本最大摩天輪都好正

阿定

SonSon 發表於 2017-2-27 10:50
Expocity有個全日本最大摩天輪都好正

呢個新地標要玩足一日，強烈建議唔去心齋橋都一定要去，摩天輪可以上網預約，咁就唔駛去到排隊，不過So Far除了剛開張時要排，我自己去同朋友之後去都唔見有人龍

ykluk

其實大阪除咗心齋橋(shopping)同環球影城(玩)之外, 都唔多嘢去, 你既然係可以揸車, 可以去吓其他地方:

和歌山/白浜:

由大阪去大約係2-3粒鐘車程(一粒鐘去到和歌山, 再多粒幾鐘去到白浜), 景點有貴志駅(貓車長), とれとれ市場(超抵超好食海鮮, 又可以即場買料自己BBQ), 白浜溫泉, 三段壁, 千畳敷, 超靚日落靚景既円月島~

京都:

由大阪去大約2粒鐘車程, 京都算係日本最傳統最集中景點既地方, 大把地方去, 清水寺, 金閣寺, 八坂神社, 去嵯峨嵐山睇櫻花靚到暈, 可以坐超靚トロッコ小火車去亀岡站, 再坐保津川下り著船場大約2粒鐘去返嵐山駅, 隻船好好feel, 啲景又靚~ 夜晚去先斗町食柚子元 火鍋好食到呢...

奈良:

日本最古老既首都, 東大寺, 興福寺五重塔, 下午5點前仲有一街都係既鹿, 安排一日去都唔錯~

shopping(太后):

如果太后覺得心齋橋唔夠皮, 強推神戸三田プレミアム・アウトレット, 老婆仔女嘢包羅萬有仲有折扣, 當然有揸車就最好, 包保shop得開心又放心~

shopping(自己):

https://post76.hk/thread-220311-1-1.html
https://post76.hk/thread-220368-1-1.html

先諗定咗去邊先, 揀好地方再plan行程, 好易啫~

SonSon

阿定 發表於 2017-2-27 10:52
呢個新地標要玩足一日，強烈建議唔去心齋橋都一定要去，摩天輪可以上網預約，咁就唔駛去到排隊，不過So F ...

始終太近市中心, 假期一定多本土居民去玩, 同迪迪尼環球影城一樣最好揀閒日去好D

SonSon

ykluk 發表於 2017-2-27 11:09
其實大阪除咗心齋橋(shopping)同環球影城(玩)之外, 都唔多嘢去, 你既然係可以揸車, 可以去吓其他地方:

和 ...

其實大阪京都神戶奈良坐地鐵同JR都好方便, 係白浜遠少少同要住一晚

rlwk2009

可以參考吓 http://lovetogo.tw/201501_kansai/kid-osaka/index.php

rlwk2009

仲有萬博公園ㄧ家大細差不多可以玩成日http://www.foodtigertw.com/blog/post/45619315-【日本旅遊】【大阪購物】expocity%2B萬博自然公