為ATOMS反射喇叭作中肯的睇法

Rakehell

小弟先申報 : (1)聽過唔少次天花喇叭效果，(2)自己唔可以搞天花，(3)用過Onkyo反射，聽過KEF反射，現用Klipsch反射，(4)我套喇叭係低水平級別。

近日響本Group 睇到唔少有關反射喇叭既評語. 基本上都係 "算數罷啦，直接裝天花" 之類。
講真，有頭髮無人想做癩痢，可以搞天花一早搞左天花。

而有時見到師兄話反射一D效果都無. 其實我有保留 . 如果唔 set 角度高度可能會真係搞亂晒聲效或無效果.  但當調好左之後，反射係有幾唔錯既效果.

我唔想俾人覺得我因為自己用緊而讚反射,所以想道出幾點而己:
1)市面上係有幾好既反射喇叭 , 一分錢一分貨啦.
2)裝反射一定要有 高度, 角度, 大音壓，缺一不可.  係"缺一不可"!
3)市面上唔係有好多套戲可以試得清 Atmos 效果，美版碟有時會有更好質素。
4)試機 setting 可用 Dolby Atmos 試機碟。
5)調整期望，反射唔會由天花一個點發出，但會有擴散型既效果。

最後補充一句潑返自己冷水，有條件裝天花就梗係裝天花啦!

多謝收睇...

chhanthony

拎隻10 Cloverfield Lane試下有幕隻怪獸喺天花板行個圈就可以試到Atmos效果如何

yiu1

絕對認同====有頭髮無人想做癩痢

bbsai

有留意影音既人都知教學式擺位好, 香港地方玩多聲道, 確實唔係個個人容易做到, 退一步, 試反射效果, 多一種聽感非壞事~
就算有位, 問老細攞批文又係問題……

wilson_math

同意樓主所講，玩反射真係要試好角度、高度同音壓。角度太大容易出現漏聲，會誤以為聲音來自前方；高度可以幫助解決漏聲問題，根據 Dolby 官方講法係前置三呎範圍、人耳水平或以上及房間高度一半以下，而且仲要响 av receiver 輸入高度資料畀佢計數；音壓大少少可以幫助上方聲音更突出，抵消反射過程嘅 energy loss，我自己就加左 6 dB。

neve

2)裝反射一定要有 高度<<<<<

意思比前置高D ?前置後加個架升高反射之類? 並唔係放在前置上就可?

有無圖參考下

thx

小瑟

同意到不行。試 Atmos碟有樹葉果 Part的確係好似你咁講，唔係一點出，而係聽到天花有一層聲走出來。

下圖係上次去幫表弟屋企睇睇，佢入左 Onkyo套 atmos enable system(model唔記得),  佢左右雖唔平行，但都真係係右邊有天花有機葉行過的。

Rakehell

neve 發表於 2017-1-26 09:36
2)裝反射一定要有 高度

我相信有書本上既建議高度角度 , 但小弟覺得因香港屋內間格實在千奇百趣，不如試到最好聲.

我個人覺得 : 最少要高過耳水平.  否則好易會亂.

neve

Rakehell 發表於 2017-1-26 11:03
我相信有書本上既建議高度角度 , 但小弟覺得因香港屋內間格實在千奇百趣，不如試到最好聲.

我個人覺得 : ...

千奇百趣

dolbydts

我對Klipsch RP140-SA放在座地前罝喇叭上, 好難放高些, 放到都有些異相

Klipsch 本身有對RP-280FA(座地前罝連Dolby atmos 反射), 用呢種效果咪仲衰?