睇戲時被踢凳, 忍到出火

kl122002

今日去睇<Sing>優先場,
第一次睇動畫片時火左.

我知睇細路的戲, 好多時有豆丁去廁所, 間中踢凳的小事, 呢D小兒科事, 我從無介懷過
不過今日, 真係好火.
去JPCB睇, 開場幾分鐘就反面的細路踢凳, 鄰坐的一對朋友同後面的父母講, 叫左個細路唔好踢
話口未完, 又踢, 鄰左的一對朋友左右轉位.

我就叫幾忍得下, 不過忍得幾耐心中有數, 場中時不停踢, 好似"ng腳"
扭轉頭, 望向個豆丁, 靜望佢成分鐘, 都仲踢,  那對唔識的人當中都有一個同我一樣望左上去.

我都見家長都已掛住睇戲, 算了, 唔通即時問staff換位?
果豆丁由頭踢到散場. 踢到好似計時.

到底今時今日的家長, 識唔識教仔女?
定呢D就係家下流行自由教育風?

henryctw

家長自己都冇家教，㸃教下一代?

aawong68

henryctw 發表於 2016-12-11 18:26
家長自己都冇家教，㸃教下一代?

完全同意!!

raysir

henryctw 發表於 2016-12-11 18:26
家長自己都冇家教，㸃教下一代?

英雄所見

mike384

一般我少D呢個情況, 但其他騷擾係唔少的, 玩手機, 傾計...玩手機就好難搞了, 可以換位一般都換位, 所以一般我寧願坐前面, 有咩事轉位快.
傾計嘛, 呢兩年試過一次係MEGABOX好嚴重的, 一位女仕(應該係三代人)不停咁大聲傾計, 我坐前幾行都聽到好清楚, 出去叫職員後, 佢地忍了一陣又吵. 至於小朋友冇家教, 冇計, 你教養如何, 你的小朋友的教養也如何, 以前坐巴士試過, 家長叫佢都唔停, 我話你咁大個人, 作為佢老豆如果唔識解決, 我幫你解決都得, 驚你唔鍾意咋, 冇人逼你地係架巴士度坐架.

神武光輝

而家D人，永遠當自己係世界中心，以為周圍嘅人要遷就哂佢，做影響到人嘅事，都唔使理
(Post76 Android 手機版送出)

kl122002

我覺係家長的問題, 跟社會風氣學太多什什麼模式的教育, 學外國要自由, 要open,  又如何?
"無家教" 呢句真係我近十年都無講過.

事因我唔覺自己有任何義務去幫個陌生家庭教仔女.

hkt7046

入戲院睇戲，我自問絕對係荷蘭高要求嘅，先撇除戲院本身設施呢個方面，我對入場觀眾、甚至成個戲院嘅氣氛，都非常重視。如果睇戲期間有其他觀眾作出騷擾行為，我絕對會毫不留情diu9佢。當然，diu極都係咁嘅話，我會起身走人，寧願再揀個日期時間睇翻。

kk1999

我之前其中一次不幸個案:
荃新x地+禾戲院, 時間 2012年4月4日, 下午1:40分, 高舉愛.

原因: 開場半小時後, 約二時十分左右, 有兩名老年男女進場找位坐,當時没有工作人員協助他們, 他們又叫,又行上行落,很是滋擾全場觀眾, 因這院是超迷你戲院.

之後,他倆走過來向我們提出這是他們的坐位, 這時當然也没有工作人員協助我們.
我們只好在光線不足地望清楚他們的戲票, 原來他們的票是4月5日 1:45pm 同院的, 為何他們可以進場?

他們只好離開, 但不到一分鐘又再次進場大叫地四處找空位坐.直至他們安坐後觀眾才可以繼續睇戲. (這兩人由進場至座下時不停說怪責話.)

+禾戲院   

kk1999

我通常遇到的不幸問題 和 解決方法:
1. 玩袋(食野),"沙沙"聲不斷,有時四方八面和電影鬥surround. -解決方法,無.
2. 玩鼻水,幾秒一次,好有自信,和電影鬥大聲. -解決方法,無.
3. 帶病者,傷風咳,和電影鬥大聲. -解決方法,自己帶口罩.
4. 踢凳, 奇怪地幾遠都踢到,由頭踢凳至散場. -解決方法,自己坐直,有幾會影響後面條pk睇吾到字幕.
5. 談話,電話,教仔,
6. 2個老人家因特價飛來涼冷氣,大話家常.
最終解決方法-家庭影院 (用投影機)