真係有蚤既跳蚤市場~全香港最污糟碟鋪

takeishi

  唔知大家有無去過深記呢間CD跳蚤市場呢. 真係好恐怖. 勁污糟.
真係有蚤既跳蚤市場, D碟隻隻都發晒霉. 我次次去親都俾D蚤咬到手手腳腳都紅晒.
去過兩次. 真係驚驚啦. 唔敢再行入去啦. 入面個女人可能已經長年慣左. 百毒不侵.

  不過~當然啦. 我都唔係咁身嬌肉貴果隻既. 要買平野就係要付出D代價架啦.
之不過. 佢D中文碟呢就一D都唔平. 什至係略水. 英文碟呢. 廿蚊既就OK既. 50蚊果D質素呢.
就根本同廿蚊既無分別. 同樣係......隻隻都發晒霉. 買左返去有排攪. 所以. 都係算罷啦.

許諾

其實近幾年鴨寮街既二手CD價已超越信和及灣仔188 ~

文次郎

見到門面，都會停頓數分鐘，入唔入好？

pekkle69

平心而論,SSP有邊檔唔污糟
同埋佢一定唔係全香港最污糟碟鋪
我去過D更污糟

貓神

舊年睇島有師兄在此介紹，專誠去探訪，佢入面真係超多碟，CD，黑膠，卡式帶，我淨睇架上CD，好多絕版碟，頭版碟，記得關正傑頭版大紅花都有幾隻，架上全部無入膠袋，CD有小花至好花，盒無清潔，摸完隻手即鞋又痕，歌書有摺有黃有水漬，最重要係全部無票明價錢，選了三隻舊碟，呢三隻唔係咩特別罕有碟，係信和浩男哥應該七佰蚊有找，仲要質素好過佢，見係小花，書仔有摺估計價錢應該會低些掛，點知問老板娘幾錢，$950，我話呢D小花都要呢個價，佢話呢個就係小花價錢，如個你要高質素就跟佢上閣樓，高質素放在閣樓的，我放番低無買，話唔好意思，打攪曬，跟住就再無去過

manid903

呢間唔算差嘅,間中尋到寶架

manid903

貓神 發表於 2016-10-25 13:31
舊年睇島有師兄在此介紹，專誠去探訪，佢入面真係超多碟，CD，黑膠，卡式帶，我淨睇架上CD，好多絕版碟，頭 ...

事頭婆可能想特別益你,所以叫你上閣樓  btw , 佢地閣樓真係收埋唔少優質嘅,但你應大爺咁款掉轉叫佢攞落嚟嘛,

貓神

manid903 發表於 2016-10-25 14:13
事頭婆可能想特別益你,所以叫你上閣樓  btw , 佢地閣樓真係收埋唔少優質嘅,但你應大爺咁款掉轉 ...

ronb

其實慢慢搵可以搵到好多好嘢。
50元嗰堆有時啲碟真好霉，但我都喺入面到隻95%新無花嘅憶蓮《本色》、95%新嘅張國榮《UNTITLED》(呢隻好多時出面有二手後面個貼紙都黃晒，但我呢隻係雪白)、90%新嘅吳倩蓮《新曲+精選》(呢隻N年前見過要$160)、95%新頭版彭羚《彷彿是初戀》。

我見過有人喺嗰度買咗堆碟隔幾日就見某二手店個網站話返咗呢堆碟。

ronb

呀~前排有位師兄出POST講張惠妹《歌聲妹影》的，第二日我就喺呢度搵到隻盒同碟都無花嘅(只欠條側紙)。

要問價嗰堆，我只買過梅艷芳、夢劇院同甄楚倩，比外面買都要平。
我買過幾次問價嗰陣佢係無CHECK隻碟有無花(相同嘅碟架上仲有幾隻)，只係望個封面就報價，所以搵到隻唔花嘅其實係好OK。