Playstation VR 開箱 及 首賣會盛況

阿定

阿定

大佬John

入面係咪送條底褲

POWER

阿定 發表於 2016-10-13 14:26

CHING你入左手~

試玩左未?

DVD迷

等你玩完報告

fm31331

阿定 發表於 2016-10-13 14:26

定哥咁快手。

chiubyeung

PS VR需不需要訂貨依家買

阿定

chiubyeung 發表於 2016-10-13 22:35
PS VR需不需要訂貨依家買

無現貨同未有得訂了，未知下一批幾時先返貨

阿定

昨晚玩了大約一小時，講番少少感想啦！

Set機唔難，不過好多線，老實講，除非長set係度，否則每次玩都要Set一次，應該會幾煩，自問玩一兩粒鐘好頂盡，真係會頂唔到，如果玩一次set一次真心吃力

由於之前試玩過，玩一陣就會暈，同埋試玩都係黑房，一直好懷疑家中唔適合玩，特別對我呢類有擁有過PS3 Move經驗的人來說，真係有點怕，但今次PS VR在家玩，完全無問題，可以慢慢對準焦距，不過玩得耐，眼會累，因為只有一個點係對焦的，你玩時要好集中精神先得，你集中精神，對到焦，畫面係唔錯的，就當睇緊DVD吧，想要高清的，基本上可以無視的了，戴上頭唔太重，不會移位，所以除了睇不到外面世界唔太習慣外，基本上無咩大問題，我戴足粒幾鐘都唔覺累，除了眼真係頂唔到好累就是，光源問題，因為係認VR同手掣上的光源做定位，所以要比較注意唔好開太亮的燈，同太多會發光的物件放係畫面影到的地方，我自己就開燈玩，亦有唔少雜物，以前玩PS Move是完全不可以開燈玩，PS VR係呢方面，比我想象中好，相信一般玩家都可以安坐家中玩，唔會有太大問題

講番玩遊戲，本身有跟Demo碟，亦可上PSN直接下載Demo碟同埋其它VR Demo，我建議大家買完VR先試玩一下，才去買Game，除非你本身有心水Game，唔駛咁急一次過買三四隻Game返去，基本上玩VR PlayRoom之類比較靜態的，完全無問題，玩得好開心，就算有少部分要移動身體的初音VR，亦無問題，但當我玩Drive Club時，由於要高速移動，同埋睇遠境，所以畫面粗糙就變得明顯了，之後再玩Battlezone VR時，因係經常要左轉右轉，真係覺得有點暈了，不過已經比之前動漫節試玩Battlezone VR玩到想嘔比好好多了，但玩完第一關，都要停下來了

總結: 不用擔心家中環境會玩唔到，除非真係好細，建議距離電視要有3米，但實際2米都唔會有問題，除非你要企係度玩另計，戴上頭唔重亦唔會移位，只要眼睛習慣到，持久戰估計問題不大，全景360度時，畫面質素大約是DVD咁上下，如只當16:9 Mon用，有如千多元的手提式Projector投上80寸一樣，唔係好靚，但都接受到，玩射擊類遊戲要三思，有機會頭暈，期望下個月推出的PS4 Pro可以改善流暢度，整體質素，絕對對得住呢個價位

lawzelda

在fb見到話可以駁pc或wii U,是嗎