哩度多唔多人玩二手器材？

koalaau

HD_2 發表於 2018-7-1 10:59
5000-8000搵二手書架喇叭有冇推薦

大書架（10-12吋低音）yamaha ns1000m，或diatone ds505或ds2000，jbl 4312。
較細單元瘦身點的，首推pioneer shl 3。
以上都係二手較常見而效率較高喇叭，聲音水準絕不遜於現今二萬元級新貨，要求唔高夠哂聽。

koalaau

今年一口氣入了三件二手器材。
這部teac vrsd 10係第一部使用teac獨門vrsd夾碟轉盤系統，唱頭係sony kss 151a，解碼philips 1547，可謂集三大名廠之大成，十分抵玩。機背有120v及230v選擇，實試後用120v明顯背景更靜聲音更細緻，如有有水準降壓牛應用120v。而如有有水準解碼器，此機作淨轉盤表現更好。

koalaau

exclusive m4純a 50w力道和控制力絕佳，聽感比我之前ab類240w的yamaha pc2002m有過而無不及，分析力明顯更高，音場更在陋室中撐闊推深少許。

返來拿去檢修過一切正常，只係電容就當然有點乾，問過全鏟要三四千，其實都係抵只係我唔諗住長揸（m4的純a厚暖和熱度令我心思思想玩返膽後），故保留原狀。不過就算冇換新電容，現在的聲音仍係勝過我之前用過的眾多石後，再換真係唔知換乜好，或是要加碼大升級？（所以咪想玩返膽後囉）

m4今日二手價只係萬元樓下，你睇下金仔同類賣緊幾錢就知佢有幾抵玩。

koalaau

沿用yamaha ns1000m非常滿意，只係聽得多清淡聲，又搵多對濃郁點的聽下。

這對ar15正面幾靚仔，但背面幾多爆邊，用木膠填補後打磨上色，當得閒又砌盒模型咁攪左幾次，好睇返哂。

這對高音非原裝，但我諗影響不大，ar的高音（尤其平價型號）都係被人垢病唔夠通透，最緊要係對氣墊低音。15的8吋單元氣勢驚人，可與1000m的12吋相比，完全係大喇叭的聲音。

koalaau

唯有寄情音樂才可讓自己開心。短時間內又換/買了三件音響器材。

exclusive m4好滿意，但純a聽落唔啱口味，而我習慣每日長時間開機聽歌，m4比膽機更熱亦令我困擾。結果好聲都橫起心換機。換來fisher sa-300，1959年出品，從未買過咁舊的器材，真正古董機。4支el34輸出約30w，推90db喇叭足夠有餘，聲音令人驚艷，已決定長揸，遲點會攞去檢修，改下插頭和睇下電容是否需要更換。

koalaau

mission 751，90年代出品英國製造，音色溫暖開揚，充滿音樂感，非常舒適耐聽，現代萬元喇叭的製作和聲音都係咁上下，係極抵玩的小書架喇叭。

koalaau

近年最大動作，主喇叭由yamaha ns-1000m轉做diatone ds-2000，聲音和yamaha ns-1000m好唔同，diatone嬌艷厚潤，yamaha就中性耐聽，一淡一濃，各有千秋。不過擺在廳，就diatone靚仔好多。

art911

koalaau 發表於 2021-8-4 13:11
近年最大動作，主喇叭由yamaha ns-1000m轉做diatone ds-2000，聲音和yamaha ns-1000m好唔同，diatone嬌艷厚 ...

午安！师父的器材不得了，尤其是喇叭，真想帶小弟的功放来推师父的音箱啊！👍谢谢！

kl122002

koalaau 發表於 2021-8-4 11:57
唯有寄情音樂才可讓自己開心。短時間內又換/買了三件音響器材。

exclusive m4好滿意，但純a聽落唔啱口味， ...

那麼你或者會日明白我當時在60年代聽的聲音和音色是怎樣。

找多一對舊時代的喇叭， 你應會聽到我昔日我聽過的聲。舊JBL (不是4字頭那些）, Philips , 或者fisher的喇叭都可以。

koalaau

art911 發表於 2021-8-4 14:16
午安！师父的器材不得了，尤其是喇叭，真想帶小弟的功放来推师父的音箱啊！👍谢谢！ ...

師兄用咩後級？