新一輪 "蜚聲環球系列" 準備推出

許諾

vinnybm 發表於 2016-7-8 23:14
咁K2仲長出長有既? 又唔係平添喎!

各有所好, 而且不是每人都有SACD音響, 而且買呢D舊專輯既人未必全部是音響發燒友, 可能買返個回憶或舊版已唔見左, 買返隻新看門口~

其實周年金碟或蜚聲系列, 比K2或SACD平D, 多個選擇都冇咩所謂, 唔好錄音帶食帶聲同影印封面, 比D誠意, 總有人會買~

kl122002

許諾 發表於 2016-7-9 12:49
各有所好, 而且不是每人都有SACD音響, 而且買呢D舊專輯既人未必全部是音響發燒友, 可能買返個回憶或舊版 ...

我覺得SACD已不如初出時一樣大熱, SACD廠少, 機又貴, 要播得好又唔易.

psb

kl122002 發表於 2016-7-9 15:43
我覺得SACD已不如初出時一樣大熱, SACD廠少, 機又貴, 要播得好又唔易.
  ...

如市場銷售學話齋，當消費者缺乏完整資訊同判斷技能，就會以個價錢嚟做質素嘅"標準" , 相信幾貴都會有人買。但小弟個人覺得 SACD 只係一個過渡期，外國到目前未見流行 , 在香港呢個咁 "獨特" 嘅市場先至賣得，可能以前有啲港產錄音室設備同樂器編曲差 (同外國如台灣日本英美嗰啲相比) , 錄音差，所以出 SACD 可能可以彌補聽者唔想聽卡通片錄音（特別係華星哥哥同梅姐嗰啲）嘅"心願"，但舊嘅錄音設備同母帶唔好，SACD 又能夠改進幾多? 又話者只係 "心理作用" ？小弟淺見係 SACD 就如汽車 嘅 Hybrid 咁，係 fashion , 一個掠水短暫嘅過渡期。

vinnybm

許諾 發表於 2016-7-9 12:49
各有所好, 而且不是每人都有SACD音響, 而且買呢D舊專輯既人未必全部是音響發燒友, 可能買返個回憶或舊版 ...

呢個原因小弟不敢苟同  事關從唱片公司的角度來講  絕不會為了迎合一批非音響發燒  而同時只想補買番隻遺失左既舊CD的樂迷們而開發一大個新市場啩?!

既然目標客戶為非音響發燒友  又何需標榜重新混音  高質料等賣點  加上價錢可媲美其他高級制式(貴)  不如就出"經典禮讚"系列算Ia

vinnybm

其實同一張專輯  係咁出不同的版本  作為消費者的我  不但不覺係福氣  有得揀  反而有時都覺得幾徬徨  有點手足無措！

HD_2

入齊咁多個版本係好事
(Post76 Android 手機版送出)

文次郎

羅文 好歌獻給你，這款已經出咗三至四次啦，每次都令人失望，希望今次喜出望外……

許諾

vinnybm 發表於 2016-7-9 17:23
其實同一張專輯  係咁出不同的版本  作為消費者的我  不但不覺係福氣  有得揀  反而有時都覺得幾徬徨  有點 ...

謝謝ching回應。當然佢地策略是音響發燒友，我所述只部份消費者會係以買專輯目的去買這些碟。如我，買過蘇芮搭錯車，關正傑名曲選，周啟生天長地久，林姍姍突然精選。raidas傳說等都是我沒有這些碟而買，並非因為是什麼制式。

當然，如我買完蘇芮既搭錯車周年金碟之後一兩年再出過幾個不同版本，我都唔會再買，一張就夠。

kl122002

psb 發表於 2016-7-9 16:13
如市場銷售學話齋，當消費者缺乏完整資訊同判斷技能，就會以個價錢嚟做質素嘅"標準" , 相信幾貴都會有人 ...

外國又唔係話無當SACD 唔流行, 借我熟少少的古典講, 都有廠是在出SACD, 代表是Pentatone Classic,
此外還有Audite, BIS, HM 等等間中出下. 佢地覺得有代表性的才會出SACD. 印象中未有Pentatone classic前Sony classic 最熱心, 特別是在living stereo 系列列中務求一炮而紅, 出雙層的hybird SACD.

歐洲當地如果出SACD, 大多都是hybird SACD, 很少會出CD同時又出SACD, 而單層更是甚少 (甚至我都沒印象??).
歐洲地方反而在CDP 技術上下多了苦功, 中上價(近萬中左右起的)的CDP播普通CD都可以比得上日系的一台賣2-3萬的SACD 機.

C兄提出的市場家價策略的是日本, 同一張錄音, 有廉價verion, 有中價, 有高價, 有限定, 有hybird SACD, 仲有單層SACD...我唔知是不是因為sony是日本公司, 所以日本會出多少少SACD和SACD 機,
只是我覺香港是跟日本風向, 而不是歐美, 係甘樣先搞出甘多版錄音.

kl122002

文次郎 發表於 2016-7-9 18:14
羅文 好歌獻給你，這款已經出咗三至四次啦，每次都令人失望，希望今次喜出望外…… ...

之前幾次都真係幾失望, 真係入一次扔一次. 垃圾果然還是垃圾,  
上次的 我的挑選 令我對ABR 處理今次的 好歌 充滿期待.

我信母帶應也差不多日子了, 可能買了這張之後,
如果沒什麼大變化的話, 都不會再買.