大家覺得Bose 520 定 KEF E305 好？

wondun

小瑟 發表於 2016-5-9 12:51
其實六爺都真係企係USER度睇, 因為太多朋友都只係心聽完人講就去馬, 所以佢先會苦口婆心咁解釋一番呢.

...

我係上年新手入左Marantz SR5010 + KEF E305, 睇戲試功夫熊貓(1)既既環繞聲唔錯,好識合我呢D新手.

當然而家初部中毒半影音分家,前置upgrade 左做KEF R300, 用 SR5010 bypass 去 Nuprime Ida-8,

聽歌用IDA-8既USB DAC直出, 睇戲可能5010推少左喇叭都覺得輸出有力左.

所以結論好睇你有冇定力會唔會短期再upgrade, 唔係既話睇戲 Marantz SR5010 (support Atmos) + KEF E305都夠既, 係聽歌差小小,雖然好多人講Marantz AV amp  聽歌唔錯,但係同Int Amp 都係兩個世界

wil-wil

樓主嘅問題，我從所指器材去睇，應該屬 AV 類型，所以呢個發帖會轉返去影音硬件區先!! 至於點揀 Bose soundtouch 520 或 KEF E305 去配 Marantz SR5010 或 Denon X2200W? 呢點我試試以長期新手嘅經驗，分兩個層次希望唔好講錯答到你!!

先從 AV Amp 出發 ... 從前 Marantz 與 Denon 嘅分野係 Marantz 偏重音樂，每每 musical 野表現有板有眼，平貴亦然；Denon 就一直有個份震撼嘅沖擊，拳拳到肉。記得最印象深刻嘅《Konwing 末日預言》，炒機落地面個場震驚又尖聲嘅場面，Denon 完全比到你個份感覺，但  Marantz 就所有聲軌都修得很圓滑，個人覺得無曬個份現場感!!! 不過又睇到好多師兄話  Marantz 係個幕機翼撞落地嘅尖銳刺耳聲，表現相對順耳好多，所以感覺嘅野都幾個人化!! 但  Marantz 表現音樂部份一直出色，相信試過嘅大都會認同。

其實，今天 Marantz 同 Denon 嘅表現差距細好多， Marantz 除保持原有風格外，都有幾唔錯嘅 Denon 感，反之 Denon 從前比人話用來就算聽 Pop Music 都唔得，今天再用佢聽歌，表現已經非常似樣，當然大家不能當它是部兩聲道 Amp 去評價!!

好了講套裝喇叭，我個人感覺個 5.1 中個 5 聲道，其實任何品牌來去都不差太遠，但個點一 (.1) 聲道嘅拾仔如果略表現出色少少，感覺已經贏得好明顯，所以單看 Bose soundtouch 520 與 KEF E305，KEF 嘅拾仔相對出色少少!!

總結個人感覺
好嗱!! 結果你問我個人點配置，我會認為 ... Bose soundtouch 520 配 Marantz SR5010 或 KEF E305 配 Denon X2200W，點解? 自己試下搵地方 。


後話
不過玩影音真係很個人感覺，所有師兄分析嘅都係自己嘅觀感，同對 "靚" 嘅要求一樣，很個人的，我喜歡這位女子，感覺如 "天使" 一樣，其他人可能會認為有無搞錯，鬼咁醜樣都叫靚女，縱使有人和議都只不過係口味相同，有機會一齊玩傾多兩句 (當然你都可以話行遠 d，唔好爭野玩 ) ... 所以最重要聽、睇完分享後，自己親找地方試試，；同埋係唔係一步到位就 "最好"? 我個人認為有錢玩玩好 d 當然的，但一步到位又唔等如能夠發揮到 "最好效果"，機與機配搭、器材調教 及 配置是否 fit 到自己家居 或 屋企人狀態? 係的話入門機種都可以係你 "最好" 嘅機!!

無論點都好，希望係得 76 玩嘅師兄，都多些分享交流 (唔係)、多些解答新手問題。唔好用自己角度去估人講乜，結果又誤會大家唔開心就無謂。其實單從幾隻甚或數百字去估什麼什麼，一定會估錯!! 大家識左多年嘅親朋戚友都可能會有誤會，你又唔識我，單靠打幾隻字，仲可能好似我咁打錯曬 d 字，又唔知我溝通技巧高定低，個中語調如何表達 ... 咁不如用這個世界是美好嘅態度去看待，多些分享好玩經驗，以影音玩樂結識多些影音同好，無分高低老手、無界別咁係 76 玩得開開心心，咁就算 今天係 CD-Rom，明天都會夠膽問，慢慢玩玩下又多位大師以自己經驗分享比新人!! 我就感覺好好玩!! 你呢!?

Ccs56084342

wondun 發表於 2016-5-9 14:55
我係上年新手入在Marantz SR5010 + KEF E305, 睇戲試功夫熊貓(1)既既環繞聲唔錯,好識合我呢D新手.

當然 ...

師兄：如果想—步到位＇５想換黎換去＇有咩方案提供下呢？

fungl

Ccs56084342 發表於 2016-5-9 17:28
師兄：如果想—步到位＇５想換黎換去＇有咩方案提供下呢？

你預幾＄一步到位先？十萬？三十萬？定一球野呀？

小瑟

Ccs56084342 發表於 2016-5-9 17:28
師兄：如果想—步到位＇５想換黎換去＇有咩方案提供下呢？

有大買大, 有貴買費.....囉!!

Ccs56084342

fungl 發表於 2016-5-9 17:45
你預幾＄一步到位先？十萬？三十萬？定一球野呀？

两萬得５得㗎

小瑟

wondun 發表於 2016-5-9 14:55
我係上年新手入在Marantz SR5010 + KEF E305, 睇戲試功夫熊貓(1)既既環繞聲唔錯,好識合我呢D新手.

當然 ...

YES, 唔好話你, 想當年我可以重返AV呢個遊戲, 都係買KEF久蛋仔先, 易入屋麻, 之後先慢慢升值AMP, 換喇叭, 換TV, 逐樣換上去, 呢個都係玩影音既樂趣之一呢!!

Ccs56084342

小瑟 發表於 2016-5-9 17:47
有大買大, 有貴買費.....囉!!

有冇５貴又大件㗎？

manlad760

ykluk 發表於 2016-5-9 10:00
你使咩咁驚我會插你啫~~ 朝朝都插架啦~~!!  

其實我見樓主出Post似係超新手, 咁作為永遠新手小 ...

哈哈，我作為新人，又好認同師兄既意見，論點，因為玩玩下又想升級，又覺得唔滿意。。

SonSon

Ccs56084342 發表於 2016-5-9 17:48
两萬得５得㗎

點解係$25000 ?? 好多樹皮友包括我對$25000已係極限, 但亦有好多ching認為$25000算係起點. 根本個人要求個個不同, ching講既一步到位實在太空泛