《蝙蝠俠對超人》看後感（唔係以漫畫角度）

dodo@903

又唔好講到套戲咁差，我還想睇，唔知今次仲有無龍珠Z的打鬥場面呢？

gashapon

我上個周末再睇了一次, 發覺第2次的感覺比第一次好. 原因係因第一次睇時, 其實成套戲都好多野講, 要好專心咁睇. 第2次可以只集中在上次唔明的細節上. 加上做了功課(睇返某d劇惰的解釋), 再睇其實覺得故事真係唔差. 用個例子, 即係霍金想解釋"時間"係d咩, 佢拍了一套電影, 如果有讀開果科或是有研究開的人, 當然睇得無難道. 但對普通人就可能太多"technical terms"了. 我自己都有講呢套電影如果係對漫畫無太大認識的人會睇得比較吃力. 呢方面marvel真係好好多, 好懂得利用電影吸引多d人去佢地個"漫畫世界".

我見好多人唔喜歡的地方大多是以下幾點, 我自己的理解同少少心得係:

1) batman kills: 我都明白batman遵守"不殺"原則, 不過我自己又覺得有時如果對手明知你唔會殺人, 咁其實又無咩好驚.
另外電影中Alfred都有講" the rage the fever....turns a good man crude", 即係有可能superman未出現前, batman係唔殺人的. 不過自從superman出現後, batman的"most fear"首位就被superman取代了. superman簡單幾下就破壞了半個城市, 要怕都怕superman多d啦, 所以batman就採用更激進的手法, 例如印個logo上壞人的身上, 令人記得仲有batman呢個人, 佢地應該fear佢. superman死了之後, 我相信batman應該唔會隨便再殺人.

2) 點解batman想殺死superman: 因為bruce 所知的其實同其他人一樣, 只係無啦啦出現, 就破壞了半個城市, 成千上萬的人死了. 佢都有講, 20年來的打擊罪犯其實唔代表什麼, 因為打低一個, 新的又會出現. 佢祖先是"hunters", 所以佢都想延續個legacy. 打低superman意義好大, 因為打低佢可以防止上次死好多人的事件再發生.

3)點解batman一聽到martha就停手: 如2)所說, batman的看法係片面的, 所以才一心想殺死佢. 佢都唔知superman都有"人性", 當時superman死之前都叫batman救佢阿媽, 所以batman才知道成件事唔係佢想像中咁表面. lois出現更令batman由一個"入魔"的心態中清醒返. (有d似有時我地為了做某一件事而只睇到某一面, 即旁觀者清, 當局者迷) 都係果句: 如果batman明知superman阿媽有事都唔救反而殺死superman更無說服力呢.

4) Lex : 始終設定上唔同以前, 今次講真似我們所認知的LEX個仔多過LEX, 所以我都接受到佢的設定. 但我都覺佢入面解釋佢"為何要對付superman"的原因有點不足. 我自己理解係佢同Bruce想法差不多不過佢唔打得所以只可以用"手段"去達成佢個目的.

mike384

自己唔係咩DC迷, 亦唔算係MARVEL迷, 不過因為鍾意睇電影, 見到呢類大製作, 都會入場睇下.
上次DARK KNIGHT, 相信唔只我, 好多人都會覺得佢係成功的, 先唔理鍾唔鍾意BATMAN呢個人物, 入面的故事安排, 三集劇情的連貫性, 再加上第二集反派的精彩演技, 做就了一套好好睇的三步曲.
而上次MOS我都係收貨的, 但主要分數係落左係超人兩位老豆度.

講返呢套, 個四點:
1) 其實電影還電影啦, 導演想點米點講, 只要講得通都冇乜太大意見

2) 呢個理解, 因為如果真有超人的存在的話, 我都會好唔LIKE佢, 老老實實, 一個咁強大的外星人, 我又唔識佢, 見到佢拆樓就食豆腐咁, 點解要信佢.
MOS入面對超人人格的解釋, 主要源於佢養父的教養, 呢點講得通, 但唔代表大部份人會明, 入面超人受審亦係呢個原因.

3) 呢度唔係太明, 導演想講乜, 巧合? 定想講超人都有老母生? 但其實好短, 所以唔明都OK, SKIP算

4) LEX係成套戲最令我唔入戲的一位, 講型唔型, 講叻又唔係太叻, 白白痴痴咁害死咁多人後自己又死唔去, 說服力太低了.

演LEX的演員除了FB呢套成名作外, 重有一套較近期的AMERICAN ULTRA...CULT戲一部....

呢類英雄片, 除了要英雄有型, 反派冇返咁上下的話就係屈機, 所以成套戲最唔滿意的係LEX, 真係返去整FB啦佢~~~

另一樣唔係太明的, 就係BATMAN係個MON前面恰著, 夢見自己同超人對戰, 超人重收埋一班有翼的戰士等等...唔知係米預告以後的電影...想講乜, BATMAN有預知夢?

gashapon

mike384 發表於 2016-4-8 17:32
自己唔係咩DC迷, 亦唔算係MARVEL迷, 不過因為鍾意睇電影, 見到呢類大製作, 都會入場睇下.
上次DARK KNIGHT, ...

個夢我估計係flash利用speed force比佢"睇"到的一個"possible future", 因為flash同bruce 講


但flash去了太前的時間, 當時Justice league仲未成立, 所以flash先叫bruce搵佢地. 至於未來有無因flash"穿越"而改變就真係遲d先知了

youtube有唔少人解釋~
[youtube]DXeSNzP7mdI[/youtube]