《蝙蝠俠對超人》看後感（唔係以漫畫角度）

freestylemen

首先當然講講人人都話悶的上半場，的而且確是十分鬆散，是十分多短片剪埋一堆，唯節奏明快，我就唔覺得好悶，假如唔明佢講乜的就一定會覺得悶，如果以欣賞畫面的角度來看這套電影，觀賞性會高很多。

總括來說，劇情？算罷喇，太兀突加無厘頭。
先唔講超人求其講兩句mother，batman會180度轉變，化干戈兼做埋fd，雖則超人兩句令佢諗起佢阿媽，自己疾一疾合情合理，但真係可以咁求其就將自己對超人既誤會統統拋著腦後？你估唱歌歌詞咩。
最討厭的要數lex，是徹底失敗，想營造佢的聰明，偏偏無能力寫得佢聰明，只覺是一個扮，記住係扮，扮joker的一個二世祖，所作所為我都唔知佢想點同埋對劇情有乜幫助，假如全程刪除晒佢，其實又真係可以串連，大家諗下係咪？感覺就像為加而加這個無聊角色
成套戲最大個幣病係強行自圓其說，為什麼超人知道batman一定幫到自己，為什麼大家又知支矛可對付怪物，求其一句話係就係，仲有好多，我仲以為自己訓著左睇唔到一part，下，做咩說時遲那時快又去到呢度？難道是閃電俠快到睇唔到？
為介紹其他角色但又低手，這點真係要向漫威電影學習，每套都有作者做一做茄，但每次登場都好自然，唔係無啦啦，你會記得有這幕（題外話，最正當然要數spiderman reboot，係學校聽音樂果幕）
既然是電影，我諗應該合大眾，而不是讓各睇開漫畫的過下癮，漫畫又跟唔足，普羅大眾又唔知你做乜，咁咪係兩頭唔到岸。最致命是各人實力太懸殊，唔整隻強勁怪物又講唔通要大家合作，怪物勁得滯又攪到batman是老茄，我只看見batman只得左逃右逃的份兒，Wonder Woman 在耍帥，不斷賣弄自己既法寶，不過高潮位又打得唔夠喉，是等ww 自己的獨立電影才表演嗎？
Batman superman等真正身份又好似人人都知，十足是其他人扮唔知，由得佢兩條友扮鬼扮馬自我陶醉咁

所以最後只有畫面是具觀賞價值，的而且確導演過往幾套電影都係畫面行先，劇情麻麻，如戰狼300。上半場是很多短片拼湊，下半場ww耍帥的確是耍得有型
而batman的設定我是欣賞，可惜真係太茄，導演沒有寫好佢既聰明才智，比其他力量型英雄的不同地方，唔怕人開槍但怕人用刀仔，真係吹漲

kc275

alleelarry

大家都講左好多不是，或者可以代入導演同編劇既身份去睇，重拍經典兼且要炒埋一碟，用幾多時間同用咩材料，難度真的高！至於復仇者個邊……，其實都係差唔多，只不過好有計劃，一個一個英雄咁去推，才有今天的成就，內戰係咪真係咁好睇，某程度上係有D懷疑架

freestylemen

alleelarry 發表於 2016-4-3 00:25
大家都講左好多不是，或者可以代入導演同編劇既身份去睇，重拍經典兼且要炒埋一碟，用幾多時間同用咩材料， ...

Ching講得啱，炒埋一碟從來都不是輕易，例如十幾年前最興的crossover，兩套受歡迎的企埋一齊，人人認為實掂，但結果是全部失敗，主因相信是每套經典都有其個人風格，走埋一齊難以協調，好難駕御，往往吃力不討好
不過講返呢套，全片仍有重心主線是batman誓要對付超人，切合片名，可以振住成套戲走向，鮮明一d，但其中的劇情發展真係不敢恭維，我是最不滿一個咁有經驗的導演都可以做到咁無厘頭，其中最深刻是超人條女，你掉左支矛我是理解，因為怕別人傷害到自己條仔，但batman自己口噏噏三言兩語加上阿佛求其應下佢就認定支矛可對付隻怪物，接著條女就心有靈犀好有默契咁去搵返支矛，無言
人人鬧爆的man of steel，我又覺不錯，劇情預左，但充斥著戰鬥場面
今次係炒埋一碟樣樣都有d，因為都唔算拖，劇情去得快，150分鐘我都覺好快過，只係留下的印象是以上各個無厘頭，只有ww最後的出場編排我是大讚
另，ching講得啱，復仇者是有精心編排，每套獨立再集合一齊，我認為復1幾好是因為可以將每套獨立的風格，變成個人矛盾令上半場合理地令各人產生衝突，不過老實說復2都開始失控，夾硬加樣樣都有，變成放題，係就係乜都有，但有那些是特色呢？

alleelarry

freestylemen 發表於 2016-4-3 08:36
Ching講得啱，炒埋一碟從來都不是輕易，例如十幾年前最興的crossover，兩套受歡迎的企埋一齊，人人認為實 ...

作為最深愛的女人名字有所感動，其實不難理解的；蝙蝠俠突然轉變，是認同超人同樣是愛媽媽的，重情又重義，由過度偏激中醒過來，明白到真正的敵人並不是超人！這都是當日睇既時候所能感受到的，或許是我諗多左也就不定……

scarface

呢部戲除了視覺效果就無乜優點，劇情兒戲不合情理，可以話對導演Zack Snyder徹底失望！

nicebeebee

1)超人知道batman一定幫到自己是因超人查過BATMAN，了解佢,內心雖不認其手法,不過無當佢敵人(兩人都係)......而漫威電影走大家樂娛樂路線,依家都已有D滯,我自己好認同DC開另類路線,不大路但有一定喜好者

Nolan

alleelarry 發表於 2016-4-3 21:04
作為最深愛的女人名字有所感動，其實不難理解的；蝙蝠俠突然轉變，是認同超人同樣是愛媽媽的，重情又重義 ...

Surprisingly, I had the same thought too. Batman's consciousness really gets resuscitated while Superman dies trying to beg him for saving his beloved foster mother.

alleelarry

Nolan 發表於 2016-4-5 15:45
Surprisingly, I had the same thought too. Batman's consciousness really gets resuscitated while Su ...

作為一個老人家既我，經歷係就多少少，對於突然轉變看得淡一D，再者如果呢套係電視劇的話，就可以慢慢鋪排，153分鐘就真的要避重就輕

Nolan

alleelarry 發表於 2016-4-5 18:15
作為一個老人家既我，經歷係就多少少，對於突然轉變看得淡一D，再者如果呢套係電視劇的話，就可以慢慢鋪 ...

Well, I did think that scene is logical. Because humans are subtle, at times, they can change the way they think within a few seconds after getting pushed by something. Just let me be an example, I was a cynical teenager a few months ago, but after I encountered something dreadful, I learnt what it means to be a resourceful man.
"