終於都同制作的 Michael哥聯絡得上, 佢同我解釋返今次dts:x的音效係每秒固定左個bitrate為10Mdps, 而BD 個制式有制定是有所有聲及晝及字幕的總bitrate唔可以超過47.9Mbps的bitrate規限的, 而佢地做藍光制作的, 首先是一定會用盡個spec所規定既最高bitrate先的, 再看全片長的size, 如果size不夠先再compress細個video.
而一般制作藍光影碟時, 都會把碟碟中的70%容量留比畫面部份,25%容量留比音效, 而字幕就只佔客量數個%就已經非常足夠, 當照顧了畫面及聲音部份都有滿意的水平之後, 若果還有容量可用, 就會嘗試去增加其實不同的聲軌, 例如LPCM之類及特別收錄MAKING OF之類的東西.
一般港產片都會先向BD25著手考慮, 但今次因為係動作片, bitrate低就會係快動作上出現格仔, 所以佢地就希望可以用db50來做呢次的葉問3, 上文有提過藍光影碟本身就有個制式會制定所有聲及畫加上字幕的總bitrate唔可以超過47.9Mbps的bitrate規限, 今次DTS:X就用上左固定10Mbps的, 畫面就用上23Mbps, 理論上運行中的bitrate應該仲有17Mbps先岩丫, 咁點解唔放多d係個畫面上, 再谷行佢呢?? 原因就係其實一套藍光內當你播緊畫面, 你收聽中的音軌之後, 原來都仲會將冇用的聲軌load埋入去呢50Mbps的即時流量內, 換句話即係就算你冇聽到lpcm的音軌, 但其實藍光機都已經加入哂所有音軌入去, 原來就係因為咁樣, 當大家即時轉音軌或字幕時, 系統就唔洗重回藍光菜單, 可以做到即時無縫播放勒.
咁大家就可以會問勒, 咁點解一定要放咁多聲軌入去, 同埋唔加MAKING OF入去呢?? 呢個問題小瑟當然有問啦, 因應亞洲市場除了香港之外, 其他東南亞國家的用家都對 Dolby 及 LPCM 的聲軌十分著重, 所以音軌的安排就一定以用家需求行先, 所以大家見好多港產片都會有多聲軌的安排勒. 而有關MAKING OF的問題, 雖然 Michael哥冇正面回答小瑟的問題, 但小瑟大既意會到就是所有的MAKING OF都以HD為主, 而且內容長度都十分之多, 如果要放埋入藍光碟內以是絕對不夠空間去做的.
去到呢度其實我都算學左野的, 而我亦都係得個知字, 套戲都買左, 睇戲時亦都冇咩問題, OK啦!!!! |
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
樓主
發表於 2016-3-11 23:16
