如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
由當日發行同代理邀請傳媒去率先試睇全亞洲第一隻港產 dts:X 的藍光碟, 小瑟的確係覺得非常興奮, 一來 dts:X 真係等到頸都長, 依家終於都有 d 碟可以比大家試玩新 FORMAT, 話唔興奮就真係唔好玩 AV 勒...
得知呢件香港 (其實在全亞洲什至係美國 dts 方面都係一件大事) 藍光電影界大件事, 小瑟第一時間, 傳媒試玩會未到已經打電話比制作方面 Michael, 商討有冇可能攪一場連碟都未出就可以率先試睇的版友分享會, 希望大家都好似小瑟咁, 第一時間, 比街賣更快地可以係支援 dts:X 的器材上作全港首試，所以我地就決定問 Marantz 借機, KEF 銅鑼灣 SHOWROOM 借場, 貪果度又可以坐更多既版友, 又可以有齊全的 7.1.4 喇叭比大家原整地欣賞呢套 dts:X 的《葉問 3》.......
前晚活動完後, 小瑟仲希望唔知會唔會有機會可以做一隻「《葉問 3》- 76 特別版」, 而且當晚仲即時問隻碟會唔會係一 d 比較細的鋪頭會有可能早一日買到呢?? 答案當然係冇啦, 藍光碟就係咁, 一日未出街, 除左發行同制作可以有碟在手, 任何傳媒, 鋪家, 都冇可能可以囉到碟係手, 而咁多次, 小瑟都係「只可遠觀而不可褻玩焉」, 就係咁更加想快快入手, 尋日終於撲去入左手, 但到依家都未正式開來睇過, 點知一上來睇返【barrychiki 兄的[港版] 葉問 3 伯母板開盒】post, 得知內存得 28.7G 數據.....心諗唔係掛....點會咁架.....講真, 都幾失望下!!!!
小瑟今早已經第一時間想找制作方面去了解一下究竟係咩一回事, 點解明明一隻DB50既碟, 就算以扣除電腦數據計算方法之後, 其實都有 47GB 左右的空間, 究竟點解只放主片內容都唔用盡 D, 而係要好似依家咁總數得28GB咁小呢?? 另外多左出黎的 20GB 空間, 點解又唔放返 MAKING OF 入去呢?? 呢D咁多既問題其實都係我心入百思不得其解............隻碟好似小瑟係 CD WAREHOUSE 入手, 入手價係 HKD$199, 好彩都唔過二百, 如果個價過二百, 我諗我真係會連午飯都食唔落呢!!!! 而到現時為止, 小瑟都未同取得上聯絡...
好多朋友都同我講, 其實聲畫收貨咪得囉, 其實我唔係唔收貨, 只不過我係好似有一點點恨鐵不成鋼, 反正都有咁多空間可以做野, 點解唔將畫質用盡 d, 音效用盡 d 呢?? 今朝成個早上, 小瑟都周圍去搵料, 想睇返其實一般的西片, 如果係冇任何 SF, 預告的情況下, 究竟會係幾大容量的呢??? 音效的數據上, 一般西片又會有幾多的呢??
伸延爬文 : PAC 大哥的分享帖內容有藍光碟解拆的數據分享【《葉問 3》看後感】
http://post76.hk/forum.php?mod=viewthread&tid=236187
|
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2016-3-11 13:36
發表於 2016-3-11 14:16
真係有得失望！
樓主
