對DMA的一點不滿

manuelcheng

翻新後想買D平野
標190

第一次去問過一位有最平幾多,就話“無波,190law"
第二次問第二個,話唔會平得多
按電腦,諗左好耐,話170

唔係話D咩,第一次態度有Dbad feeling姐

lowbeejai

小弟淺見 通常態度差的Sales多數無料到

nikfung

其實間間店都有好的、串的、無料的、NICE的店員。
最緊要係你當時在什麽情况下，和你去做乜嘢!

班目一角

睇下咩人咩事.....岩吹可以好好傾....咩人都可傾一餐

斯路

lowbeejai 發表於 2016-1-21 22:52
小弟淺見 通常態度差的Sales多數無料到

我唔可以話我完全認同師兄呢個講法，不過想分享下自己相關經歷。

話說有日我想試試Questyle CMA800i夾OPPO PM-2耳機，帶埋自己電腦、USB線等等去某店，但當值店員W嚴言指明用以電流放大技術既Questyle CMA800i推平版唔好聽，而且OPPO耳機因為聲音唔夠闊無可能拎黎聽古典音樂。也許佢唔了解電流放大以及平版耳機之間既互補作用，亦以為古典音樂只有大編制，以令我非常難受既態度唔準我試聽。還好呢位店員而家調走左去同集團旗下一個陳列室而唔再出現門市，不然我唔會再去呢間耳機店。

不過我覺得啦，如果店員唔好好下功夫了解但又要抱錯書包，例如唔去了解耳擴放大電路特色、平版耳機所需、音樂類別分類等等，再加以唔好態度，就實在唔太理想啦。

kkwkk

又唔覺WOR，之前訂 006B 佢冇收待訂，留左CONTACT，一到貨就CALL我

hiyori

斯路 發表於 2016-1-22 10:33
我唔可以話我完全認同師兄呢個講法，不過想分享下自己相關經歷。

話說有日我想試試Questyle CMA800i夾OP ...

我想那位店員真的記反了。在過往數個音響展中，電流放大技術的耳擴配搭平板耳機的組合，不論是配hifiman出名難搞的HE6，或是audeze的旗艦等，大多獲得相當好評。

前線人員壓力大及工作繁忙，兼顧銷售和知識增長不是易事，只是賣耳機涉及很多專門知識，而銷售人員在促成交易之外，其實更是在用其知識幫客人解決問題。很多客人依靠店家的解說去了解產品，知識之準確或許不會即時化成短期業績，但對長期的營運影響深重。

斯路

hiyori 發表於 2016-1-22 12:58
我想那位店員真的記反了。在過往數個音響展中，電流放大技術的耳擴配搭平板耳機的組合，不論是配hifiman ...

又或者該位店員根本無好好了解該兩樣器材啦。

不過啦，香港購物體驗唔好，我現時主要先於網上請教有邊幾樣玩具值得試聽，再一次過試玩，盡可能減少出門試聽次數，免得有個唔好彩遇著唔太好既店員令自己難受。又或者，如果件玩具唔太貴就直接郵購算數。

其實國內有幾家店家相當客氣，上年年底於四川一家耳機店玩得甚是開心，去過該店都三四次，老闆熟行情但為人謙虛，每次都交流得樂而忘返，我係香港從來未試過咁樣。

ericcho

店員態度好當然開心d，但也很少遇到奇差的，我就唔太在意，最重要得到自己所需要的服務/試聽就ok，店員的意見，好少問也少理，不如仔細聽多d，網上做多d research，更能有效的得到資訊。

相比以前，耳機要買左返去先知聲係點，而家很容易試聽到已經幾好，又有網上討論。   

而家網購咁簡單方便，甚至更便宜，仲有實體店提供試聽，都好好了。

StevenTam

最理想的情況之下，Salesman可以充當顧問角色，成功幫助客人尋覓心頭好

普遍情況，也能夠在產品說明上答話，引導顧客鎖定他們需要的產品

不過，最低限度要友善，樂於協助顧客

我接觸到的，零售店音響從業員大部份Salesman都是賣花插竹葉，自身也非熱心於發燒，或非全面地學習音響知識，經驗之談就別提了

不過，老實地說，網絡上的討論，並不就是中肯無誤的資訊，說到底也只是大家各自表達

既然可以試聽，購買音響時，相信自己最直接的感覺，也許才是選對音響心頭好的捷徑