hifi 平民區

一斤花生@G

kl122002 發表於 2022-1-14 13:08
我聽左幾部唔同牌子的all in one:
Evo150
NAD m10v2

早上星期聽左 Evo150 推wharfedale evo 4.1我覺得唔差~ 係幾方便~  如果係入門玩家黎講,真係超水準,

我仲試左PASS LABS INT 25......純A類25W   有D膽味~  幾滑流  我見佢推   kef reference 1  幾正 能量感大氣

搞到我都有D心旭想買部PASS LABS INT 25   東哥仲做緊特價比我40K多少少   , 但黎個價錢可以考慮 細菠蘿 同LUXMAN  

但我比較偏向 歐美機多少少,      當初係想換喇叭....但我發覺係部DMS 500 音量-4~6DB , 再由部REGA 加大音量係最好,

之前係DMS500  一直係最大音量+8DB~6DB  由REGA 再調音量會覺得有D肥腫 同太吵耳~

而且只係將DMS -4~6DB  非常好聲~ 人聲出曬黎 REGA可以調到11點至12點音量~ 簡直可以用脫胎換骨黎形容~

所以又暫停左換喇叭計劃~ 反而比部PASS LABS毒到,佢推平價wharfedale evo 4.2 同座地都有板有眼~  而家比個冷靜期自己 過年後睇下換唔換機~

其實細菠蘿都好多人推,但我見都出6年左右~ 再睇睇佢地產品線,都係 6~7年更新週期,所以觀望中......  

kl122002

一斤花生@G 發表於 2022-1-29 17:50
早上星期聽左 Evo150 推wharfedale evo 4.1我覺得唔差~ 係幾方便~  如果係入門玩家黎講,真係超水準,

  ...

如果不提pass labs 真係唔經唔覺都好似有30年 ?
主打用MOSFETs 線路, 行A類放大, 聲音係有D似膽機 , 推大食的喇叭沒問題 .
只係令我圈點的地方是重量和熱量, 還有令我不給它入我門是那個外表....

40K以上的機是另一個層次. 同樣是rega的話可以參考Osiris, 沒有什麼的.
如果我有40-50K, 應會開始考慮前後級?

菠蘿....早前好多買左, 不過現在風氣一唔流行之後, 又好似靜晒....

一斤花生@G

kl122002 發表於 2022-1-29 20:26
如果不提pass labs 真係唔經唔覺都好似有30年 ?
主打用MOSFETs 線路, 行A類放大, 聲音係有D似膽機 , 推 ...

  其實我見好多中高價機...都係一大舊好重, 常見LUXMAN,金仔 老麥  Goldmund   soulution  全部都23KG起步

  但外型的確 貴豐係個樣靚仔D 其餘大部分差唔多~   但都幾多人放二手....真係好多, 我見120 二手最平30K頭

kl122002

一斤花生@G 發表於 2022-1-29 21:33
其實我見好多中高價機...都係一大舊好重, 常見LUXMAN,金仔 老麥  Goldmund   soulution  全部都23KG起 ...

未必
Jeff Rowland 125 + Capri S2 就細細部
Cyrus 前後級加電都係細細部
Project前後級分家都係細細部
Nuprime 有D都係細細部
而且Linn Klimax DSM + Klimax Mono / Twin 都係細細部
細細部有好多選擇.....

大大部係為左推果D座地大喇叭而 放左好多大電容, 大火牛而大大部
如果唔係, 細細部真係可以好多 .

一斤花生@G

kl122002 發表於 2022-1-29 23:34
未必
Jeff Rowland 125 + Capri S2 就細細部
Cyrus 前後級加電都係細細部

Linn Klimax DSM   係D類放大~ 基本上D類放大,係可以細細部~ 因為唔洗比隻大環牛入去, 同搞供電部分,慳番好多位.基本全部都係數碼電子線路板

Cyrus 就所有機種真都係鞋盒形式,真係細細部, 其餘你講個D非主流品牌  就唔多留意啦~  如果部機大件少少好力水D,我信相好多燒友都唔介意,


聽完部Pass Labs INT25  純A類真係有D念念不忘.....等再有機會聽下其他純A類機睇下有乜感覺,部PASS純A類人聲真係好似膽機   

當日佢地都係駁部 唔太貴串流機 聽TIDAL   都好有質感        東哥都有機會叫我試下  LUXMAN  不過真係對日系機冇愛.....

kl122002

一斤花生@G 發表於 2022-1-30 02:25
Linn Klimax DSM   係D類放大~ 基本上D類放大,係可以細細部~ 因為唔洗比隻大環牛入去, 同搞供電部分,慳番 ...

Klimax DSM 只係一台streamer / DAC/ 前級， 只有 Klimax Solo/ Twin係後級。
Jeff Rowland都係用 D類放大好多年的牌子。 呢個牌子唔冷門, 係高階機的之一，  純粹只係好少入打的人會知同望的牌子。

Luxman 的 class A 機係外國好有名的， 同膽機齊名。
其實係香港賣得偏平而錯覺以為Luxman 係平價牌子。 在外國要賣返出口價係好貴的。
其實如果有機會就不妨去試聽一下， 反正只是少少時間， 為何不比較？

Pass Labs 的機係買得過， 猶其前後級。 這個牌子主力做純線路放大是有一定成績。 只是依然是那句， 這牌子的機實在太重。 Int 25 有90lbs 是要2個人抬， 真係.....

至於 class A 機係真的有點熱， 比 Elicit R 還要熱
在寒冬裡長著真係可以當暖爐，夏天用就一直要開冷氣
通風散熱係好重要， 不然機內的零件會自己熱壞自己
呢個都係我唔太鍾意用class A 機的原因之一。


題外話,
力水同部amp 的關係係奇妙的：不可以說沒關係， 但今日就就是不一定有關運。 比如說推一對大型座地喇叭是要大後級， 所以大大台mono block。但隨著class D 成長， 我已留意到後級的大細都開始變細 ， 最近聽過NAD M32 後級， 只有平時見的一半都可以交到功課。
反觀的我想是喇叭本身， 是不是一定要多單元, 用大mono block多才等於好聲？

一斤花生@G

kl122002 發表於 2022-1-30 09:13
Klimax DSM 只係一台streamer / DAC/ 前級， 只有 Klimax Solo/ Twin係後級。
Jeff Rowland都係用 D類放 ...

  INT 25  冇咁重  Weight : 51 lbs       個日 luxman 509x 係AB類我冇試到.....

唔知點解鍾意A類放大, 佢話有部590AX 係純A類 但已停產~ 話有新一代準備發佈~ 或者叫我等下囉~

我上FB音響群組睇品牌投票  LUXMAN 都係頭三位多人用 近次於金仔~ 不過可能轉左大陸製 ,D人唔係咁鍾意~ 不過都係聽聲收貨啦~
  

我過年再睇下咩情況~  頭先睇資料 原來WHAT HIFI 都有好評個509X https://www.whathifi.com/luxman/l-509x/review



WHAT HIFI  真係甚少好評 非英國產品....... 應該真係唔錯~ 價錢就貴PASS LABS 少少~

等過年後再睇睇咩情況 話唔定又有特價~   

kl122002

一斤花生@G 發表於 2022-1-30 11:07
INT 25  冇咁重  Weight : 51 lbs       個日 luxman 509x 係AB類我冇試到.....

唔知點解鍾意A類放 ...

望返先知原來係51lbs, 我應該記左另一個model

Class A 可以話係原子粒版的膽機，
聲音暖和， 帶少少柔， 細微音訊都可以好清楚
圈點的地方如前提過： 重， 熱， 壽命
唯一一部只熱而唔重的是 MF 的A1

Luxman仲有部595A, 有聽過嗎？

一斤花生@G

kl122002 發表於 2022-1-30 11:16
望返先知原來係51lbs, 我應該記左另一個model

Class A 可以話係原子粒版的膽機，

黎部冇聽過....太貴啦~   標價7萬 實價我冇問 我諗最平都要6萬

  部PASS LABS 25  4萬頭 LUXMAN 509X 就5萬   左右     

當然先唔講聲低  LUXMAN 插口多好多~ 都XLR    PASS LABS 就只係得RCA 3個

但當然對於我純二聲道冇所謂~ 而且RCA XLR我都冇特別要求  因為睇左好多資料討論  其實好多都認為RCA好聲D   

我見好多機種都係因應 客人要求先加XLR        都有D貴價機堅持 唔用XLR 只有RCA            

kl122002

一斤花生@G 發表於 2022-1-30 12:04
黎部冇聽過....太貴啦~   標價7萬 實價我冇問 我諗最平都要6萬

  部PASS LABS 25  4萬頭 LUXMAN 509X 就 ...

反正試聽都唔使錢

至於你話要幾多RCA 插口係一個好問題。
黑膠， CD, Streaming 三個真係應該夠晒數，除非仲有錄音帶或者其他野。

同意好多機係因為市場問題而多個一組XLR.  
同一道理也落在CD機上， 現在不少廠出的CDP都 加入由外輸入處理的DAC功能， 於是原本的CDP就變成了只是付加東西。
在D類amp 不斷改良和問世的過程下， DAC也可以裝在amp內， CDP+DAC的功能就變得有點尷尬。

新訂的Linn Majik DSM只重4kg, 唔過9lbs.  我真係想睇佢可以出到乜野效果。