hifi 平民區

SimonHon@FB

一斤花生@G 發表於 2021-5-21 04:13
所以我冇買到，因為我9成時間 用tidal聽歌……而且見近期所有平台都推無損，我整歌庫都係想聽中文歌多， ...

昨晚第一次在Mora 買歌，vpn，翻譯, 樂天, 注冊，信用卡... 都幾麻煩
但高質，滿意

一斤花生@G

SimonHon@FB 發表於 2021-5-21 14:53
昨晚第一次在Mora 買歌，vpn，翻譯, 樂天, 注冊，信用卡... 都幾麻煩
但高質，滿意 ...

係OK架~ 但問題係冇想像中咁多歌賣....... 一係歌手死左,一係近期大熱先有 FLAC

其餘都係MP3多...

一斤花生@G

spotify 終於出無損了！如果有第一時間轉去

https://tw.appledaily.com/gadget/20210520/3YBL447DE5DPFLKBEBBOHGKDU4/

kl122002

一斤花生@G 發表於 2021-5-22 22:47
spotify 終於出無損了！如果有第一時間轉去

https://tw.appledaily.com/gadget/20210520/3YBL447DE5DPFLKB ...

也是呢, 不少藍牙喇叭都可能未真的支援高清播放...

一斤花生@G

kl122002 發表於 2021-5-22 23:17
也是呢, 不少藍牙喇叭都可能未真的支援高清播放...

寞講話藍芽喇叭，藍芽耳機咁多人用都係未支援，原身設計求係方便，我見apple music 都好多人嘈，話apple出一堆新產品，耳機同 ipod,但唔支援hd music … 其實如果軟件支援，好似Spotify 個apps咁方便，相信未來一條網線，用手機apps控制藍芽喇叭，會比較方便好聲，

kl122002

一斤花生@G 發表於 2021-5-23 00:14
寞講話藍芽喇叭，藍芽耳機咁多人用都係未支援，原身設計求係方便，我見apple music 都好多人嘈，話apple ...

如是說, 應該好快都會淘汰一批藍芽器材

一斤花生@G

kl122002 發表於 2021-5-23 07:19
如是說, 應該好快都會淘汰一批藍芽器材

係阿~ 所以話近期串流平台起風雲,  帶動埋藍芽器材,都要大更新規格先跟得上,

SPOTIFY 台灣個邊都加價了......佢應該想好似APPLE MUSIC咁, 劃一收費, 聽HIFI 定係MP3格式都同一個價

舊用户可以自動升級聽無損, 新用户就要新價錢起步了, 一下子短短一個月 突然咁多平台話有無損, 應該都係唔想一下子,  

有用户因為有無損,跳到其他平台, APPLE MUSIC 同SPOTIFY   市場佔有黎二個平台最大!!歌都係最多

我相信連TIDAL 同qobuz 都有好大壓力,   但對於音樂愛好者黎講, 絕對係好事, 有競爭有進步!!

我就非常鍾意SPOTIFY   因為,所有串流機可以話.   一定有SPOTIFY支援到,  而且連用電腦播歌都可以用番自家APPS控制,    實在方便
















   

kl122002

一斤花生@G 發表於 2021-5-23 07:55
係阿~ 所以話近期串流平台起風雲,  帶動埋藍芽器材,都要大更新規格先跟得上,

SPOTIFY 台灣個邊都加價了. ...

換句話說, 即是早少少加定spodify premium 好D ?

好彩我未買任何streamer  
不過喇叭就.... 我覺係會有好多 "呢個時間" 出的新model 會其實係由舊野貼個貼紙扮高清?  
甘講的話, 我入手Bose Home Speaker 500 就已是max. 暫時唔會再睇Naim  

kl122002

又好奇一問,  一斤兄
如是在你的hifi 旅程中到了現在這步, 由原本只在枱上聽到了現在也有腳架等
到現在為止,  "Hifi "  給你有什麼感想?



對我而言, 浮生數十載去睇, 係好神奇的一件事 .
由你放張紙角去轉動中的黑膠唱片發聲起,  到今日CAS,  平貴線材喇叭等, 以致不同的DIY
可以用一句

"妙哉! "

也不為過.

一斤花生@G

kl122002 發表於 2021-5-23 08:14
換句話說, 即是早少少加定spodify premium 好D ?

好彩我未買任何streamer   

又唔一定係加定spodify premium 好D      始終要睇番自己聽歌種類,但係我APPLE  spodify 都聽過  二邊歌曲種類都好多~

因為我係雜食類 乜歌都聽下    但TIDAL就多發燒歌經典歌,   尤其古典歌 可能會更岩你~

我就有可能二邊都JOIN   因為其實TIDAL FAMILY 6人PLAN都係144一個月,分開計都係24$一個月,   一年都唔洗3舊水

我之前係 FB音響討論區搵師兄JOIN 一年試下, 7 月尾到期囉,      

至於 spodify premium  到時睇下黎到有冇師兄一齊夾PLAN囉  

大師兄你化繁為簡?   玩一體式音箱阿?  Bose Home Speaker 500 滿足到你嗎?

至於係HIFI升級旅程中 比我感覺算玩過囉~   算係見識過基本二聲道玩法   可能出世年代已經太多娛樂,

所以HIFI未必係佔太多時間,  以我自己感覺,可以用一部遊戲機黎影容 音響,  可以為左玩一隻遊戲 買一部主機番黎

當日我都係為左 一首歌  想去玩HIFI    你唔問起,我都差D唔記得,點解想去玩HIFI     

當日我經過音響鋪 播Yao Si Ting 姚斯婷 Somewhere In Time,感覺首歌好正, 我番屋企用電腦喇叭係YOUTUBE 聽 當然差好遠 冇個種好投入 好深情感覺

突然好想屋企整套HIFI都出到黎種聲音,   就開始踏入我HIFI之路,      

疫情關係 ,令我更多時間去聽HIFI 同玩,  變相覺得其實只要有好歌, 我都想繼續玩落去,   

對於我要求黎講,其實好聲好簡單  , 而家好多有源喇叭其實都唔錯,  加一部有前級DAC串流機  就已經好好聽,

講真我又未聽過D幾十萬器材   又邊會去追求咁高層次!!

假若有日我唔好彩D器材壞左,  我都會買有源喇叭,加串流機  ~   

我自己接觸過HIFI黎樣野,覺得有好多人神化左 好多器材或者聽感,  講真D人成日話聽得出分別, 我覺得分別係有 ,但係咪真係加個釘墊係機底都唔同聲?

我就真係聽唔出分別啦.....  可能我自己就真係冇乜心機去成日搞HIFI ,我只係想買件器材 番黎有升級感唔想煩,

我都係量力以為去玩HIFI,  簡簡單單享受音樂就算!!