hifi 平民區

LYKH

由頭追到尾，讀左好幾日，完成。。。

kl122002

LYKH 發表於 2018-1-1 17:40
由頭追到尾，讀左好幾日，完成。。。

這是為了找大家又負擔得起的平民機種而設的. 時至今日, 有時得閒會聊一下理論.
如果師兄發現有乜平野, 就報下料了 , 不過要留意一下金額, 盡量每件或每對喇叭唔好過15-20K . (range內的都可以講, 只是我覺當成 '偏貴' 果類提示一下會好一點)

不同人對配件有唔同range standard的, 比如唱針之前我說2M Bronze 都有人PM 我話貴, 又人話抵. ..
這種的矛盾位間中會有, 唯望大家君子之交吧.

hifi 呢一回事, 平有平玩, 貴有貴玩. 到了一定時間就見不少玩家回歸基本.
基本功, 認知不足的話, 玩乜都沒用.
反而認知夠了, 根基是會自然好,  就更知自己想要乜, 耳仔唔再軟去聽人地講乜買乜, 成本可以控制得更好.

kl122002

最新有朋友對我訢說自已買了六神合體的二手amp . 朋友想退回去, 卻被人以一句 "都唔知你有無再改過野, 唔收!" , 硬食了一面灰, 於是覺對方是出術在先.
我直接問, "你入手價幾多?" , 聽後於是回一句 "你不曉得 '便宜莫貪'嗎?"
想必然這句老到不得了的說話, 朋友根本已聽不入耳, 我也省得再跟他說.

我不反對hifi用2手品, 雖然我自己偏重一手. 二手品事實不是 "二手", 可以三手, 四手...越舊的東西就越多經手.
有些零件也不換不得, 在一手過一手情況下, 誰可保證那件是原本的, 是真的還是假?
如果那產品像Singer 衣車名字打出 "終身保養",    那麼應很值錢 (又或非常不值錢, 因為可能多年都是那個樣子)

欲望可以把理智矇閉,
切記切記

HD_2

kl122002 發表於 2018-1-4 07:41
最新有朋友對我訢說自已買了六神合體的二手amp . 朋友想退回去, 卻被人以一句 "都唔知你有無再改過野, 唔收 ...

呢啲人明顯搵水魚

LYKH

kl122002 發表於 2018-1-2 09:08
這是為了找大家又負擔得起的平民機種而設的. 時至今日, 有時得閒會聊一下理論.
如果師兄發現有乜平野,  ...

深感認同。都係果句，玩咩都係咁樣啦。

發燒果陣，訓身去追。熱情一退，就返璞歸真。。。

到呢個階段，玩些平野，同新手果陣又完全唔同，不是為入門。因為已經有認知，成件野曉睇通睇透，明白價值和價錢的分別；雖然揀平野，但都唔係亂買。其實平平地咁燒下，都一樣有樂趣，又無壓力。。。

不過呢，音響有樣唔太好，存放需佔用地方，真唔可亂買太多。。。

小弟乃火麒麟性格，玩藝多多，不過就無樣精，慚愧。。。

kl122002

HD_2 發表於 2018-1-4 09:11
呢啲人明顯搵水魚

我睇到2件事
1. 真係賣的人是劏水魚, 很明顯的
2. 買家(我朋友) 也是一種便宜心態作怪, 至今兩週都未平伏. 我覺得未免有種苦主心態, 不接受自已買一個教訓的事實. 說白了, 就是身為旁人的我也不會同情.

koalaau

我就咁睇：
1.有幾便宜？
2.點六神合體法？
如價錢已反映，都唔係冇價值，咁應該係聽過ok先買的吧？
六神合體係緊要野都非原裝？電容太舊要換無可厚非，如火牛和功率管都換埋就真係變哂聲了。
但都要睇返幾錢，買二手係要做功課的，市價應該幾多、原裝咩料、應該係咩聲等，就算乜都唔知都應該試另一部同級機比較下，如果乜都唔識但聽完自己都收貨，就無話可說，部機唔係壞，最多係買貴左。

kl122002

koalaau 發表於 2018-1-4 18:56
我就咁睇：
1.有幾便宜？
2.點六神合體法？

呢個年代的價格觀我真係唔識講, 網上價時起時落, 平貴皆有.
朋友說買的時候只試是不是可以運作正常. 台機是可以做到了.  聲音...我也不熟, 他也是第一次接觸.  又怎知是如何呢, 不可能把自已的喇叭抬去試吧?
發覺出問題後, 我也看過機內, 覺一些原子粒零件看起來就是很新, 沒理由出沒在一台60年代中的機吧? 牛也有少少鬆, 真是不知上一手碰了什麼.
說是一些零件要更換也無可口非, 只是聲音是不是真的原本應有的聲音也令人存疑.

koalaau

新未必係換過，我買部74年出品山水內籠新機一樣，拆開睇火牛龜殻電容都係全原裝。
上網搵下部機資料及裸照，就知有冇換野，一般大路野要查用咩原子粒應該查到。

kl122002

koalaau 發表於 2018-1-4 19:53
新未必係換過，我買部74年出品山水內籠新機一樣，拆開睇火牛龜殻電容都係全原裝。
上網搵下部機資料及裸照 ...

應有少少難度, 那是一台 Luxman SQ 77T . 不常見.
如果每個買賣的都識齊基本電子零件的話, 賣家也肯打開就應沒問題. 不過嘛, 還是當人在心急的欲望裡, 理智還是矇閉了