《十年》很多事都心裏有數...+

Hon

十年後,香港會變成怎樣?五一節慶日竟然上演恐襲，保育的建築走至盡頭，的士司機操不好普通話，分分鐘揸兜搵食。遭遇到 不公，唯有自焚才能發聲嗎?還有人知道香港有本地農場有本地蛋嗎?《十年》短片計劃，五位香港新導演郭臻、黃飛鵬、歐文 傑、周冠威和伍嘉良忽發奇想，《浮瓜》、《冬蟬》、《方言》、 《自焚者》和《本地蛋》各自拍出他們想像中在十年後會發生的故事。當本地的新聞自由和言論自由正在惡化，廣東話的生存空間比農業發展更快離我們而去。當下香港的危機、分化逐步加深，形勢已經非常緊迫，亡羊補牢到底晚不晚?還是已無可補救，為時已晚 ?


故事好簡單, 就係講2015年十年後既香港會變成點


未講個人睇法時, 先講下點解睇呢套戲.
好簡單,識我既人都知我講野係咁直接, 就係咁啱睇晒戲院上畫想睇既戲, 又咁啱睇到十年呢套戲既迴響咁大, 所以就買定飛去欣賞.
因為唔係間間戲院都有上影, 所以買左重有位可以買到早場睇既戲院, 就係MEGABOX, 亦因為咁唔記得左佢係一間細院, 再一次俾我既感覺就係好似幾條友睇緊小電影咁, 希望日後唔會再幫襯佢地就好LA.

講返正題, 呢幾個短篇電影既集合絕對係同政治拉上關係, 如果睇完仲會問左問右既話, 我諗你真係睇錯戲, 因為將現時香港既主流問題講得好白(除左某一條短篇難明D之外), 的確, 除非你唔住响香港, 否則呢D問題係無可避免到既, 亦正因為咁而產生種種需要改變既事實出現.

今次呢套電影我唔會評分, 因為各人睇過後心裏一定有自己既分數, 而感想上亦都各有不同, 所以呢個POST出現可以話係分享俾大家留意下, 現時除左主流大題材既電影外, 呢種較為直接反映現實情況既電影相信日後都會有不少出現, 大家喜歡的話可以多多留意.


+++++++++++++++++++



除此之外, 啱啱執過2015年睇過既戲原來都唔小, 對我黎講2015年絕對係傷心既一年, 所謂傷心係我家庭既事情, 並非電影界, 兼且令我想到當你認為身邊既朋友或稱兄道弟既好友間, 當跟佢地分享呢種事情時原來只會報以一句: 我地呢度唔講呢D事既", 真係HURT上加HURT, 現實就係咁.

不過點都好, 生存就係要生活下去, 所以2016年大家都努力去面對吧!

加油!!!!!!!!!!!!!!!

alleelarry

Hon 版友已成為了 星影匯 的支持者！

Hon

alleelarry 發表於 2016-1-3 10:43
Hon 版友已成為了 星影匯 的支持者！

問心嗰句, 我對THE METROPLEX既評價真係幾好, 最起碼坐位上既距離真係好掂, 至少成個感覺係真係用心去做, 係想你舒舒服服去睇戲, 而唔係你黎睇戲就要受佢地既地方問題(就好似咩中心咁), 相信今年都會繼續入場支持佢地, 亦希望其他戲院亦都可以顧及觀眾既感受

alleelarry

Hon 發表於 2016-1-3 11:35
問心嗰句, 我對THE METROPLEX既評價真係幾好, 最起碼坐位上既距離真係好掂, 至少成個感覺係真係用心去做, ...

星影匯天生有地利，善用地積比率，而唔係盡用係優勝之處，加上都有咩中心既扮演既角色，久唔久都播下其他野

Hon

alleelarry 發表於 2016-1-3 12:07
星影匯天生有地利，善用地積比率，而唔係盡用係優勝之處，加上都有咩中心既扮演既角色，久唔久都播下其他 ...

中晒.

雖然地區上係比較偏D, 但其實好易解決啫, 又有接駁巴士, 我就搭巴士行5分鐘就到.

今時今日唔好再成日話... 好遠呀, 唔方便WOR... 咁就唔知好野LA.

alleelarry

Hon 發表於 2016-1-3 12:24
中晒.

雖然地區上係比較偏D, 但其實好易解決啫, 又有接駁巴士, 我就搭巴士行5分鐘就到.

至於有車既我，就更方便，二人同行免四個鐘！好奇問有無申請埋商場既會員卡呢？
(Post76 Android 手機版送出)

Hon

alleelarry 發表於 2016-1-3 14:02
至於有車既我，就更方便，二人同行免四個鐘！好奇問有無申請埋商場既會員卡呢？
(Post76 Android 手機版 ...

今年應該會申請...

幾時有得申請???

alleelarry

Hon 發表於 2016-1-3 18:20
今年應該會申請...

幾時有得申請???

印象中係朝十晚十，先消費一單至少五十元就可以申請，往後每五十元既消費有一分，最少五分可以換禮物，生日當天既第一單消費可獲雙倍積分，當月更可獲禮物一份，2015年度既係星影匯戲票乙張！

Hon

alleelarry 發表於 2016-1-3 18:58
印象中係朝十晚十，先消費一單至少五十元就可以申請，往後每五十元既消費有一分，最少五分可以換禮物，生 ...

好, 黎緊問下佢幾時有得入會先.

alleelarry

Hon 發表於 2016-1-3 19:20
好, 黎緊問下佢幾時有得入會先.

申請入會未停過，只是朝十晚十就可以了！