新手音色求教

nickdo

我想問一句, 既然你不太喜歡 LS50 的聲音, 為何還要買他?
如果在試機時滿意LS50, 那為何不參考店裡的SETTING去夾對喇叭?

FelixTheCat

nevermindband 發表於 2015-12-7 21:34
多謝師兄賜教。今日放工又返屋企搵條陳年跟機(另一部)的舊銅線出來試試。

和上次試DAC不同，因為DAC只要 ...

之前聽過LS50，會比較偏清和高分析力，用有銀嘅喇叭線可能會over。。。

也覺得變化一可塑性高D。睇番你D setup，喇叭擺位可能有問題，有無在LS50底放防滑墊？喇叭一定要穩！

銅喇叭線也是百花齊放，個人比較喜歡Oyaide和in-akustik，中性得嚟比較有力，分析力也不錯。自己也是用Oyaide Tunami V2 bi-wire。Sound From Heaven好似也好抵用。也可以問問其他Ching意見。喇叭線可以買好D，因為唔會壞，有排用。

其實每一環節也會影響到，如果不是錯得太過份，之後可以打修正球。

P.S. 要厚暖，可以去廚房找塊厚木砧板放在DAC/Preamp下面試試。

ykluk

睇完樓主個post同blind test, 首先要讚樓主非常有心機同詳細講咗個測試, 令大家容易明白樓主既需要同情況~~!! {:9_426:}

本身對Forte呢個牌子唔太熟, 上網睇返知道係Threshold老闆Nelson Pass既副牌, Forte model 1a power-amp用700VA大牛出50W既class A聲音, 以其力道大致上應該多過150W以上既class AB後級, 要推起LS50應該係足夠~~!! {:9_423:} 樓主仲用Forte model 40前後, 要計以晶體機去諗已經算係比較暖聲啲~~!!

當然HIFI嘢係配撘問題, LS50係經典LS3/5a創新概念的產品, 監聽喇叭既特色就係"照妖鏡", 即係將前部分比出嚟既聲音照射返出嚟, 樓主既第一組合仍然係覺得好清好淡, 咁小弟會估樓主係好鍾意濃厚味道. 覺得第二組合科寶Mini-Galaxy 1 + Celestion啱聽就更加係咁 (我諗對Celestion喇叭係好易推出Mini-Galaxy 1既超線性AB-1類放大12W輸出功率)~~

如果係咁, 小弟會有幾個提議:

1. 唔知樓主實際屋企點情況, 擺位空間如何. 雖然擺位空間同聲音音色無太大影響, 但起碼set好啲都可以令三頻(尤其低頻)以"正常"方式走出嚟, 無喇叭腳無釘, 啲低音都唔知點樣走好, 三頻唔平衡走出嚟都會影響音色; 另外擺位可改善空間感同結象, 無痴埋一舊咁都會舒服啲~~

2. 科寶Mini-Galaxy 1 + Celestion呢個組合其實應該已經盡晒力, 都無咩特別再改善空間, 所以應該去諗第一組合. 既然樓主鍾意濃厚味, 用任何有銀尤其是導銀簡直就係送死~~ 用返純銅尤其紫銅線去令組合走返中性路線先~~!! 個人最建議自己買純紫銅線DIY, 但如果DIY唔得, RCA接線可以試sommer, 喇叭可以諗德敏~~

3. 不過小弟估其實換線都未必滿足到樓主既"濃厚"興趣, 我會建議樓主先去旺角添置聽吓sound master既膽機先(nelson既ys audio未必會啱你, 佢係屬於幼細高分析力既膽), 再去德發地庫michael到試吓naim+focus audio(最好係FP系列)既聲音, 睇吓咁樣既組合啱唔啱你聽先~~ 再分享吓個結果, 因為小弟估LS50都未必啱你, 可以去諗吓focus audio或者啲舊既英國聲音(即舊B&W同KEF, 但一定要舊)~~ 可能到最後你鍾意既聲音喺sound master + focus audio搵到~~ {:9_407:}

enjoy~~!!

nevermindband

nickdo 發表於 2015-12-7 23:51
我想問一句, 既然你不太喜歡 LS50 的聲音, 為何還要買他?
如果在試機時滿意LS50, 那為何不參考店裡的SETTIN ...

這是一個LONG STORY, 但簡單用一個詞去形就係"缺乏知識"

我買果時以為自己已經爬好多文, 以為自己睇咗禁多REVIEW同師兄討論,實無買錯. 事後才學會原來公認的好喇叭和適合自己的喇叭是兩個不同的概念.

同埋PROMOTION 呢家野, 真係好有用. 買果時剛剛好KEF 做PROMOTION 送$1000蚊SOGO COUPON, 計落好似好低,咪買咗囉...

其實應該去試埋隻B&W 685 S2 同埋ATC SCM 7 / 11 先決定的

nevermindband

FelixTheCat 發表於 2015-12-8 00:17
之前聽過LS50，會比較偏清和高分析力，用有銀嘅喇叭線可能會over。。。

也覺得變化一可塑性高D。睇番你D ...

多謝師兄賜教, 我擺位肯定有問題的. 因為空間不夠, LS50暫時放在另一套YAMAHA 座地喇叭上. 我亦唔識落釘或搵防滑墊放底. 看來星期六要去鴨記搵返個喇叭架先得. 可惜我是無飯夫妻, 家裡沒有厚木砧板, 否則今晚可以回家一試.

喇叭線要開始勤啲睇二手區至得. 相比AMP 同SPEAKER, 線材實在要有緣份先買到. 無奈個人實在鐘意買二手野, 覺得好似同一個價錢, 可以玩更高級的設備. 自我感覺良好啲. 有時好羨慕部分網友有一班朋友都玩HIFI, 可以借來借去交換試, 特別係線, 吓吓真金白銀去買, 好快乾塘.

nevermindband

ykluk 發表於 2015-12-8 10:24
睇完樓主個post同blind test, 首先要讚樓主非常有心機同詳細講咗個測試, 令大家容易明白樓主既需要同情況~~ ...

多謝師兄詳細回覆. 我都發覺我鐘情英國聲. 當年小時候夾BAND 時, 主流BASS佬都用SWR 4隻10吋碟. 拍線啲聲清脆又爽. 我玩咁多年都堅持用MARSHALL 一隻15吋碟 BASS AMP. 就係貪佢配FENDER P-BASS 用手指PICK 果下暖到入心既聲.

搵日一定要去試下SOUND MASTER 的膽機聲至得. 同埋必定要去MICHAEL 度試下部NAIM 同FOCAL AUDIO. 不過試好咗實在唔知想處理部MODEL 40.

有件事想請教一下師兄. 我爬文一段時間還是未明白點解師兄會成日講CLASS A AMP 係CLASS AB AMP 幾倍的講法. 我見不少文章寫CLASS A 因為為了保持低失真, 所以線路設計會浪費75%左右的電. 而CLASS AB 設計只浪費了25-30％ 所以可以更容易做到高W數.

但正正因為線路設計問題, 電力已經流失咗, 所以個OUTPUT 先係50W 嘛. 即是一個人有二舊水, 跌咗百五蚊, 禁佢咪有五十蚊嚟食飯. 另一個人有七十五蚊, 跌咗廿五蚊, 佢一樣有五十蚊. 唔係存在A比B 有錢呢件事. 為什麼會有CLASS A 同W數比CLASS AB 有力的說法呢 (本人是文科生, 電子白痴)

因為唔明呢件事, 所以當時連ATC SCM 7 同11 都無試就買咗LS50.

nevermindband

lau2001hk 發表於 2015-12-7 23:24
sold all keep ls 50 only !

If you like ARCAM signature ! ARCAM CDS 27 + ARCAM INT AMP A29  + LS 50  ...

多謝師兄指教. 好像KEF SHOWROOM 是用ARCAM 的AMP. 但是否A29 我就忘了.

我SEARCH 了一下ARCAM 同KEF, 我發現兩家公司同作極多. (特別係前幾年都成日有買KEF 送ARCAM 的PROMOTION) 是因為兩者產品特別配合? 還是有其他原因呢?

ykluk

nevermindband 發表於 2015-12-8 18:01
多謝師兄詳細回覆. 我都發覺我鐘情英國聲. 當年小時候夾BAND 時, 主流BASS佬都用SWR 4隻10吋碟. 拍線啲聲 ...

小弟都係新手互相分享吓啫~~~

至於class a同class a/b既w數問題, 小弟唔係專業唔敢比一個"肯定啱"既答案你~~ 但class a既聲音以晶體機去諗通常已經算係比較暖聲啲~~ {:9_423:}

小弟用ATC SCM20, 我估你如果用ATC 7都未必比到你想要既嘢, 一來新版ATC比較高清聲, 二來ATC好難推得好. 當然可能比LS50啱你啲, 但同樣係鑑聽喇叭既ATC未必會合你需要~~!!

FelixTheCat

nevermindband 發表於 2015-12-8 17:40
多謝師兄賜教, 我擺位肯定有問題的. 因為空間不夠, LS50暫時放在另一套YAMAHA 座地喇叭上. 我亦唔識落釘 ...

防滑墊可以係實惠或日本城等家居用品店找到，幾十蚊一大塊；但這只是權宜之計，長遠是正正經經找個喇叭架，再搞搞擺位。

喇叭線什麼手都ok，我之前一對也是demo貨。只是近一年yen大跌，才在日本買日本貨，平HK一大截。

nickdo

nevermindband 發表於 2015-12-8 17:28
這是一個LONG STORY, 但簡單用一個詞去形就係"缺乏知識"

我買果時以為自己已經爬好多文, 以為自己睇咗禁 ...

其實擺位OK, 喇叭出黎的音色已經有7,8成... 其餘係FINE TUNE. 用大量音染器材去調較系統改變聲底往往係得不嘗失. 浪費時間, 金錢.

何不及時止蝕, TRADE OUT, 買回一對一開聲已啱自己的喇叭呢?

我初買喇叭時也打算買LS50, 亦看了很多REVIEW跟FORUM, 但試機後, 才發覺不是那一回事(已試用了數萬以上級數的AMP去推), 同場試了DALI皇太子, 只是用了1萬的AMP, 出來的感覺非常有音樂感, 立刻把LS50比下去. 我看看老闆, 他笑了一笑. 好多初玩都係信REVIEW多過自己的感覺, REVIEW好多時係吹出黎.

試得多才不會中伏.