有無人煩住既問題

阿定

好欣賞阿定師兄既正面人生態度
cyberken 發表於 2009-10-27 17:13

其實我個人某程度係超負面的，細細個見學校社工，社工都話無見過睇野好似我咁灰的學生！但有d野，人大左，你無得唔接受！

剛出來做野，17歲人仔，自己糧尾有錢，由細玩到大的兄弟朋友糧尾唔夠錢去PizzaHut，每人得20蚊到30蚊，我包底照去，幾個月後聽番原來好多兄弟跟本唔係無錢，係唔想比，幾百蚊，我認清左邊d先係兄弟！超值！

日日一齊食飯，放假打牌唱K的同事，因為自已做得好，有機會升職，比成班同事點去買下午茶，然後老屈比老細聽我蛇去買馬，比人炒，我無話可說！但我學識左同事永遠唔可能係朋友，除非大家離左職！

仲有好多經歷，上面只係冰山一角，真係好睇你個人識唔識得睇化，好多野你可以鬧，可以發洩，可以推晒去人地度，但面對的始終係自己，世界唔會為你而改變，呢間公司人事唔好，你轉工唔等於下一間公司會人事好，不如想清想楚，睇下自已想帶面具做世界仔，還是我有我理想，日日係Office一角自我工作，咁樣仲實際！

alzard

咁又唔係個個都要父母幫助先夠俾錢首期既..
cyberken 發表於 2009-10-27 17:42

Yes of course.  I am not nuts :P

wildwolf007

其實要上車唔係真係咁難,
好睇你自己,你有目標,咁先可以向前行,
最難通常都係首期,如果有屋企人surport咁當然易啦,
冇咁咪食自己0羅,平時洗小d,要儲冇話唔得0既.
心頭唔好咁高,香港重有好多200萬樓下0既樓架,
儲十幾個有幾難,如果連咁細數都冇咁就唔好諗買樓啦.

阿定

If you buying a flat for "living", it really not a matter for the price is going up or not, doesn't it?  The property market cannot go up forever without limit and some day it should go stable.  Most  ...
alzard 發表於 2009-10-27 17:39

首期的野，當你2百萬樓，Stamp Fee 無咁重，95%按，都係10萬銀，有心儲，一年儲5萬，四年都20萬，都夠上車，係睇你幾時先學識儲錢而己！

如果有得揀，唔亂駛錢，無話做唔到，雖則我無後悔十年前剛出來做野，賤到個個月買幾千蚊波鞋著唔晒都照買，無睇價錢就買的別注模型，一本睇，一本儲的畫集，但有得比我揀過，我一定唔會咁揀！

大玩偶

其實如果有心買樓..... 就真係多d 留意樓價 !
好多時都有靚盤又平又正 !
今年...我識多左好多野 !  俾你日日努力咁去做好你份工...都未必學到既搵錢之道 !
我開始明白...點解咁多人鐘意炒樓.... !!
年頭...我做地產既朋友知道某新樓盤就開售 !
就約我傾...打算每人出一半，夾份買間樓 ! 再短炒出去 !
如入息許可，可做到95% / 90% 貸款 !
入場費都係200K 左右 ~
可惜我自己都睇緊樓...有錢都留係做裝修首期 ....
結果推左佢.... 3 個月后.... 果個新樓盤開售唔夠 1 個月...
升左 30% ... ! 如果當時我有炒 ...或者 !   ( 只係如果... ) !

不過...我自己住緊呢間...都升左唔少 !
都有200K 左右 !
不過自住既 ... 升幾多都唔洗理佢 !
唔係你錢 ! 唔入你袋 !

alzard

既然有部份朋友已經有樓﹐咁touchwood俾人炒咁你地會點處理?

指教下一D未上車的朋友,你地當初如何置業 (九十年代就可以不必了﹐因為時代已經唔同)

wildwolf007

首期的野，當你2百萬樓，Stamp Fee 無咁重，95%按，都係10萬銀，有心儲，一年儲5萬，四年都20萬，都夠上車，係睇你幾時先學識儲錢而己！

如果有得揀，唔亂駛錢，無話做唔到，雖則我無後悔十年前剛出來做野，賤到 ...
阿定 發表於 2009-10-27 17:55

呢d都係要經歷過先會學識,冇試過亂洗錢又點會知儲錢難.
睇下幾時個人醒左就唔會再亂呢.

阿定

既然有部份朋友已經有樓﹐咁touchwood俾人炒咁你地會點處理?

指教下一D未上車的朋友,你地當初如何置業 (九十年代就可以不必了﹐因為時代已經唔同)
alzard 發表於 2009-10-27 18:00

今時今日，銀行計過度過，頂晒都係打回原型，唔可能會破產，除非你買樓時亂咁買，高過市場價格好多入手，否則賣番層樓出去，基本唔可能會蝕好多，最多蝕左首期，而且認真講，大家都係講緊 2x - 3x 歲，只要肯做，唔會無工返，最多收入少d，點都唔會死人！

wildwolf007

既然有部份朋友已經有樓﹐咁touchwood俾人炒咁你地會點處理?

指教下一D未上車的朋友,你地當初如何置業 (九十年代就可以不必了﹐因為時代已經唔同)
alzard 發表於 2009-10-27 18:00

touchwood兩公婆都比人炒左而我同老婆短時間之內搵唔到野做,我一定會買樓,
搬去一d比較平,自己能力負擔得起0既地方住.
樓同車一樣都係奢侈品,唔一定要有.

我又講下自己點買第一層樓,
2001沙士之前,啱啱樓市小洋春,我自己儲左十個左右,咁同女友冇野做去睇樓,結果車左兩張信用卡,入票抽新樓,抽中買左一層200粒0既樓,
其實當時係比唔出首期,只夠比卡數,所以要做2按,尾數可以兩年後先比晒,自己計過條數係可以負擔.
用兩年要儲錢比餘數,同女友每星期唔會洗多過500.兩年後可以比晒一成首期.
之後沙士,連住都未住層樓已經得番160,對我呢講冇影響,當初已經計好數,佢升跌都係數字遊戲,心理影響多過實際影響.
要上車就一定要放款好多野,睇下自己覺得值唔值啦.

yin206

既然有部份朋友已經有樓﹐咁touchwood俾人炒咁你地會點處理?

指教下一D未上車的朋友,你地當初如何置業 (九十年代就可以不必了﹐因為時代已經唔同)
alzard 發表於 2009-10-27 18:00

如果照E+個市黎講,兩個都俾人炒左的話
我一定即刻賣樓啦,比市價放低少少賣左佢都OK