有無人煩住既問題

mtvbb

唔投資既/唔識投資既小市民一街都係
要生活好! 唔識投資一定冇!
ching 懂投資係一門投能
未必人人都識
亦未必識既人就唔碰釘!

我覺得打耐工見唔少人能力唔高 , 不過職位好高, 亦好多人投資得利身家豐厚
我自己歸納"運"大於一切

mtvbb

二十幾有過百萬可以話係你本事﹐好多大學生我估重係還緊學費。正常打工(唔好計投資)﹐唔食三十前儲一百萬真係談何容易。時勢做英雄﹐有錢就錢搵錢﹐無閑錢咪繼續無錢。香港堅尼系數全球最高就係咁解﹐炒下炒下就富起 ...
alzard 發表於 2009-10-27 23:37

所以香港係唔可以腳踏實地
所以好多人利益輸送 , 你咬我唔食, 大把位走, 我就係無錯, 無問題
利慾薰心! 將軍澳空氣清新! 心領神會 此道!!

mtvbb

師兄！依家金管局，強制銀行過2仟萬樓價只可造6成按揭。
其實！依家d銀行都怕Q咗佢，陸續一般樓宇按揭，都會收緊，批按揭會更嚴緊(因將會經常比佢地查)，你有錢比3成首期，銀行都未必肯借足７成比你。要你比更多的資 ...
米赫洛域 發表於 2009-10-28 00:05

果d官員大龍鳳
唔知堅唔堅之前睇d 買樓節目
銀行按揭做唔到豪宅
人地一炮過比晒............

米赫洛域

堅的，各大銀行己有指引。

鐵心心

股票市場四十萬, 唔難輸亦唔難嬴,輸人唔輸陣,努力研究, 明白自己輸係邊,好易嬴番的.
cyberken 發表於 2009-10-28 00:39

通常都係輸貪心

radhk

衰在香港人人都認為住屋可以升值, 炒賣係一定會發達. 政府做少少野, d既得利益者已經反對.

其實一件HiFi, 一架車, 一落地已經開始減值. 如果政府咩都唔理, 比足夠供應. 樓都會一樣. 不過, 到時又會好多既得利益者大吵大鬧.

大玩偶

車同HIFI 係一用就減值...
但樓就唔會喎 ...
我年初以 280萬 買入呢個單位 !
上一手業主係炒家 ! 佢買入價過 300萬  !
楂左一年無放租，我買果陣係交吉 ! (即係全新無人住過 )
到我最近睇樓價...  所謂二手市場....  
以我呢個單位...已經升值超過 10% ...
一般都可以放到 300萬 或以上... 自住就唔理佢啦 ...

但換轉我係炒家... 已經執左幾十K 啦 ...

正如我之前都講左...年初如果我有份同朋友炒某新樓....
已經分到一年既人工.... 辛辛苦苦做一年... 先得 20~30萬 ...
好彩既話...投資得利....已經做少一年... !

師兄你做 GMT ...我好明白...我都算係...
我做 Fabric Sales ...收入時多時入... !
但我都好清楚...要搵錢...唔單只要係咁 !
股票 ! 我身邊D 叔父上年輸過 200 ~ 300 萬...
我已經無興趣 !
唯一覺得有機少少...一係投資生意 !
只於做D 咩 .. 呢個就要靠自己 !
你熟GMT 運作 ! 如配合天時地理人和 ...某一日 ...
你都可以係大制衣廠老闆 !
好多時...宜家D 大老闆....昔日..只不過係D 裁床師父...打辦師父....
今時今日....可以話已經唔洗做....都衣食無憂啦 !
唔係個個都可以做到打工皇帝架 !
你做GMT ... 勁少少做埋 Manger ...俾你 3萬 好未 ?
你可能唔知....國內話就話人工低....
但某D 人月入仲多過 10萬 ...
你地D 所謂大亞哥都無人一半 ....
無得揮 ... !

radhk

唔好講炒樓,炒股,期子乜乜物物啦
香港有樣好,投資收益無稅.
師兄們, 每月定額一千幾百投資2628,1398, 十年八年後一定係小富，廿年後應係大富了
我唔信窮者越窮呢樣野，我只信人可以創造自己既將來
我老豆,老母文盲， ...
cyberken 發表於 2009-10-28 13:32

師兄, 積極既態度係正確.

不過, 香港既現實真係 "打工仔" 唔好講發達, 搵間可以一家安穩既屋住下真係唔易. 3M 既屋, 首期要成百粒. 如果你一個月儲 5k, 要儲十幾年. 仲要假設你每個月5k既投資回報要追到樓價既升幅.

以一般打工仔來講, 如果話靠人工同自己平時定額 "投資" 來買樓, 真係有排等.

大玩偶

09年現金我有 10萬 係手 !

如果無買到樓... 我可能拎d 錢去投資....

如果...  (如果....)

年頭我有炒柏慧豪園 (朋友做地產，未開售前已買入1個單位，其后開售後升幅 30%  )!  穩取 20萬 !    -- >     30萬  

3 月初，當時我有諗過入 388 港交所 (3月當時只係 60 .... 7月已升到去120 ...  --- >  楂 3 個月左右 !  套現可能有 50萬 ....

跟住........

如果當日真係有買....
或者今日已經拎隻 100萬係手...
(或者有信心，炒孖展都得 ! 銀行經常都可以俾到額你...
400~500 萬俾你去買股票 .... 只需要少少手續費... 如果自己有做功課...又有信心....呢d就變成發達機會.... )

大玩偶

睇返轉頭....好似玩緊大富翁咁 ....

d 錢...連自己都解釋唔到點黎... !