Pioneer SC-LX59 開箱

kowkow

我一樣想要佢，期待報告

alndn

(弓)喜ching 期待報告x 2

Samson2011

一套西裝正呀

gowet

各位大哥,

今次由7200WA 轉玩 至 LX59, 好多位兄第話我係 downgrade, 我心想了兩句......"別人笑我太瘋癲, 我笑他人看不穿!"

事源年初有位HiFi 介活躍朋友, AV AMP由Yamaha 轉會至 Pioneer, 叫我去佢屋企比比意見部LX87, 部機的確噪底低, 音場清淅透明, 又勁道十足, 唯獨中置人聲無質感同不離箱, 超低頻亦有拍邊現象, 就整體表現黎講吾算合格! 但呢位朋友系有耳之人, 馬上將center speaker 由TAD 換為JBL studio 中置, 再加入Crown 后級 / 最級發燒綫后..........整體効果是由40分升至90分........包圍, 空間感, 既透明又實在, 滴水不漏! 鎗炮聲既真實, 又硬,起動超快速! 播演唱會尤如身處紅館, 人聲立體感超強, 瀝瀝在目, 5件喇叭的連貫性是我聽過的最佳!
那時中毒了....... 但究境是Pioneer的功勞, 還是金仔+Crown后級的功勞呢....? 本來跟Dealer confirmed  一部XTI1002, 但各位皇冠打手話呢部機只可作PA 用途, 不宜用於AV system。巧合地, Pioneer LX59 登場, 好啦, 反正機價出奇地合理, 就放左部7200WA, 買入LX59, 反正有錢落袋添!

昨晩終於知道了.......

由於時間關系, 昨晩只作簡單的speaker set up, 就連咪也沒有用!
先播隻"Lone Survivor", 平日好少看的第一cut .... wow.......配樂的包圍感就正正是我多月來夢未以求的聲音! 十分透明, 清徹無雜質! 但能量感十足!
這種包圍感跟Yamaha(上年用過A3020)的不一樣, Yamaha雖然空感好, 但音場内一切物件、動態都比較"虚" ; 而7200的量感質感足, 但太凝聚, 完全不開揚! 強調, 這純粹是我個人喜好, 絶對無惡意!

播到四位主角在山森監察恐佈份子一幕, 各人的呼吸聲, 相機的運行聲, 風聲, 樹葉聲, 彷似令我覺得自己是第五個主角! 証實了59已達超高分淅力水平, 跟一萬元級的Denon 4100 (買7200之前是用這部), 相差太多太多....

去到正式開火, Pioneer 招牌式開鎗聲要令我馬上收細volume! 幾位用家都認為Pioneer好強調槍炮的勁道, 亦強調了中至高頻, 非常搶耳! 跟Denon強調的, 由最低至中頻的擴散和伸廷並不一様, Pioneer 注重是硬+快, Denon注重厚+擴散, 各有各好!

人聲方面, 59表現得十分清淅, 其中主要原因是離箱能力超強, 以住人聲明顯出自中置單元, 現在三隻喇叭接得天衣無縫, 現在感覺由睇電視轉睇大銀幕! 至於人聲的質感和感情, 介乎於Denon 和 Yamaha之間, 以往有人講Pioneer 冰冷, 無感情! 但似乎Pioneer現今要行的是中庸之道。

至於畫質方面, 我部LX58 bluray player好似三級跳! 配7200時, 影象太聚及偏紅; 現在配上59, 肌膚重現白裡透紅, 色彩斑爛, 前後立體感十分強, 好有電影感! 始終覺得配同廠有優勢。回説電影片段, 第二cut早晨的陽光, 可比清楚分辨各種紅光; 在山森上的綠色, 由草綠至深綠, 睇得一清二楚! 可謂賞心悦目!
我之前用過Oppo 105D 配7200, 畫質又屬另一種睇法, oppo賣自然淸淅, 配上Denon后影象平衡度良好。所以各位LX58/88 bluray player凖買家要請留意匹配AMP的問題!

由於時間關系, 昨晩未試兩聲道。初歩講, 呢部機是Pioneer 賣大包之作! 現在覺得無需要加Crown后級, 似乎要上LX89!
好, 請各位大哥讓我呢兩日正式校好部機, 之后再出report.

wadee

gowet 發表於 2015-10-16 19:07
各位大哥,

今次由7200WA 轉玩 至 LX59, 好多位兄第話我係 downgrade, 我心想了兩句......"別人笑我太瘋癲 ...

師兄
本人非常認同
““Yamaha雖然空感好, 但音場内一切物件、動態都比較"虚" ””

關大爺

gowet 發表於 2015-10-16 19:07
各位大哥,

今次由7200WA 轉玩 至 LX59, 好多位兄第話我係 downgrade, 我心想了兩句......"別人笑我太瘋癲 ...

好詳細，清楚嘅報告，一個字掂
(Post76 Android 手機版送出)

Jwong

wadee 發表於 2015-10-16 19:40
師兄
本人非常認同
““Yamaha雖然空感好, 但音場内一切物件、動態都比較"虚" ”” ...

多謝師兄詳細報告，本身諗緊天
龍4200，而家可考慮埋Lx-59.

wadee

Jwong 發表於 2015-10-16 21:05
多謝師兄詳細報告，本身諗緊天
龍4200，而家可考慮埋Lx-59.

補充下
是個人口味問題

MDLP

gowet 發表於 2015-10-16 19:07
各位大哥,

今次由7200WA 轉玩 至 LX59, 好多位兄第話我係 downgrade, 我心想了兩句......"別人笑我太瘋癲 ...

............唯獨中置人聲無質感同不離箱, 超低頻亦有拍邊現象, 就整體表現黎講吾算合格! 但呢位朋友系有耳之人, 馬上將center speaker 由TAD 換為JBL studio 中置............

師兄我要同你提及嗰位
豬朋L友平反一下先得
呢單野都年零前
當時新機落地及未完全掌握McAcc操控
而且當時用一隻HRS12
去追一對full range 14寸
拍邊已經好彩
唔燒sub仔已經還神
加上對TAD雖然是一代名器
聲底唔夠JBL夾Pioneer自然

不過好在當時你一句點醒你個位豬朋L友
"MXXP...我聽過咁多場AV
Surround唔應該係咁囉......"

個位豬朋L友亦醒覺到
唔係Cal啱就係好surround
馬上約上Q姐兩次
同其他AV同好師兄
家訪查找自己不足
更直接去戲院惡補
之後馬上虛心修正
器材上亦小修小補
雖然未算修成正果
但總算有一些進步

fm31331

gowet 發表於 2015-10-16 19:07
各位大哥,

今次由7200WA 轉玩 至 LX59, 好多位兄第話我係 downgrade, 我心想了兩句......"別人笑我太瘋癲 ...

報告絕對好正， 冇得頂！