《The Martian 火星任務》現代太空版魯賓遜漂流記 (少量劇透)

gashapon

好耐都無去睇電影了, 今次難得有機會, 就走去睇期待已久的《The Martian 火星任務》.

其實電影未上映前我係睇了小說版, 所以對成個故事都已有一個大概.其實一開始時無出版社肯推出呢本小說的, 最後要作者自行出版. 不過其後被買了版權而且更改編成電影.其實我知道有呢套電影的原因係因為拍interstellar的Jessica Chastain在某次訪問中提及佢下套電影終於可以上太空, 我問google大神而知的.

故事中9成時間都係圍繞住主角Mark Watney(Matt Damon). 內容係講戰神3號的火星任務中, 因風暴而被迫中止任務而離開, 可惜在行去太空船途中被天線打中, 被其他隊員以為佢死了而令佢"滯留"在火星. 死唔去的Mark只好依靠佢科學的知識, 加上好彩佢係植物學家, (佢其中一個任務就係測試在火星種植的可行性), 有幸運之神的幫忙下希望可以捱到戰神4號(即4年之後) 有人來營救佢.

電影主要分幾個"團體", 包括在火星的Mark, NASA的一班成員以及戰神3號的隊員.如之前說, Mark獨腳戲佔的比重最多. 故事個結構我認為是非常的紮實(小說本身都已經係咁), 改編的地方我會認為是令成個故事提升了不少. 當然有不少的地方電影都無講到, 不過我認為是合理, 因為如果不停重複又重複某一d危機, 劇情只會令電影被拖長了. Matt Damon演出也是很好, 佢將小說中Mark果種樂觀, 幽默, 攪笑的性格原全地反映了出來. 加上電影是用畫面將小說的內容說出, 所以好多時都令我有種"啊, 原本個基地係咁o既", "啊, 原本個火星工作車又係咁o既", 比只從小說中幻想出來的畫面豐富好多. (btw成個火星都拍得好靚~) 唯一少少唔夠喉的地方係太少時間去講NASA的人(始終角色太多) 故事結局跟小說有點不同, 但我留待大家自行發現了~

最後就如電影中Mark所說, 總有某些時間你會好唔順利, 係一係接受而放棄(等死), 一係就堅持去找出路. 每一個難題都有一條出路, 而每條出路都有引起一個新難題. 當你解決足夠的難題, 你就可以成功過關了~

ps: 少少補充資料, 雖然電影無講明是發生在什麼年份, 不過戰神一號, 即第一次登陸火星是2029年, 每次任務都係相隔4-5年左右, 因此戰神3號應該是2039年的事. 故事中的科技設上已經進步到可以容許人在火星短暫生活的, 所以千萬唔好因為"點可能一個人可以在火星生活咁耐"而影響欣賞電影的感覺呢~

alleelarry

的確人生當中，有順有不順，只要沉住氣去想一想，辦法總比藉口來得多……。這兩三星期版主少了露面，正因為遇到大大小小的麻煩事，好奇怪沒有發脾四，反而放鬆心情去處理，電影還看多了，只是沒時間去寫點分享！

在看電影前，剛好留意到一則關於火星的新聞：



火星探索有新發現，美國太空總署證實探測到火星在夏季有鹽水流動痕迹，形容是火星存在液態水的最有力證據，意味這個星球亦有可能孕育生命。據火星勘測軌道飛行器的光譜分析，在火星表面有四處地方，近赤道的黑線證實有水合鹽，這些黑線只是在夏季呈現，並朝下坡方向，推論黑線由液態鹽水形成，佐證火星存有液態水。

來源：https://www.facebook.com/MetroHK ... ?type=3&theater

gashapon

alleelarry 發表於 2015-10-1 22:56
的確人生當中，有順有不順，只要沉住氣去想一想，辦法總比藉口來得多……。這兩三星期版主少了露面，正因為 ...

我以後應該好長時間無機會睇電影, 因為小孩剛出世, 今日都係在兩段探病時間之間的空檔一個人走去睇的~~

粗人敵卡

alleelarry 發表於 2015-10-1 22:56
的確人生當中，有順有不順，只要沉住氣去想一想，辦法總比藉口來得多……。這兩三星期版主少了露面，正因為 ...

同套戲上映時間幾接近

audia

gashapon 發表於 2015-10-2 00:14
我以後應該好長時間無機會睇電影, 因為小孩剛出世, 今日都係在兩段探病時間之間的空檔一個人走去睇的~~

...

多謝您嘅分享 ! 祝事事順心 :)

alleelarry

粗人敵卡 發表於 2015-10-2 07:03
同套戲上映時間幾接近

或許是宣傳的技量之一，看似NASA也參與了不少……

alleelarry

gashapon 發表於 2015-10-2 00:14
我以後應該好長時間無機會睇電影, 因為小孩剛出世, 今日都係在兩段探病時間之間的空檔一個人走去睇的~~

...

伴著小孩睡時，有空檔的話，也請來這裡走走

SonSon

呢套既trailer日日係度轟炸, 搞到老闆又想去睇, 證明宣傳係幾咁重要

Hon

matt damon真係做得好好  每次見佢感觸同好想喊嗰下都feel到好touching

學我老豆話齋無野係無可能既， 呢樣真係講得好啱

成套戲唯一唔多滿意係有中國參與， 我唔係歧視或咩香港人之類問題， 但加插左入去變得奇奇怪怪咁， 有就覺得好怪， 但無又覺得都幾悶.... 真係唔知自己講緊咩haha
(Post76 Android 手機版送出)

ctmk

男主角受傷自行施手術一場令我諗起普羅米修斯.

秘密會議命名拿魔戒周哈利波特來開玩笑都幾過癮.

全片有好多七、八十年代DISCO勁歌(e.g. HOT STUFF, DON'T LEAVE ME THIS WAY, WATERLOO, etc.)做背景都幾啱小弟呢類老餅聽

我老細話要等出碟再睇多次