Madonna 香港演唱會 Rebel Heart 揮手區 (正式宣佈加埸)

takeishi

  MADONNA  喔 ~ 我的女神.
我苦等了30年, 終於等到今日啦. 終於等到佢肯黎香港開演唱會啦.
晌以前呢個真係諗都唔駛諗. 絕對係神級既幻想黎架. 不過今日.
呢件事終於都發生左啦. 晌官綱上面TOUR SCHEDULE 見到HONG KONG呢隻字.
我真係不敢相信. 好似發緊夢咁樣. 十年前. 想睇MADONNA演唱會. 最近都要去到日本.
佢從來都唔會黎亞洲其他地方. 可能因為場細既關係啦. 以前要睇麥當娜演唱會.
真係要付出好大既代價. 以前買飛真係難過登天架. 你要識人住晌外國先至有機會買到飛.
晌2016年confession tour 之前既年代. 你想睇佢演唱會呀. 除非你識登天啦. 否則諗都唔駛諗.
直到confession年代先至叫做普及左. 果陣你可以上官綱買演唱會飛. 直到呢家. 睇佢演唱會已經唔再係咩野神話啦.
個個都有機會可以睇.  所以話.  時代真係唔同左啦. 由我十零歲等到今時今日幾拾歲啦. 終於等到佢人老豬先肯黎.
不過. 總好過唔黎啦. 晌我有生之年等到佢黎已經係萬幸架啦.



   今次 REBEL HEART TOUR, 其實早在3月開跑前已經有消息傳出今次TOUR將會到訪之前從未到過的地方,
包括亞洲, 澳洲. 去到6月首先是先公布馬尼拉兩埸的亞洲場次. 之後更傳可能到訪中國內地. 但係呢個我就絕對唔相信.
最後終於在9月頭宣佈了台灣. 香港. 泰國及日本的場次了.






  晌博覽館開. 個埸比起外國都細得緊要. 香港個埸最多係坐萬三人左右.
所以D飛都一定係貴過人, 起初傳出最貴既飛係四千我已經話無可能. 最後價錢出左啦.
全世界都俾佢嚇一嚇. 個心即刻離一離. 最貴個位竟然高達接近萬二蚊.
真係破晒香港有史以來最貴既演唱會飛既紀錄.

【MADONNA REBEL HEART TOUR】
日期：2016年2月17日
地點：亞洲國際博覽館Arena
票價：港幣$2,488、$1,888、$1,488、$688 
(另有6款售價由$4,888至$16,888不等的限量VIP套票)

限量VIP套票
Pray VIP Package $4,888/1位
Rebel Heart VIP Party Package $5,888/1位
Heart Stage VIP Party Package $6,888/1位
Living for Love VIP Package $8,888/1位
Ultimate Front Row VIP Package $11,888/1位
Runway VIP Party Package $16,888/2位
(套票包括演唱會前熱身派對、限量VIP證、紀念品、酒水和美食)





  全香港的FANS都昅到實點樣去搶張飛架啦. 黃牛. 大陸FANS, 個個都虎視眈眈,  
我都知今次肯定難買飛架啦. 好似早幾年LADY GAGA果次咁樣. 好多人訓幾日街都買唔到張飛.
所以我同朋友都做足晒所有準備功夫. 為求秒殺4張飛返黎. 於是我地就俾廿蚊美金去買個LIVE PASS
早在17號的第一輪 FANS CLUB 預購度搶飛.






  真係勁誇張, 一開跑十分鐘之內即刻賣晒飛, 我幾經辛苦. 終於俾我搶到四張飛, 我個位就晌呢度.
好多朋友原先想買 $4888 既飛. 後來買唔到. 只好買 2488 , 最平飛頭5分鐘內俾人掃晒. VIP飛其後5分鐘都俾人掃埋.
十分鐘後. 咩都無. 系統已經係售罄了.



  你真係唔好睇佢雖然已經57歲高齡. 但仍然在舞台上發光發熱, MADONNA 果然係MADONNA,
我最喜歡的就係呢套衫, 聽講係用上3萬粒施華洛水晶人手鑲嵌的. 用上了幾個月時間做呢套衫既.
今次演唱會加入了很多中國風的元素. 其實都好明顯係就番要到亞洲的原因. 所以個舞台都比之前細.
無之前MDNA或S&S那麼大型的舞台. 但係相反我就比較鍾意呢種細細地既台. 可以欣賞得比較清楚成個表現.
太大個台. 真係都唔知睇到D咩野. 台又大. 人又細. 不過晌香港睇已經好幸福架啦. 起碼個埸無外國大得咁誇張先啦.





  MADONNA 妳已攻陷了全香港了.  今日在各區的巴士站也見到妳的演唱會宣傳.
真係好祈待2月17日. 真係發夢都無諗過. 麥當娜真係黎香港開演唱會. 感覺好似香港曆史一刻咁.  







  未買到飛既朋友. 唔駛灰心. 因為. 還有最後機會. 9月25日, 全香港正式公開發售.
大家努力. 到時會埸見. 買左飛既FANS . 不仿黎揮揮手呀.   

Homme

雖然我唔係娜姐Fans但見你打o甘大篇野都知你買到飛超級興奮都鄧你開心。

Cheong448

到時放飛至歪記拍賣場 精彩囉

價錢.......

happyroland

我21號10點正買到1張1488。坐12段山頂。
到時見!!!!

dc903

congratulations.

hot_kwn

有朋友係GG bank 話攞到5888一張比我. 希望係真啦.

許諾

Confirm左台北及東京，放棄去睇香港個場。好怕香港炒賣活動（當然外地都有，但比例冇香港這樣離譜）。所以最後訂左台北，2月4日。

點都好，enjoy the show！

PS: 我現場只看過2005 confessions tour那次，無論是否她的歌迷，不計歌者，看舞台設計燈光及dancers的大製作已值回票價，喜歡看演唱會的不要錯過。不過Takeishi兄話呢次要遷就亞洲場次，舞台相對較細，但希望都超級精彩！

Will

香港場應該無機會了, 一定搶唔到飛 :(

takeishi

Will 發表於 2015-9-24 12:47
香港場應該無機會了, 一定搶唔到飛 :(

  都唔係既. 其實聽日9月25日先至真正叫做公開售票. 佢地點樣都一定要留番D飛聽日賣既.
不過多定小既問題既姐. 其實個個話無. 我覺得又未必. 何況. 聽日就算真係買唔到啦. 呢家都講緊話加場機會好大架啦.
講真. 寧願博佢有加埸. 買加場飛位置點都好得多啦. 所以. 唔駛灰心. 聽日努力. READY 好未. 去快達票度熱身下先啦.
聽日十點. 準時.  GOODLUCK, 希望所有MADONNA FANS 都買到飛一齊去睇.

Will

30mins就sold out