降級降得好開心之奇遇 Plenue M to Cayin N5 (UPDATED~直推K712~)

kyle7

大家好，打個招乎先，第一次打下感想，前言可能會長少少，多多包函。 小弟可以話下海唔係好耐，但又玩左耳機一段時間，基本上就係揾緊一個自己鍾意嘅配搭。由個陣 聽SONY EP888+discman 仲要唔知係好野，去到聽mp3 player + e4c，superfi 5 pro，er4p 等等，中間就好似揀女朋友一樣。我唔知自己係唔係金耳定木耳，乜野高音甜，中音準，低音勁，用咩部機chips等等，我未去到咁嘅境界。聽音樂對我黎講係"ENJOY MUSIC"，口水聲等等唔係我杯茶，我想要嘅係感受到首歌及音樂帶出嘅情感。而我亦屬雜食性，pop，jazz，classic，中樂，techno 乜都岩，屋企人嘅影響下，亦好鍾意聽D舊歌。所以唔好當哩一個係專業測試，當係我發下噏瘋，share下感受啦。聽感

其實用DAP聽歌唔係好耐，之前都係iphone or 舊ipod聽多。比老板部PLENUE 1毒左下，買左部PLENUE M，加上本身有AT隻CKR9 LTD，個陣覺得哩個組合其實唔錯，但好似爭D野咁。哩幾日見到Cayin N5，之前對國磚都唔係太抗拒，係D樣唔係太得，個friend仲話哩部野好樣衰喎。到我今日買左，硬塞左比佢聽，佢聽完一陣問我:"哩部野咩黎，大陸野咁勁架咩?" 其實我今日去試聽嘅時候都有哩種感覺，其貌不揚，UI唔user friendly，操作方便程度唔及touch mon，但係聲就係我杯茶。

好! 言歸正傳! 先講操控同UI:
同之前PM好大唔同，好在之前用過下舊ipod，上手快D，個轉盤有D實，唔太smooth，亦唔夠sensitive，有時要轉兩格先落到下一個item。封面遲少少先出，有師兄都講左，對我無乜影響。大至上當佢一部ipod用就得。

造工:
對比部PM，made in Korea。Cayin N5，made in China。PM 係好靚角位，接合位，金屬拉絲係值回票價。反觀N5，其實唔差，只係細位同接合位無咁好，實體制鬆緊度唔錯，最大問題係下面條矽膠cover，tf2卡位個邊好奇怪，凸起左"吸"唔實(如圖)，要出手剪左佢。。。

硬體:
USB 3.0，過歌快好多，但我多數會抽出張卡過歌，因為怕佢插線就差電。。。
phone out 黎講淨係試左我隻ckr9ltd 同 oppo pm-3，ckr9ltd 就開19格已經夠聲，pm-3 就37格(100格滿格)，兩個都開左high gain，推力比PM 大好多，PM個陣 ，ckr9ltd 要65格，pm-3 就90格 (140格滿格)。
line out 未試，遲D先。。。
balance 未有得試，要隻 K712 攞去改左頭先。

好最主要部份，聲!!
同部PM比，大致上部機推力大好多，開揚左，音場大好多，bass量同質都好左，鼓聲大力細力好分明，人聲暖好多但唔算前，(that's what I WANT!! )高音上得盡D，原來本身隻CRK9LTD 嘅功力用唔盡 (P.S. 試18樓部機嘅時候店主話煲左10粒鐘左右，我岩岩買完開聲有D散，煲左幾粒鐘，實返了)。

我用我平時常聽嘅幾首唔同嘅歌同音樂對比下:

AVICII - LEVELs

PM:
CR9LTD - 音場細D，混音嘅聲分明，bass 一下下好清楚，潛得唔深，樂感唔錯。
PM-3 - 推得唔好，低音好散，音場比CR9LTD 大就一定，整體D聲好亂。

Cayin N5:
CR9LTD - 音場大一圈，混音嘅聲比PM更加分明，bass 潛得深好多，好有力量，但唔知點解HI唔起，樂感無PM咁好。
PM-3 - 原全變左另一個人，低音量同質跳級升lv，混音嘅聲逐層加上去都無"襟"左另外其他聲，比用cr9ltd時樂感好好多。

梅艷方 - 似水流年

因當年錄音問題，底噪兩部機都有，但PM做得較好，靜過Cayin N5。

PM:
CR9LTD - 音場一貫細，梅姐把聲少少乾，分音清析，但唔夠感情。
PM-3 - 都係推得唔好，梅姐把聲比cr9ltd更乾。 (所以以下唔會再有PM加pm-3哩個聽感 )

Cayin N5:
CR9LTD - 一開聲，即刻有種感覺，"膽機?"，好暖! 但好響，個echo好好聽，立體感好強。
PM-3 - 無咁暖，聲音分得開D，底噪明顯D。

春江花月夜 - HK AV SHOW 2015 version:

聽完影音展隻試機碟，即係搵dsd file放落機聽。

PM:
CR9LTD - 古箏聲層次分明，低音潛得唔深，特別開頭幾下基本好難feel到，高音都係去唔盡。

Cayin N5:
CR9LTD - 低音返左黎，前面幾下鼓聲清楚返，音場大D，高音盡D，D弦震聲都聽得清楚好多。
PM-3 - 分音比CR9LTD 清楚，聲音過渡做得好靚，音場再大左，明顯分得到樂器聲位置。


都差唔多啦，我唔識好多用語，只係盡量想表達我聽到嘅感覺，望大家見諒。

(P.S. 題外話: 店主好好人，我聽左成半粒鍾有多，聽完仲叫我試埋N6，分析力高好多，聲音smooth左，中性D，無咁暖聲。但部N5 太match，所以毒唔到 )

多謝大家睇我廢up，再煲下先~~ ENJOY YOUR MUSIC~

UPDATE:
補返幅 Ex 嘅相~(真係索好多嘅......但係.....)


UPDATE 8-9-2-15:
部機好似越煲越上力開頭要19-20格先夠聲，宜家16-17格都已勁夠。定係隻CKR9LTD比部N5爆開左 。。

宜家10個幾鍾左右，低頻緊左，有力左。 中高音過渡同伸延好左，但無低音咁明顯。

手多多試下直推K712先，哩隻野出名麻煩，不過開到around 45 格已經夠聲，試過X5ii都要開80格先夠聲，堅係大力。時間關係試得一首歌 :

Hotel California Live DSF:

N5: 聲開揚晒，音場大，話晒都open back，高音比PM-3 去得更盡，結他聲清脆，鼓聲清楚但潛得唔深，收得快，樂器分離度好，齒音比較明顯。

家中 cheap cheap 膽耳擴: 音場窄左少少，聲音密度高左，集中左，整體有力好多，連鼓聲大細力嘅力量感都演譯到，齒音收左少少。

總結: N5 叫推得到k712，只係用左一半volume左右，推出黎唔叫好好，但叫入到耳仔。三頻好平均，可能一冷一暖。但我比較鍾意膽擴出黎嘅聲多D。

聽日再試下D 大動態野，頭先聽左陣小提琴，好刺激。

gxg

正post ,小第仲等緊啱心水player, n5係考慮範圍

t1174

Thanks for report.
但 n5 推力比 PM 重大? 沒想到 iaudio 現在咁冇力

wantf1

精彩POST

kyle7

t1174 發表於 2015-9-6 11:37
Thanks for report.
但 n5 推力比 PM 重大? 沒想到 iaudio 現在咁冇力

係，應該係話真係估唔到N5推力咁大，但同時推得好好。其實可以咁講，PM真係好柔，太柔了。

大食怪

論價錢係平咗 , 唔算降咗級 , 我覺得師兄係轉咗音色 , 夾啱聽感 , 恭喜 , 恭喜  !

kyle7

大食怪 發表於 2015-9-6 17:16
論價錢係平咗 , 唔算降咗級 , 我覺得師兄係轉咗音色 , 夾啱聽感 , 恭喜 , 恭喜  ! ...

多謝c 兄~!!

safin

Plenue M真係咁唔掂?  

kyle7

佢唔係唔掂，但只係音色取向唔同，其實佢中高都好靚，但整體較冷同柔，較平直。

大食怪

講樣貌 , 我真係覺得似玩具 , 唔好睇 ! 純粹個人感覺 , 請廠家見諒 !

但機身细 , 大推力 , 加埋 2.5 平衡 , 如果夾到自己 D 耳機 , 就真係非常好 , 可以唔洗帶耳擴出街 , 做到真正隨身聽嘅目的 。

可擇日出去試一試