Onkyo TX-RZ900 全方位極致體驗會(會後討論)

lamdog

今日去左76試聽會，坦白講睇完76某一編Ching 個Post都有啲打定輸數，anyway報得名76又咁好幫我地攪左個Event無乃油唔去，雖然遲到左少少，總算無白行（因為出席得既Ching 都會人人有份，永不落空既usb手指一隻），當然黎得都唔係為左禮品，因為無諗過會有，所以在此要多謝Onkyo一聲先 。
作為Onkyo現時用家既我（都用左7年），好多新制式已經推陳出新，係時候亦都要upgrade一下部機，趁ONKYO出左部新機，價錢相對吸引底下，第一時間報名參與一下，言歸正傳，有以下幾點個人既感受，希望可以同大家分享一下：

環境：***
地點尚算方便，但始終離港鐵站較遠，而且Showroom 面積較細，有少許壓迫感（Showroom 好與壞，絕對對器材既發揮有好大影響），如果坐後排既Ching就比較難望到畫面，可能比76常去既某品牌銅鑼灣店寵壞左，因為個度真係好正。

外型：*****
部機外型自己就覺得好滿意，比人感覺簡潔得黎又好Pro

AV音效：**1/2
我地總共試左三套戲，其實大家睇完頭一套都好似無乜反應，可能大家岩岩收工，又未食飯，要少少時間Warm up，不過可能最大問題係，咁多ching滿腦子有一大堆疑問，覺得好似無乜料到，又唔敢出聲（始終華人社會，點到會比面一下主人家），個人覺得前置淡淡如水，唔夠立體感，又或者推唔掂對前置，有啲力不從心，簡單啲講聲音比較薄，但環繞聲又做得唔錯喎，包圍感十足，可能我坐中排關系，感覺得幾實在。
到試狂野時速時，由小瑟引領底下，開始有Ching 發聲，小瑟正正講出大部份ching心裡既疑問，就係前置出黎既聲好似有啲朦，定位唔夠準繩，經過小瑟三兩下手勢重新設定一次再試一段之下，立體感立即返左黎，但我覺得仲有改善空間，有一樣野都要讚下呢部機既，就係模擬ATMOS 效果係做得唔錯，因為呢隻BD係無ATMOS音效，但出黎既效果絕對係見得人。

2聲道音效：****
經過一輪調位之下，我有幸坐到最前排，試左石詠莉既HI-FI碟，係毫無希望底下，我發覺呢部機聽歌係好過睇戲，之前睇戲唔見左既人聲，定位，立體感，唔夠力，薄音呢啲通通反晒黎，唔講我知仲以為對喇叭放左係投影幕後面，因為歌聲好似係我眼前面發出（實情係我頭排既左右個一對），音場拉得好闊，全晚大家最投入完來係聽歌呢部分，或者呢部機其中一個標榜既聽歌分唇發揮既表現。

總結：***
定價有少許偏貴，相信呢部只係ONKYO小試牛刀之作，當然呢部始終唔係旗艦機，好難去同兩皮幾既機作比較，但論外型，又有咁多分唇，再加上想試下兩聲道既Ching 我個人覺得價錢回落番啲，確實有一定吸引力。

今晚再次多謝76團隊為大家作今次既安排，特別多謝小瑟唔舒服都有咁落力既演出，大家後會有期。

免責聲明：此為本人之個人意見，並不代表一眾參與CHING 既立場，機價有平有貴，與本人無關，購買相關產品時請自行認清自己需要及風險。

註：*****為滿分

hit87761

我都係試聽第一場,以中階機嚟講,我覺得又唔係咁差,睇隻空戰片unbroken ,都算交到貨吖,無論定位,包圍感都ok,至於聽唱反而比睇戲突出,出乎意料之外,我同師兄你,都有同感,以上只係個人粗略感覺.

chanherry

禾真係冇話部機比唔上5010架…只係話佢售價我期待會有8系質地，
但現在係部重裝甲646…事實如此。
而我都想講句sorry搵x5200黎同佢比stereo direct…因為有師兄直情咁問，
我先作比較…羽量級對繩量級…雖然我有講咁比較法唔公平，但對想入這機
既師兄又真係有誤導…so sorry

小瑟

WOW THX 林狗兄幫我出左呢個會後分享, 我尋晚食埋飯太晚+上食左D藥真係頂唔住訓左了!!!

MANY MANY THX呀~~

小瑟

chanherry 發表於 2015-9-3 06:46
禾真係冇話部機比唔上5010架…只係話佢售價我期待會有8系質地，
但現在係部重裝甲646…事實如此。
而我都想 ...

師兄唔洗SORRY咁嚴重, 我尋日未聽此機時都有個疑問係咪真係咁炸斗, 的確一開波大家心目中當左佢係頂級機, 期望自然大左好多, 不過睇返價錢, 再睇佢今次定位50戲/50歌既情況下, 我就絕對理解佢既質素出來都算過得去啦~~~

尋日咁岩同JAMES(想知邊個係JAMES?? 點我啦!)飲茶, 之後我話我地晚上有EVENT, 佢引起又同我同WIL總去左ONKYO SHOW睇機, SET左一大輪之後佢走左去玩耳擴, 我問佢覺得點?? 聽真D先啦.....佢話 "下...部機先講緊賣萬頭, 你仲想點???" 果一刻我自己回想一下...係囉, 其實以8-9系機來講, 都真係OK架勒喎!!!!

jason1969

Thanks for sharing

pac

我想問此機是否有回manueal
EQ呢？

mantam121

好多謝post76 & Onkyo 攪衣次活動，作為中階機種，一定吾可以要求旗艦機效果，我覺得$8xxx價位佢都算係不過不失，不過佢外型又真係比人有一種旗艦既錯覺

mantam121

pac 發表於 2015-9-3 09:29
我想問此機是否有回manueal
EQ呢？

有，不過係好基本幾段EQ，

chanherry

pac 發表於 2015-9-3 09:29
我想問此機是否有回manueal
EQ呢？

係，仲變番全人手隨心所慾EQ，完全冇preset，可以save 3個profile....

真係俾佢烟幕彈價錢轉移左視綫的…我去抬果日，去緊都預佢12K俾佢，
去到新成田…（好熟的了）同我講9.8…我未嘩完佢仲話有對得啖笑atmos送，
想再嘩時再同我講，您唔要可以回收，價錢仲係冇可能咁高，嘩嘩嘩後俾錢就走
咁花巧，唔似安橋作風，要方程式計算先知部機成本幾多！net price其實又接近
八系，但低一格rz800可能仲會好啲！因為性價比合理好多！
當我幫手製造下話題囉……其實有樣好既，已經好耐冇見過新面板造型，
rz900造型仲唔打得都睇得，高過深過x72……