蛋蛋喇叭狂熱: 絕頂批文齊齊入屋玩 ... KEF EGG 有獎遊戲

alleeada

哦！原來個衰佬，
成日帶我去 Post76 同 KEF 合作既分享會，就好似個次
「陳慧嫻《By Heart》Hi-Fi 靚聲專輯分享會」咁，
D兩聲道喇叭：KEF Muon 喇叭鬼咁好聲，
當然要我偶像仲係咁靚聲配合至得既。

之後又帶我去睇 KEF 主辦既 KEF Live connects 聽代言人方大同唱歌。

跟手仲比埋 KEF M500 Hi-Fi 耳機比我出街用添。

日講夜講 KEF 有幾好，查實都係為左攞我既「批文」買對蛋放係房，用佢黎接 Mac mini，等佢可以係房聽歌又得，仲可以駁埋重低音，睇戲都一樣好得有「氣勢」，駁咩都得咁強勁！

  

既然你識用「道高一尺，魔高一丈」，就比個「批文」你買蛋先，等你無怨言去歐洲旅行個陣，無藉口唔比我買呢樣買個樣，成個歐洲搬番黎都得……！

sherman

我會選擇在我的生日送上一大束花(驚喜！點會想到我生日會送花給她！）花束內有一感謝信，以下是信中內容:

親愛的甜心寶貝Darling 蜜糖兒，這束花是衷心感謝您陪伴我渡過這麼多個生日！其次是感激您這麽包容體諒我這個發燒影音愛好者，在我們細小的客廳竟使用一部Wil體感遊戲機，一部錄影機，一部電視機、一部投影機，一個投影幕，兩部blu-ray 機，一部DVD機，一部影音擴音機，七隻KEF蛋形喇叭，兩隻KEF蛋形10吋超低音再另加一隻12吋超低音，卻只放置很少您心愛的物件，而這部投影機及影音擴音機更是您秘密地儲蓄了幾年錢送給我的生日禮物！食飯枱也沒有，只用一張小茶几用膳，感謝您！您還經常在工作忙碌的情況下盡力安排時間陪我參加影音示範會，一起分享研究影音器材之效果，令我不覺孤單。在家中您享受著目前全世界最先進方便的家居影音遙控系統--'聲控'，您只需開聲您想欣賞演唱會，睇電影，my tv,追日，韓，美劇，聽CD，大，細聲，遮光布及窗簾，空調，咖啡或茶，生果拼盤，早，午，晚餐及宵夜，只要我在家便行! 但可惜這亦是這聲控系統的缺點！我輪班工作，您工餘有時間享受時很多時候我要上班，您愛惜家中影音器材亦擔心弄壞故只用電視機，聲音單薄，聽歌用手機，追劇只用平板電腦，唉！我一直希望找到一套簡單方便易用，價錢合理（您非常節儉，慳家）又能配合我們家居的音響給您，可惜一直未能找到，深感內疚！終於緣份到了，KEF最新推出了一套兩隻有源DAC蛋型喇叭(響應我們KEF愛好支持者之稱讚，正式名為EGG)內置擴音器，藍芽4.0及aptX，您聽開CD，總覺得藍牙串流播歌效果差，這EGG可用串流播放16bit/44.1 kHz音效檔案與CD同質，今後我不在家時您可方便地以手機藍芽連接，享受香港電台(甜淡情懷)之英文金曲及(音樂情人)之中文金曲，其中一部blu-ray機給您專用聽CD或欣賞電影及追劇，撥一個超低音喇叭變成為2.1影音系供你專用！電視出一條光纖線連接喇叭，電視之畫面便以這對喇叭出聲，您追劇都更投入，欣賞電視之音樂節目音樂感更強，一直以來聆聽Hi-Res Audio只能用耳機及高清音樂播放器，而現在可以藍芽傳送至喇叭或用電腦連接，高質素及方便很多，機身只得4粒按鈕，遙控只得8粒按鈕，操作非常user friendly，設計方便女仕及喜愛簡約人仕，玩Wil Fit Plus及Wil其他體感遊戲會更投入，玩得更耐時間，消耗更多卡路里，運動量高些，您會更苗條，體重更輕，體魄更強，人都靚D，我選擇鋼琴黑色因為與現時家中七隻黑色蛋型喇叭及兩隻黑色蛋型超低音喇叭是絕配，像一家人一樣！家中之兩部blu-ray 機，投影機，錄影機，影音擴音機,您與我之智能電話，平板電腦，鴻運扇，甚至您送給我的3個黑武士皆是黑色，您聽了KEF Uni-Q同軸單元蛋型喇叭數年，KEF 50年之金漆招牌，音色與外型您一定喜愛！這麽高質素的一對蛋您估什麼價位？只是三仟元多少少！絕對物超所值！作為全港最大影音網站Post 76之幸運會員，多得版主小瑟與Wil總及全體版主多年來熱心推廣影音活動，長期致力與各影音公司建立良好關係，優惠一定有，您與我多次參與KEF影音示範會時您都覺得KEF鐘哥不但是影音專家，豪無架子亦無hard sale，每次向他請教必耐心解釋，使我們獲益良多，作為KEF蛋型喇叭長期支持者，小小的廳已有九隻蛋，親自拜訪鐘哥，他知道我是送給另一半會有超筍價！這份小禮物請您笑納，讓他們陪伴著你！

外國有一位九十四歲愛好粉紅色的婆婆，唯一願望是刋登數秒廣告，(Love One Another) 提醒我們人生在世應愛身邊的人多些！

家庭影院應以家庭為先，與家人共享歡樂時光，我作為影音發燒愛好者疏忽了身邊的您獨自在家時使用影音器材之不便，請原諒！

杜sir

以我跟隨老板多年，梗知我老板嘅心意啦，我老板一向鍾情黑色，因為佢話黑色高貴又帶點神秘感，所以黑色嘅KEF EGG再配合家中部27寸iMac用來聽歌及剪片是必然之選，再加上iMac螢幕黑色框邊襯托黑色KEF EGG簡直天衣無縫呀
講開要同老板申請KEF EGG或其他音響器材入屋批文，其實我老板係未成為我老板之前已經洞悉我有呢個喜好（當然係講緊玩音響啦），所以一早已經好有見地咁同我約法三章，要過三關。
第一：應買側買，老板話家中器材真係有需要時先可申請批文，（但咩叫做有需要時呢？）我心想！其實每位玩音響嘅朋友，當想得到批文時，隨時隨地都會想到十個八個藉口啦{:9_422:} ，尤其是老板唔係太熟悉器材就更好，哈哈 ！所以呢關應該可以順利過渡。
第二：應換側換，呢關就要做多些少功夫再加上影帝級演技 ，首先在家中和老板聽音樂或睇電影時，要經常演繹出家中器材發揮得不滿意嘅神級演技，再而三咁不停落藥 ，說出家中器材有什麼不足之處，令老板潛移默化地認同你嘅觀點，之後趁着同老板微服出巡時，借機找藉口和你到想買器材嘅商店，叫店員即場示範，令老板即場感受到和家中器材嘅分別（當然我亦即是影帝上身再加多兩錢肉緊向老板再落藥） 以我嘅演技呢關應該都可勉強渡過。
第三：當然係金錢啦，呢關真係最頭痛及最重大嘅考驗 ，因為大多數老板對金錢非常之敏感，亦非常之手緊（尤其我呢啲窮等人家） ，要過呢關並非容易，正如我所講我老板非常之有見地，一早已說明，若果我想買任何器材，必須要交出這件器材價格的兩倍作為家庭後備基金，天啊 ！咁我咪即係要拿出三倍金錢（因為我要付出器材價格再加兩倍基金），唉！原本可以儲一個月便可擁有心意器材，現在要儲三個月先可擁有，正所謂早買早享受呀嘛，此時真係灰爆 （心想唔通連個天都唔鍾意我） ，正當係我最絕望嘅時候，我眼前都會出現一位天使般美麗的神 （唔係！係人）來拯救我，帶我脫離苦海，講到呢刻，我想各位都應該估啱！咪又係我老板囉，其實我老板係非常用心良苦，因為唔想我亂揮霍，所以先想出呢份約章，之前我奉獻的家庭後備基金，其實係我老板幫我儲起作為日後買或換器材之用，有這樣的老板夫復何求呢 ，真係好感激我老板！
（此生遇上妳是我一生的福氣，老板！我願為你做一世的奴隸）
老板萬歲

keepdreaming

識買一定係買黑色，正所謂
『純黑　襯黑看不見但卻誘惑
我忠於黑襯黑的暗花　懶理色調平淡
若明白　若明白　任由狂野釋放吧』

講到依到，真係好期待用新SPEAKER聽番首謝霆鋒既”活著VIVA”

言歸正傳
至於點樣取得批文? 邊需要批文架
送野比最愛既野係天經地義，但送野絕對要有技巧
點解?

我唔直接答你，我用例子答你
從前有個曼聯fans, 當曼聯黎香港果陣
好有心機咁做左一份禮物比曼聯，仲親手送埋比曼聯一眾球員
但結果點呀?
結果係份禮物留左係更衣室入面無人理呀!!!!!!!



又例如，開張信用卡?
你想要迎新禮物多D定張卡多D?
開左張卡個電飯煲就日日用，張卡呢?

『你自己慢慢參透下』

本來我想咁講，但我又驚你唔明
所以都係直接D 啦
簡單地只要一齊去聽一個超正既演唱會
趁演唱會後遺症發作緊既時候
你可以買一大埋CD同埋SPEARKER番去
佢一定好開心仲日日煲啦

然後
『由這一分鐘開始計起 春風秋雨間
恨我對你以半年時間 慢慢的心淡
付清 賬單 平靜的對你熱度退減』

當演唱會後遺症完左既時候
一切都會 歸我所有、慢慢享受
P.S.
如果你愛人愛上左日日聽唔上晒癮玩唔厭咁點算?
咁恭喜你你搵到一個比肯陪你食M記更加好既伴侶啦

akao

白色最適合, 因家中牆身和電視櫃都是白色, 加多對白色喇叭無咁覺眼.


話說我家中老虎唔多願郁, 又少做運動, 晚晚煲劇, 條腰變水桶, 行街見到纖體廣告或那些收腰按摩器, 成日都話羨慕又要買個番黎玩, 呢次啱喇, 呢款KEF EGG藍牙喇叭又幾似按摩器, 真正perfect match, 同佢講呢對係美國最新研發低頻音波纖體機, 在條腰碌碌吓, 按摩吓, 發出的高能量低頻音波就能打碎脂肪, 原理同擊碎膽石相似, 不過能量冇咁高咁解, 而且又可當啞鈴舉, 同手臂鬼鼠肉講拜拜, 嘩講到似層層, 以佢科學知識肯肯定信到十足十!

Yeah! 咁咪拎晒批文囉, 佢碌碌吓, 舉舉吓就好快冇耐性喇, 到時我咪拎番入房還原番本來用途囉, 想過骨買玩具玩好簡單啫!

fel

跟所有發燒友一樣，我家裡的HIFI產品多得可以堆死人︰DAC、前後、後級、5寸音箱、腳架、腳墊……還有很多很多的線可以絞死人︰電源線、音頻線、數據線…….KEF EGG集解碼、前後級、音箱於一身，小巧的骰，簡直是蝸居港人的救星。

一對KEF EGG 可取代DAC、AMP、SPEAKER，以後就不用黐線了。
圖片來源︰http://www.pro-pet.ru/published/ ... ges/Wire_Tangle.jpg

至於顏色方面，吓，仲黑色？Comeon james, 想都不用想，藍色，夠突出！

藍色的KEF EGG 其實有點 Frank Miller作品的影子。嗯？不覺得？藝術D野你地班音響佬識條鐵咩！
圖片來源︰http://40.media.tumblr.com/tumblr_ly0q1cFyta1qinzy8o1_540.jpg

接下來就是最困難的部份，要如何獲得家裡夫人的批准呢。首先等小弟講段故︰

中國古代有位推銷員，叫韓非子，為了得到重用，他經常周遊列國去說服皇帝。他有感游說他人很難，所以寫了一篇流傳千古的〈說難〉。〈說難〉大概是說說服人不一定要以道理折服人，但必須要投其所好，用對方聽得懂的「語言」。



到底說服人難D，定說服人說服人係難事難D？其實我都唔知自己講緊乜。圖片來源︰http://cfile229.uf.daum.net/image/234AD54A5114F20131DF79


具體要怎樣應用呢？別心急，先來一個錯誤示範︰

我說︰「新推出的KEF EGG細細粒，竟然能解碼96 kHz / 24 bit，支援USB &光纖輸入，聲音還不錯呢！」

傳到夫人的耳裡卻變成了︰「EGG964USB..&*＠＃....我又身痕想花錢東西回家啦！」

最後下場大家都很清楚︰小則遭夫人耳邊轟炸幾天，大則吵架一場，破財(送禮)擋災(消氣)。


唔知係咪D空氣有問題，點解我講果句野傳去到夫人隻耳會完全唔同左？
圖片來源︰http://cdn.theatlantic.com/assets/media/img/mt/2015/01/shutterstock_208347706-1/lead_large.jpg


講完了錯誤示範，接下來就講一下 正 確 做 法︰

正確做法是要代入夫人(小家)慳家賢淑的性格，用夫人的思路思考。但具體到底要怎樣做呢？小弟閉關苦苦思量了七千七百四十九毫秒，終於想出了一個 萬 無 一 失 的方法。以下小弟就為大家介紹︰


※　請注意：請先細閱下面教學，各個步驟必須順序進行。

※　本教學行為具有一定風險，讀者請自行斟酌是否要仿傚。

※　本教學僅供參考學習使用，如造任何問題家庭／婚姻問題，筆者、KEF和POST76恕不負責！


1.等一個月黑風高夜深人靜的晚上，趁夫人百無聊懶的時候，故意在音響前連聲歎氣。此時必須要沉得住氣，等待夫人主動詢問︰「做咩事牙BB？」請回答︰「唉，玩音響機子太多，太佔位置了！」
    這時夫人必定會用驚訝的眼神看著你，以為平時的碎碎唸真的為你洗腦了。


2. 不要給她喘息和思考的機會，立即指著DAC、擴音機和音箱乘勝追擊︰「不如把這些、這些和這些都放到POST76賣掉，買一對KEF EGG小音箱回來好了」。
      說話的語氣必須灑脫，說到毫不在乎一樣。


3.為免有巴打的精明夫人聽到「買」字提高警覺，請立即（立即！）分散她的注意力︰「賣掉東西拿到錢，又可以為你買幾件新衣服啦」。


4. 這時候夫人應該會有一種「我家男人終於長進了」的感動。打鐵趁熱，追加深情一吻，計劃便成功了大半。


情深一吻應該係咁，好似係。
圖片來源︰http://www.tvmost.com.hk/most/uploads/images/2015/Article/2015.07/2015.07.06/kissingday/05.2.jpg


５. 如果你認為接下來就可以大搖大擺走入KEF買走EGG，就真的太天真了。要知道，女人善變，也需要前戲。事前一餐豐盛的西餐肯定少不了。然後再帶她去購物血拼，夫人心情放鬆，自然好辦事。

我知道前戲很無趣，但為左對蛋，值得既。
圖片來源︰http://img.memecdn.com/sweet-brown---foreplay_o_825391.jpg


６.        最後當然就是帶她到KEF的門市試音。請謹記，試音過程不能心急，如果自問演技好的話，可試試把內心中買與不買的爭扎表示出來；不能的話也要左試右試，假裝細細思量。重點是要讓夫人覺得有點不耐煩，但又不能讓她太過嬲惱。當她主動開始催促你快點買的時候，就是去付款的最好時機！好！卡已簽，計劃成功。



方法演技係由內到外再去番外既，明白啦？
圖片來源︰http://img2.mtime.com/mg/2009/12/74270122-36be-4ca3-9652-4584c32a046d.jpg


或者你又會問，喂，我真的要把家內的DAC、AMP、SPEAKER賣掉嗎？
正所謂「過左海就係神仙」，最後你真係放上二手區賣又好，騙夫人也好，面對她責難時，只需拋出一句︰「放左上網都冇人買，我都冇辦法架」必定能夠過「骨」。

siulun1409

首先，同老婆去KEF SHOW ROOM到先看一看KEF EGG,唔需要同佢講太多，即刻播一首佢最愛既歌曲，女人嚟講第一個印象好更要，當佢沉醉歌曲之際，我就係袋中拎出一張自製好的抽獎卷，內容係飲檸檬茶送KEF EGG。一見到之下，老婆一定會即買一打返屋企飲，如事者一星期後，係屋企收到一封中獎信，但要係工作時間去拎，咁就可以唔使帶老婆都可自己去show room到俾錢拎番屋企了。

teddy97074

《我要醫知知》

能夠順順利利過到獄長既雙眼，的確費盡心思，在獄中，真真正正體會到“有錢唔係大晒”，如果拎唔到張permit，某某然帶對喇叭返倉，我保證獄長既怒哮聲，比kef既blade更真實，比kef既refenance 8b更震撼，諗起都心寒……

先講講獄中環境，今年初已買入一套E305，之後喺五月再購入一對E301做天花喇叭玩atoms 5.1.2，簡單d講，獄中已有7隻蛋蛋喇叭，剛剛又買左部macbook air ，正正心郁郁想學人玩CAS，但奢望再加對藍牙EGG喇叭，簡直仲難過有真普選。

經過好幾晚反覆思量，獄長一定分唔出E301同EGG既分別(白色)，所以決定先將前置左右聲道條喇叭線甩開，然後同獄長講前面對喇叭冇聲壞左，要拎去荃灣金山俾吳生整，(吳生喺係kef做維修既師父，又細心又有責任感，最重要係夠老實)，跟住就同獄長講，吳生話最好買個對新，佢又難整又收費貴，宜家買個對仲送$200超市禮卷……，當然d超市禮卷要自己科水啦！務求成功爭取一張“壞換新”既permit，e張許可證係比較易申請，再多加一d唇舌及附加家用，通常都會成功。之後就可以名正言順咁带對新EGG返倉，等風聲無咁緊果陣，再帶返之前對E301返黎，話吳生終於整返仲冇收我錢添，到時咪一家團聚過中秋囉！嘻嘻……

rlmfung

老婆經常說我的音響設備太多和太阻地方，有什麼新音響配件只要是見到都Say NO，日哦夜哦「黑

影音小編輯

本遊戲已於今晚 (2015 年 7 月 25 日) 晚上 11 時正結束，多謝版友對本遊戲的支持。請各位耐心等待即將公佈之得獎名單。