蛋蛋喇叭狂熱: 絕頂批文齊齊入屋玩 ... KEF EGG 有獎遊戲

影音小編輯

剛睇完開箱文【靚蛋新世代 – KEF EGG 有源 DAC 喇叭開箱試玩】的版友而家可能都心郁郁，度緊掂拎批文，光明正大地將一對靚蛋蛋放係自己檯頭慢慢玩。

好多師兄玩影音最難之處都唔係地方問題，定家中係唔係有細路或老人家，反而係家中個位老板每每都可以隨口一百幾十個理由拒絕我地 ... 但我地又會好抵死出盡鬼計，務必要握攞到批文合法入境自己嘅心頭好!!! 如果你自命橋皇，不如度 d 正橋出來集師廣益，互相抄考借用，出入平安 ...

首輪推出嘅 KEF EGG 備有 藍、黑、白 三色可供選擇。如果你能夠揀選一款顏色分享一下如何配合家中設計 或 所用緊嘅任何器材、流動裝置等 ... 當然最緊要係 一條好橋攞正老板 "批文" 入屋!!!  寫得 “最有見地” 或 “最鬼馬” 或 “最爆笑” 橋段嘅 1 位得勝者，咁就可以免費用上你嘅 “好橋” 入屋 同老板一齊搞蛋一番 ... 就算您嘅橋只屬優異獎，咁都係一條唔錯嘅入屋好橋，點可以唔比優惠大家，就咁獎您以 75 折買到一對咁正嘅蛋蛋返歸慢慢享用，名額 3 名!!!

KEF EGG 現已陳列於 76-FriendClub 供大家試玩
76-FriendClub 地址 : 九龍旺角西洋菜街南 2T 添置商業中心 18 字樓
營業時間                      : 星期二 至 星期日 12:00 - 21:00  (週一休息)


[YoutubeHD]u8zLRFTGNCk[/YoutubeHD]

遊戲問題:
從藍、黑、白三色中揀選一款你最心水的顏色，並講出它為何能配合到您的家居佈置和環境 (或所用器材)。此外，請講出您會用甚麼理由 (藉口) 以說服你的太太 (或丈夫) ，令 EGG 可以順利入屋呢? 參加者可從多種創意元素出發 (字數不可少於 100 字，有圖分享就更正)。


冠軍一名 獎品:         免費獲得 KEF EGG 一對
優異獎三名 獎品:      每位可以七五折選購一對 KEF EGG

評審小組 (評分比例): KEF (50%) + Post76 (50%)


特別鳴謝:   
-----------------------------------------------------------------------------------------------------------------------------
注意事項:
1. 參賽玩家均需同意提交之內容或及/或相片給予 Post76 網站公開發佈，如有任何異議， 將被視作方棄有關權利；
2. Post76 與 KEF 職員 及 其家屬不可參予此活動；
3. Post76 義務版主 或 其家屬均不可報名參加是次活動;
4. 活動由 Post76 玩樂網 及 KEF 全權策劃、安排及評審，如有任何爭議，雙方將保留最終決議權；
5. Post76 有權按情況需要，更改相關內容及取消參加者資格，並不作任何通知或解釋，參加者不得異議。
-----------------------------------------------------------------------------------------------------------------------------
Post76 玩樂網 齊齊與您 ...
「玩樂連場、越戰越強」

everbzr

前陣子家裡裝修 因為KEF E305的外型成功得到太太的批文 然後自己也很滿意同軸的表現 短短4個月就升了两級 R100 -> LS50 也正式半腳踏進了2ch
而太太也聽多了KEF同軸的聲音 房間裡他牌的airplay喇叭一直吃塵沒動過 也因為有airplay喇叭 macbook也沒配置喇叭了

然而 太太一開始獨愛白色旦 但考慮到裝潢我偷偷下了黑色旦的單 至今太上有什麼不順心就會順便說我不迎合她。。
而現在KEF EGG出來了
我就可以還她白色的旦 電腦有了喇叭 在房間也能聽歌了

這KEF EGG還真是一次滿足晒我三個願望啊

tommy1976

首先要先將家中電視聲音調到非常難聽, 連對白都聽不到, 之後就說KEF這對蛋仔專為電視及手機聽小朋友歌而設, 再借機帶老婆出旺角76-FRIENDCLUB試聽, 之後就........

siukeung

老板最愛白色，KEF 之前對 X300A 已經很想買來給部 mac 機用，但體形太大、價錢又不是我的預算，所以老板一定不會批，因而打消唸頭。但這對蛋又細、功能又多，接駁超方便，我想會這樣做:

陪老板到旺角行街買衫，行到差不多時間又已買了衫比給老板後，就同佢講記起 76 有個唔知有什麼好玩的俱樂部在附近，叫佢陪我上去八下什麼俱樂部 "咁巴閉" ，上到去見到對蛋仔時問下有幾正，聽完話要試試，但到時話自己手機無電，叫老板用佢電話內的音樂來聽。試到正時，最緊要問有乜顏色，咁有白色就一天都光曬!!!

mtvbb

聲東擊EGG之語言行為偽術[我無講大話].

大大聲講套SPEAKER, 好似有D事咁, 想聽下歌添, 悶悶不樂
有套KEF SPEAKER 好似好正WOR. 有D心動添

唉! 咁樣點好呢! 唉! 我想去買個EGGCELLENT SILLY DOUBLE EGG, 孖EGG果SET 呢.
呢期好HIT, 身邊個個人都話正! 攻佔全城咁話.
我想去試下先, 你要唔要
要既話! 我就買埋你果份! 套野聽聞OK抵!

返到屋一齊食旦時, 大家就知你能耐有幾高!

Rakehell

相信好多人都好鍾意 KEF 隻白蛋。感覺乾淨易襯。
香港地屋企細，所以室內好多時都用白色為主，空間感強D，又光猛D。放隻白色蛋喇叭響電視櫃，電腦檯，開放式廚房Bar檯，床頭，邊到都有一致嘅 Minimal feel。有室內設計朋友話，有女主人指一係唔比裝喇叭，一係只可以俾蛋入屋，認真識貨。

但係好多時，老闆"唔理三七二十一，買新玩具就唔得。"

要拎批文，老生常談，兩公婆呃呃氹氹架啫。
當然呃呃氹氹係有技巧，正如你返公司無啦啦話想要新電腦 , 老細話唔定俾返紙筆墨硯你用。

女人最受落係咩呢 ? 不外乎: 浪漫。
好易? 你夠膽劈頭一開口就話 : [老婆, 買隻蛋囉!] ...如果過到關，恭喜你，不過"你懂的"浪漫同女人嘅浪漫唔係好同。

浪漫，過程要神秘，結果唔使理。唔到最後一刻都唔好揭底牌，唔好露餡。
[喂? 老婆，我想今晚同你慶祝結婚第2345日(或者人生第40個重陽節,是但啦)。今晚食豪D!]
[仲有呢~英國新出左隻蛋，甜甜地，襯Candle Night Dinner好夾。]
[隻蛋唔試過唔知，一試不得了，岩岩去銅鑼灣(KEF)/旺角(Post76) 試過隻蛋，而家成個腦都係果種味道。]
[阿強都買左兩隻返屋企，佢老婆都話無得頂，煲一煲隻蛋就已經好正。叫我買俾你試下。]
[唔貴呀，兩隻蛋之嘛! 唔講咁多，你唔反對我就買埋兩塊和牛返黎啦!]

以上重點全部無造假。聲甜，包圍，有口碑，愈煲愈正，只係講得簡短D啫，老闆諗到咩係佢嘅角度問題，返到屋企先逐一解釋囉。

好喇，返到屋企，其實一D都唔難過海關。有邊個女人見到 KEF 雪白嘅蛋喇叭唔會尖叫一聲 "好靚!" ?
放響屋企即刻成個 feel upgrade 晒，讚你都黎唔切。 如果老闆中唔到毒，唔緊要，你仲有手中兩塊和牛同埋(optional)一條手鏈呢兩條保險線，唔會出事嘅。

……但如果你連和牛同手鏈都取巧揸流灘，恭喜你，抵你陪隻蛋訓廳啦。

leehokwokwing

以下都係真人真事，話說小弟同老虎將會新居入伙，咩都要錢錢錢 而小弟有屋企梗係想整套好D嘅音響聽下歌，但老虎就只批一萬筆直，拒絕二手，又要慳位，又要配合屋企簡潔及白色的設計

正當我上76網學野之際，竟然發現有呢對蛋之後我就日思夜想～想～想～

直到有日放假，同老虎一朝早出街 (我心諗睇吓有冇機會去試下隻蛋嗱)，之後去M記食早餐，到排到我叫餐時，我就同職員講：『 唔該二份豬柳蛋扭扭蛋餐』 之後個職員望住我.....格離D人同老虎都......  而我只好繼續完成我的點餐。
最後埋位食早餐時，老虎終於釋出善意話：『蛋蛋蛋，一陣陪你去扭蛋啦！』

為左蛋，畀人笑，有幾閒。

JimmyNgai

藍、黑、白三色中，藍色最靚仔！ 本來都覺得黑色好型，白色好modern好fresh，但最近太多野唔係黑就係白，所以我同老板都一致覺得藍色係最特別可以突顯出個性

既然KEF呢對係蛋蛋，我會順理成章同老板講最近有對巨型震蛋好正，用黎按摩一流！ 按摩邊度？緊係老板成日投訴做到頸緊膊痛的膊頭啦！好似下圖咁：

KEF按摩震蛋

女人咁鍾意按摩，老公又咁體貼，蛋蛋要入屋冇難度 但大家都知道老板唔呃得，講得係震蛋咁點都要震俾老板睇，所以我已經一早搵好一Ｄ人耳聽唔到但又震得喇叭郁的超低頻勁認真聲音測試檔（少於20Hz）。蛋蛋一入屋就可以俾老板睇下對蛋蛋有幾"震"撼啦

注：以上震蛋功能需有經驗人士操作，一唔小心可以燒喇叭，大家唔好亂試呀

tttim

話說老闆同我都鐘意o係自己房攤o係床上睇電影(當然唔係愛情動作片lol)，但係房細一路都無買到一個適合既2.0系統。KEF宜家出EGG，矯的的又好聲，又有老闆最愛既藍色，買左真係Win-Win~當然要諗諗佢拎批文啦!!

當然要先同老闆去76-FriendClub會一會佢~~

返去就同佢講，老闆你成日話o係房個電視機唔好聲，宜家KEF EGG o岩哂你，佢又細又好聲，重要係無線，又有你最愛既藍色。
o係房睇你至愛既劉德華concert直情一絕呀!!!佢重有無線搖控，o岩哂我地呢d唔願郁又要較呢較路既人~

最重要係可以無線播歌，咁你咪可以用部電話播d瑜珈冥想歌唔洗o係廳帶住耳筒做，KEF EGG音質精確細緻，做瑜珈都集中d啦~~

佢真係一次過滿足左3個願望，有正野，真係唔買???

siukeung

siukeung 發表於 2015-7-18 19:52
老板最愛白色，KEF 之前對 X300A 已經很想買來給部 mac 機用，但體形太大、價錢又不是我的預算，所以老板一 ...

好消息，批文真係到手，條橋 work 到   如果最終可以贏到就更加完美!!