請教各位C兄有關 AMAZON 亞馬遜度訂碟之事宜

takeishi

  唉~終於都係要屈服啦.  呢幾年來香港各大唱片店都唔再入貨.
好多外國碟晌香港都買唔到.  之前我通常都係去HMV或者HK-Record度訂.
上年都還好些小. 好多都訂到. 不過價錢就好貴. 都算啦. 當支持下本地唱片業啦.
但係. 呢家真係衰到連訂都話訂唔到啦. 特別係單曲. 就算訂到返黎都要成舊水一隻.
所以無辨法啦. 唔到我唔轉變下買碟既方法啦. 睇怕以後都唔駛點樣去睇唱片鋪架啦.
因為都根本搵唔到我想要既野. 呢家我只好去 AMAZON 度訂碟啦.

  小弟第一次訂碟. 好多野都唔識. 請呢度D訂碟達人賜教.
1) 想問下. USED 既碟點解會平咁多既. Condition如何架??
2) shipping 方面. 如果我訂幾隻碟都係唔同seller既. 咁係唔係逐個俾shipping cost架.
3) standard既shipping係唔係要成個月先至收到件架??
4) 聽過好多C兄講話Free shipping. 係咩野情況先係free shipping架.
5) 信用卡過數. 匯率係唔係都係計$7.8架
6) 同埋. 有咩野事要注意架......

例如我想訂隻Madonna既Ghosttown CD Single, ???
運費重貴過隻碟, 係唔係有D無咁貴既呢???





  唔好意思. 我呢個問題小年咁多野問. 希望有C兄幫忙解我困惑.......
謝謝. 謝謝. 有勞. 有勞. THANKS ~ ありがとうございます

jumpingjack

我都想知都想試下喺Amazon買下碟！

ykluk

1) 想問下. USED 既碟點解會平咁多既. Condition如何架??
有啲used嘢都有寫大約情況(尤其日遜), 不過真實係點就真係好難講....

2) shipping 方面. 如果我訂幾隻碟都係唔同seller既. 咁係唔係逐個俾shipping cost架.
係, 咁樣會貴啲, 所以買新既用晒amazon自己出貨會平啲

3) standard既shipping係唔係要成個月先至收到件架??
如果有貨基本上1-2個星期內會有, 但pre-order通常都遲過出街好多

4) 聽過好多C兄講話Free shipping. 係咩野情況先係free shipping架.
未試過, 唔識答

5) 信用卡過數. 匯率係唔係都係計$7.8架
睇邊張信用卡, 小弟用AE大約$7.91

6) 同埋. 有咩野事要注意架......
無咩, 基本上小弟全部外國碟都係amazon pre-order, 但shipping cost係一個一個出, 咁樣會比唔係pre-order一次買貴啲, 但一定平過港版, 只係耐啲先收到

希望幫到你~~!!

SonSon

補充一下
4) 聽過好多C兄講話Free shipping. 係咩野情況先係free shipping架.
free shipping係美國國內, oversea 係冇得free

SonSon

早前有教學, 可參考吓........

如何在amazon.com登記及購物

dc903

自己最近幫襯日遜, 可以談談一些購物經驗.
1) 想問下. USED 既碟點解會平咁多既. Condition如何架??
    非amazon D 碟(即私人SELLER或唱片店), 大部份是二手, 亦有很小部份是新的; condition 是個人自訂, 有側紙與無側紙, 可以$差別大, 亦有些是rental 碟, 也有些是註明曾經conditioned過, 即打磨過要小心避免. 曾試過入隻二手, 但歌詞是同一歌手但另一隻碟的 (可能一早聲明自己只是不懂, 所以到日遜, 最好懂日文會著數好多, 師兄會有著數)

3) standard既shipping係唔係要成個月先至收到件架??
    曾有隻明菜單碟, 竟然早一日到埗(正式出碟日期); 當然大部份新碟都有時差!

4) 聽過好多C兄講話Free shipping. 係咩野情況先係free shipping架.
    所有由日本到香港, 都要付shipping, 有些是普通空郵(1~2WEEKS), 有些是快郵(FEW DAYS), 但amazon自己賣D碟一定係DHL(貴一些些). 如訂一批數隻碟, 有可能是先來一些, 隔數日再來一些, 但不用擔心之後郵費, 因一早是付清, 不會之後再話收多D$.

6) 同埋. 有咩野事要注意架......
    試過買二手碟, 因有些seller亦有鋪頭賣碟, 自己訂其中一隻已賣, 之後通知自己無貨, 退錢, 但不是原本rate, 例如前天付費1000港元, 退回985港元, 因為買賣匯率, 比銀行或信用卡賺咗, 要留意!

GOOD LUCK!  

kl122002

我自已在美 / 英/ 日 亞馬 入過下書, CD, 還有其他野,
有D師兄都已回了不少, 那我就省走了一些, 只說部份了

1) 想問下. USED 既碟點解會平咁多既. Condition如何架??
美 / 英 的conditon出入是有一點, CD的話最好問一問有沒有花,  LN, VG, G, Acc 的出入可以好大. 最好 是LN / VG
日本仔比較小心, 寫Ex, VG 都已經很好.

4) 聽過好多C兄講話Free shipping. 係咩野情況先係free shipping架.
-->只限美國 / 當地

不過有時候直至俾錢才是肯不肯寄出國外. 我試過賣劾寫可以international shipping但不寄HK.
在各個別賣家購物時, shipping也與亞馬有出入. 有些貴, 也有些平.
在結帳昤也留意下個對換系統. 雖HKD$ 7.8 = US$1 , 但亞馬的system會出現對8.1 的事. 想平可以用信用卡的 (即是直接用美金支付.

takeishi

  實在感謝各位大大的幫忙.
好啦~凡事都有第一次. 即管試下訂碟先. 其實鍾意外國碟既朋友我諗都同我一樣架啦.
都會透過好多不同的溝道去訂碟. 以前我經常都會去E-BAY度BID碟. 呢幾年就小左啦.
因為E-BAY既野價錢越黎越貴. 貴到我都接受唔到啦.
  單靠香港既唱片鋪訂碟. 好多時都話你聽訂唔到. 就算訂到價錢貴到飛起.
所以都真係無晒辨法啦. 要各現實屈服啦.

  其實我可以晌日本YAHOO AUCTION度BID碟架. 因為我有朋友晌日本生活.
我可以BID左野之後寄野去佢屋企. 佢會一次過幫我寄返黎香港或是返香港時帶俾我.
各位C兄如果晌YAHOO JAPAN AUCTION有野要幫手既, 你可以搵我架. 我幫到既一定幫手.

dc903

takeishi 發表於 2015-5-9 09:08
實在感謝各位大大的幫忙.
好啦~凡事都有第一次. 即管試下訂碟先. 其實鍾意外國碟既朋友我諗都 ...

咁就好啦, 排定隊先; 哈哈! 自己近年已少到JP AUC! 小羊第一次上JP AMZ 是因信禾的訂價太貴又花時間, 多得這裡POST76 D師兄前輩教路, 才踏出第一步, 之後海濶天空, takeishi兄, 是值得上去看看, (先毒一毒先)有好多外國碟訂, PSB / Blondie / madonna / .... .... . 初初先向amazon買野, 有了信心和經驗才找private seller進軍.   

PS 包裹到港時, HK DHL多數會致電給你(由你登記時留的HK TEL)問, 例如一陣(指半小時內)有無人在家或office(可以登記幾個地址送去要求的地址, 自己未試過)收parcel, 這時你可以話幾分鐘后再call番佢地答覆, 如無, 他們會安排另一時間(多數晚上)送, 不須到post office取 (但私人seller, 有時要到post office取parcel, 咁啱小羊一陣就要到post office了, 要留意).   

GOOD LUCK AND HAVE FUN.   

happyroland

我都訂唔少碟，有D補充:

外國碟如果唔一定要美版，通常會訂英遜。因為運費便宜同有得扣VAT(差不多等於運費。

另外最好一個order訂多幾隻碟，比一隻一隻訂平。可以把想要的放入購物車，待夠數一次check out。
(我通常2-3個月1次)

碟價可升可趺，你放了入購物車或wishlist的物品如有改價，你下次登入會提你，有時會差成幾磅。