有無人玩過 <玩具熊的五夜後宮> (<--中文名太思歪了

kl122002

自上年起, 在歐美地方冒出了一個PC 恐怖生存game <Five Nights at Freddy's> (FNAF)
上年的同年又出了續集, 今年初出了第3作.
3作不時在steam特價發售.

最近才知有中文名字叫<玩具熊的五夜後宮>...起初還以為是什麼邪野, 原來說的是這個...


自已看玩家的反應已不少次了, 於是自已也由初作玩起.
大約3作的感覺都是如下:
--->( ---> ---> (被殺n次之後)---> (打完初作之後)

初初比較簡單, 就是關門, 看閉路電視, 得閒亮燈望望走廊, 一出玩具公仔就關門會ok.
要緊的是得閒望下個狐狸穴, 不然會被狐狸秒殺

第2作的貼身性較強, 因為前面一個大走廊入口, 左右各一個通風出口會有這些殺人玩具公仔出場.
沒有可關的門, 只有一個扮熊仔的帽. 有事就戴上.
不過殺人玩具公仔多左, 特別是一個木偶師. 要用cam替迫樂盒上鍊才可以避免佢的攻擊. 但熊仔帽戴上了也會被佢識破.

第3作的貼身性更強 , 出現的恐怖事物是最多, 也更難玩. 出現沒害的, 但嚇死人的前作殺人玩具公仔幽靈
玩的除了cam之外, 就是一台不時有問題的電腦系統.
基本上沒防備, 只有那套不可靠的電腦系統, 還有中間的氣閘.
真正殺人的是一只彈橫兔公仔, 佢會在你面前出現(先), 再等你轉下身/cam 再殺你.
過了6晚之後還是未完game的, 因為真正完game, 是在每次過場中的一個好古式的mini-game.  此game 好重要, 因為有提示解密, 打開隱藏的game.

FNAF的吏事令不少歐美玩家追奉, 由初作時的過去的兒童失蹤, 電話者被殺 (第4晚), 之後的不明對話 (第5晚)為引子.
第2作中提示了有人在惡意搞破壞, 而且真人殺手也在, 加上一大班公仔在發狂抓人.
第3作是為前兩作的故事解密. 之不過被付魔的彈橫兔公仔沒被破壞, 令有沒有FNAF 4 還是存有一定的因數.

少少感想:
1. 初打是好易, 第3晚起後好難
2.如果對故事有興趣, 值得一玩
3.事實上如果mute了game的聲音, 成個game會變到好無聊. 你不會看到任何被肢解三級的場面, 只是會看到公仔的樣子作最後畫面
4.好打恐怖生存game的人或者可以考慮. 在沒有武器之下求存.


***有心臟病/癲癇症人不建議玩, 認真的, 每次公仔出現殺一定會突然高音尖叫, 而且壓力上的反應不排除引起病發***

@肥狗仔@

哩隻幾出名吓，老任之後都好似有隻game係類似咁玩法。

kl122002

@肥狗仔@ 發表於 2015-3-30 12:58
哩隻幾出名吓，老任之後都好似有隻game係類似咁玩法。

老仕沒接觸很久了, 真是不太知道.

反而這game 倒是不錯的. 值得一玩. 然而奇怪的是香港沒把它成為熱話, 唔知發生咩事.

getyamasaki

kl122002 發表於 2015-3-30 13:45
老仕沒接觸很久了, 真是不太知道.

反而這game 倒是不錯的. 值得一玩. 然而奇怪的是香港沒把它成為熱話, ...

無廣告、無品牌、無潮流，香港其實主動去搵GAME玩的人唔多。

kl122002

getyamasaki 發表於 2015-3-30 17:31
無廣告、無品牌、無潮流，香港其實主動去搵GAME玩的人唔多。

又唔係3無的, 只是香港人只識呢3種野, 特別是性感妹妹先去打機 .
家下外國是靠youtube, you tweet, you share 來做promo.  

@肥狗仔@

kl122002 發表於 2015-3-30 20:31
又唔係3無的, 只是香港人只識呢3種野, 特別是性感妹妹先去打機 .
家下外國是靠youtube, you tweet, you s ...

香港市場太細，又快餐+日系文化。唔好話外國獨立遊戲，就算係大作，都未必隻隻受落。基本上想hit就一定要落廣告，有性感女模代言。否則就算係達哥玩都未必多人追。

kl122002

@肥狗仔@ 發表於 2015-3-31 11:51
香港市場太細，又快餐+日系文化。唔好話外國獨立遊戲，就算係大作，都未必隻隻受落。基本上想hit就一定要 ...

有時我想, 其實是不是這些大廠在香港的植根太深, 令不少玩家都只集中在大廠出的game?
而事實又是不少大廠出的作品中, 不時看大家的文評中都有微言, 講得不仲耳是"又要玩又要彈"...

我自已自NDS的cooking mama之後沒理了,
PS停在PS2, xbox是借人的間中去玩 (TV game不是我的強項)
主打都是PC. 然而近年的PC game 除了 "可賞性" (= 畫面)高左, 感覺上新意真是少左dd
因此現在是找steam的game 多少少.

@肥狗仔@

kl122002 發表於 2015-4-6 07:46
有時我想, 其實是不是這些大廠在香港的植根太深, 令不少玩家都只集中在大廠出的game?
而事實又是不少大 ...

一樣米養百樣人，但香港頂盡都係800萬樣，核心玩家可能又佔當中的十分一左右(都唔知有冇)，而入面又有幾多真係識思考你所提出嘅果啲問題? 其實唔太關廠唔廠事，好似Naughty Dog哩啲歐美工作室，比著十年前冇人識，哩家演變成人所共知。其實主要取決於佢地做出黎嘅作品。

老實講如果哩隻玩具熊個宣傳好似Destiny咁勁，我唔信佢在本地火唔起，同樣問題發生在本地XBOX ONE的marketing身上，先不論玩具熊係咪真係有實力去獲得咁龐大的宣傳費用，至少我唔上外國網都好難知道有隻咁嘅game。你叫一個香港新仔玩家入steam行一轉，到最後埋單可能係一堆3A大作的特價品。香港最興fresh game的年代已經過去，本地諸如uwants/HKCC哩類game forum都唔太旺場，反之在外國講game的論壇仍然大有人在，咁嘅討論規模就算你post一隻陳年舊game都可能一呼百應，哩點係歐美市場先可以容納得到，在香港，那怕係大廠Konami出隻獨立遊戲，相信都只會步玩具熊的後層。

咁至於TV game/ PC個問題，都係果個道理，因為新意同好玩與否唔係絕對掛勾，PS4最近果隻Bloodborne都係好old school，但所有野拼埋，耐玩&好玩已經夠殺，好多歐美媒體又話係GOTY又乜咁，講緊佢地以往都有接觸過好多獨立game，但真正因為創意而獲得這種殊榮的獨立遊戲屈指一算，大概不出兩三款，咁所以獨立game的新意在普遍人眼中仍然敵唔過遊戲性，情況已經唔係console VS PC game的問題，而係3A game VS indie game的問題，當年神作Limbo咪又係X360起家嘅。就好似我玩大作多，你一款steam小遊戲可能賣20美金，計落條數或者儲埋買隻大作會化算啲?但我都唔能夠否認部份獨立game係有玩的必要，吓吓計住多唔多人玩其實好灰的。

kl122002

Naughty Dog的話, 我碰過The last of us 和舊少少的Uncharted (<---但已不太記得有什麼內容了).
The last of Us 的主玩在zombie+ fire files 中出入, 唔算得上話好意外, 只是在故事發展上幾印象難忘.

所謂的3A大作, 我現在好少理了. 說得是3A, 一切的聲畫都是預料之內, 令我不會話好大期待, 而是會著眼在故事, 又或者是"玩"的概念上如何創新.
在我這個打機會mute BGM的人而言, 3A大作中我把"聲"的一項減了一半.
講笑甘樣講,  如果我又用陳年非高清電視 (或者1024*768的mon) 去玩的話....就更是什麼意思都沒有.
提起promotion...線稿以現在的game magazine / blog而言太多, 用小妹妹缺promotion更不是我杯茶 , 最後是我自已會去睇youtube片再決定自已入唔入.  

這個玩具熊打完3集,
對我能說得上創新的地方是當中有限度性的求生, 比如不能用武力, 而是鬥智+鬥機會. 主打壓力+純恐怖而非血肉橫飛類.
在當下以flash game的樣式 (應不是flash吧?) 的感覺也不錯.  我反而覺得好似<神魔>的一樣被人抄左一個中文版, 或者會幾受落.

@肥狗仔@

kl122002 發表於 2015-4-6 20:16
Naughty Dog的話, 我碰過The last of us 和舊少少的Uncharted (

冇喇，以前就話用flash整啫，哩家用哂engine搞，好多2D/3D都support。

有時啲game唔出名，質素高與否或者冇太大關係，換個角度係佢宣傳做得差，又或者話佢個質素/類型只能配有哩種定價/用戶群。始終由小遊戲做到街知巷聞的例子比起香港買樓果啲勵志故事要多，香港市場細，想靠片出頭，你仲要一個最出名的youtuber。外國市場大，多人講game，就算冇youtuber基本上都可以堵塞到哩類漏洞。

3A title到今時今日，畫面已不能作準，反而宣傳規模先係反映係咪3A級別。但事實上係咪真係3A，好多時都係玩家講，發行冇講，開發商都唔會講，問佢都答唔到你。上youtube睇片大家都會，咁係咪咁多game用女model黎做賣點?我見到果啲絕大部份都係啲online game/mobile game。而據我經驗，哩啲game好多都係內容比唔上model吸引，而更重要係哩啲game在console上係幾乎冇點出現。所以一有女model做代言，連filter都唔洗開已經可以pass。將純粹的女model宣傳同indie game或者console上的3A game宣傳比較其實好難有結論。至於game書，只能夠話internet趕絕咗哩一行，在外國好似GameInformer/EDGE哩類叫做有獨家新作preview的仲叫做有啲生意，本地game書copy得黎我都上網睇哂喇。

其實一隻game成唔成功，idea唔係最重要，最重要係佢持之以恆做到出黎。當然，鍾意遊戲性多啲定獨創性多啲純粹個人口味，可以的話最好兩樣都有。但世事往往係厚此薄彼的佔大多數。在小學生時代，成日上網打機，多啲創意小品我唔驅啊，但大大吓，你一隻game始終唔平，仲要得個創意冇咩內容，一係就長而重複，一係就短而過於一本道，再好的遊戲都難免遺憾。

打機始終與睇戲唔同，我唔會話太側重在故事，那怕係最輝煌的PS2，其所謂經典大作，故事好嘅真係數得出，唔算爛已經執到。反而關卡設計，節奏，同gameplay對我黎講先係關鍵。打機去到最後講緊都係份滿足感，老實講因為創新的game concept而令我感到驚喜的有好多，但令我滿足的遊戲，即使唔係3A大作，都係可以玩上8~20小時的常規遊戲。暫時黎講WiiU都比到我哩種滿意，因為佢除咗有玩法新穎的遊戲，亦不乏內容豐富的大作。

3A game係要玩，但若果一玩就係Assassin's Creed / Watch Dog哩啲，只能夠話係不幸。個人以往好怕哩樣野，哩家有返多少經驗，就算係所謂3A大作都有能力精挑細選。