我們的電視劇主題曲撈飯回憶！

文次郎

唔知係唔係聽開有條癮，大把主題曲都想聽！AMY姐姐，嗰首麗的電視劇《我要高飛》，可惜自己keep個盒錄音帶都保不住，被水破壞咗！聽《俠盜風流》母帶版都好啦

thomasl211

文次郎 發表於 2016-9-7 16:47
唔知係唔係聽開有條癮，大把主題曲都想聽！AMY姐姐，嗰首麗的電視劇《我要高飛》，可惜自己keep個盒錄音帶 ...

真心係有好多回憶，亦原來仲有甘多師兄記得這些陳年主題曲！

俠盜風流係麗的保住"天蠶變"的奇招，擺明同無線秋官楚留香對著幹！

由於版權問題，成套戲都唔可以用楚留香小說的人名.......

陳秀雯一首驟雨中的陽光都令佢開始上位，真係好好聽！

題外話多謝文次郎兄的分享，無獨有偶，秋官係歡樂今宵有一個角色叫

文秋郎，正正係兄台的A貨！哈哈！

文次郎

thomasl211 發表於 2016-9-7 17:48
真心係有好多回憶，亦原來仲有甘多師兄記得這些陳年主題曲！

俠盜風流係麗的保住"天蠶變"的奇招，擺明同 ...

俠盜風流 係想爭收視，而草草拍咗幾集，最後高層都認失敗，而陳秀雯演武林高手的女手下，真不起眼；家燕媽媽，有場河邊出浴戲，完全無嘢睇……

嗰首驟雨中的陽光 是 曾路得 原唱，後期自己再唱番！

哈！這個化名，文次郎 都係取自七十年代歡樂今宵 內的短篇趣劇人物，秋官有首歌都係這個歌名 (紋次郎)！

多啲上來76大家談談，消磨時間都幾好！

thomasl211

文次郎 發表於 2016-9-7 18:12
俠盜風流 係想爭收視，而草草拍咗幾集，最後高層都認失敗，而陳秀雯演武林高手的女手下，真不起眼；家燕 ...

係喎！係曾路德原唱，佢只係主演，記錯哂添！

都係文兄心水清！我地細時食飯煲電視劇聽主題曲係家常事！

但大人都係鐘意睇無線！要睇麗的或者佳視，係要過

五關斬六將架......太夜的節目亦一定無份睇！因第朝要翻早學!

好似小旋風文次郎都無勿點睇過......(當時係米係歡樂今宵度播！)

有都係睇翻後來的重播！

tlsk

thomasl211 發表於 2016-9-7 18:36
係喎！係曾路德原唱，佢只係主演，記錯哂添！

都係文兄心水清！我地細時食飯煲電視劇聽主題曲係家常事！ ...

我淨係記得文次郎成曰咬住枝牙纖....

thomasl211

我係一個hifi發燒友，唸翻轉頭，

喜歡聽歌......全因電視主題曲開始

因為電視劇受歡迎連帶主題曲，我老媽

走去買左部三洋單聲道卡式錄音收音雞來聽歌！

她當然興高彩烈去買卡式帶......

第一餅係羅文先生及汪明荃的圓月彎刀，

背面有蕭十一郎......呢餅係正版，後來在

裕民坊車仔檔又買左餅翻版無線電視主題曲大全

(好多年之後，我先知道呢d翻版卡式帶原來係搵第

d人扮原唱，真係比佢欺騙左好多年！)

呢餅帶最鐘意當然係飄零燕、彩虹化身俠同世界真細小......

(甘仲係兒童的我，當然係鐘意兒歌！)

但其他歌一樣可以朗朗上口！

猛龍特警隊、王老虎搶親、無花果、乘風破浪等等！

呢餅帶聽左好多年，宜家唸番起，最鐘意係呢首......

『是他也是您和我，同相親相愛也相爭，大家偶遇在人海.......』

文次郎

thomasl211 發表於 2016-9-7 18:36
係喎！係曾路德原唱，佢只係主演，記錯哂添！

都係文兄心水清！我地細時食飯煲電視劇聽主題曲係家常事！ ...

唔係，係香港成長，都會記得這些電視劇和主題曲點點滴滴。

講開電視，我家部電視成日壞，記得當時有位哥哥是修理電視，他找到睇得到的電視，會帶到我家，但次次都唔夠幾天又壞咗，所以，當時有好多電視劇零碎咁在腦海中。

佳藝電視，當然係想起 俏黃蓉(米雪演)啦，可惜TVB找周梁淑怡買咗版權，而存片廠(為打激麗的)，曾經發生大火，傳說話燒咗，如果係真的話，真係萬二分可惜！至於，另一套《神雕俠侶》蘿蘿暖和大眼女 (羅樂林和李通明)，在十多年前經典台重播，有幸錄回整套，久不久會看看。但我都係喜歡《射雕英雄傳》，無人取代米雪演活黃蓉一角。

當時香港社會多數是早睡早起，唔會咁多夜生活，做父母自然會大人睡、小孩都會睡……

文次郎 趣劇，在無線大寶藏看過啲片段，現在找不到，有機會，大家分享吓。

文次郎

tlsk 發表於 2016-9-7 18:50
我淨係記得文次郎成曰咬住枝牙纖....

當時紋次郎咬住支竹籤，係扮嘢秋扮有型，當時，同佢做對手啲藝員，都會攪攪震拿咗佢支籤，當笑話咁出街……

thomasl211

歡樂今宵趣劇係為鄭少秋度身的文(紋)秋郎

http://www.tudou.com/programs/view/KkyVPgrCMBM

日本配音片集小旋風紋次郎(片頭)



小旋風紋次郎初遇膏藥佬

唔知有無聽錯配音......

(譚炳文係老闆、丁羽係紋次郎、盧國雄係膏藥佬！)

tlsk

thomasl211 發表於 2016-9-8 12:30
我係一個hifi發燒友，唸翻轉頭，

喜歡聽歌......全因電視主題曲開始

湯瑪仕兄,當年你媽咪應該就係用呢餅帶泥毒你,你先至有今日....