都係正板好

乙型

【本報訊】高清 Blu-ray藍光影碟在港逐漸普及之際，有內地影音店近月推出包裝精美的變種翻版藍光影碟，部份港人不虞有詐誤當正版。本報日前在內地購買該等影碟予影音專家測試，踢爆有關影碟是將全高清影音訊號大幅壓縮存放在 DVD光碟，經壓縮畫音遠遜於正版。香港海關表示，最近行動曾零星掃蕩該等變種翻版 Blu-ray，海關會密切注意事件。記者：蔡朗清
影音發燒友 Peter（化名）喜歡購買 Blu-ray影碟，愛其1080p高清畫音質素，每隻售價逾百元。他最近到深圳華強北路影視店，發現場內售賣 Blu-ray影碟，售價人民幣50元，由於包裝精美，他以為是內地正版 Blu-ray，購買回家播放發現畫質不及在港購買的清晰，才知買了翻版碟。事實上，近月本港討論區熱烈討論深圳、東莞發現翻版 Blu-ray，畫質較 DVD清晰。

藍光播放機不能讀取本報日前在深圳影音店巡視，其中一間擺放藍色膠盒的藍光影碟，外表與正版無異，片種中外電影及演唱會俱全，如劉德華07演唱會、周星馳的《長江七號》等，售價人民幣48元。記者向老闆查詢，對方強調是真正藍光影碟。但經記者追問，他才說是翻版藍光影碟，又說畫質與正版無異。
記者購得多隻翻版 Blu-ray，昨日予本身為亞洲高清協會幹事的影音專家李柏權測試，發現一般藍光播放機不能讀取該等影碟，再轉由 PlayStation3播放才成功讀取，畫面顯示所謂藍光影碟只是 DVD光碟，但格式卻屬高清格式 AVCHD，而解像度達1080i。
李柏權解釋說，不法商人破解了藍光影碟保護編碼後，將1080p全高清畫質壓縮存入 DVD。雖然影像達1080i高清級數，但因為 DVD容量較藍光碟少得多，數據傳輸大幅下跌，畫面出現不少雜訊，高清音效欠奉等，「特別係黑位，見到一撻撻。追求高清畫質消費者根本唔應該買呢老翻。」
海關版權及商標調查科署理監督李金強昨表示，在近期打擊翻版行動中，發現有該等零星藍光翻版碟，但未成氣候，海關會密切注意情況。http://hk.apple.nextmedia.com/news/art/20080921/11625391

(Post76 Android 手機版送出)

Hon

內地買到正版既機會係微乎其微, 報道入面條友咪扮野啦, 仲話影音發燒友.

jc2ssych

「相信未作氣候」唔係搞笑掛? 我估佢係講「賣正版難成氣候。」

我舅父在內地工作，佢都想講究吓。但實在要返香港先買到正版。

而且一街都係老翻，好容易令人忘記甚麼是正版。

做個比喻，正如上得東莞多，啲囡囡花多眼亂，要堅持唔做壞事相當難。

（利申，我從未上過東莞...... ）

jc2ssych

再者，要1080p真係好簡單，常常等巴士搭地鐵都聽到啲哥仔，同啲 friend 話上邊條link邊條link又有新片，全部都係1080p。在呢個世代，講盜版講到自己專家似的仲要咁自豪，真係好折墮。  

買個電腦芒，或大電視，加部player 夾埋幾千銀就有交易。享受1080相對地係可以好平。

佢地唔似群組內眾師兄(包括我)，最起碼6隻＋部amp 洗 4-5 萬。

只能說，部份買翻版人士無要求，自願降格。咁無計，資本主義社會，消費者真係大Q晒 / (或自以為大Q晒)。

但我個心唔舒服係，有啲傻仔9up當秘笈。download吓又話自己玩影音。
玩影音係靠 資金 同 學識，兩者兼備先玩得開心。

聖誕都過了，自向各師兄拜個早年，2015年快啲轉晒架生玩鴨毛。

關大爺

正版幾時都好過老番

scarface

無錯，翻版除左一個平字，無乜好！

teddyng637

支持正版！！  

Hon

要有個概念就等同出街睇戲一樣, 好多人都話等睇老翻, 好啦, 咁如果無人拍戲, 咁到時真係老咩翻呢?!?!?
要有呢個諗法至可以解決到唔係咩都等老翻呢個問題, 正如我成日同人講既真人真事, 有個女同事知道某部遊戲機無得玩老翻, 佢反而話返我: 咁梗係唔玩啦.

所以而呢D人去改就一定要有返呢個概念至得, 否則唔好話大陸, 世界各地既人都只會一直走唔出呢個問題, 不停重覆老翻點老翻點, 其實你各人既問題至會出現呢樣野.

關大爺

scarface 發表於 2014-12-27 10:51
無錯，翻版除左一個平字，無乜好！

有,快有得睇

關大爺

teddyng637 發表於 2014-12-27 11:01
支持正版！！

支持正版x2