【Post76台慶月壓軸遊戲 -《無聲的戀愛》微電影】(結局編)

Near

留位 按錯 EDIT左先

     
     

Near

前幾日去左旺角但係搵唔到黑色機  只有一部粉紅色機 入面沒果條片
只好先試 音質同操作

隔幾天經過另一間分店終於找到MV了

一.表白內容 : 無聲的戀愛不怕失敗 I just wanna stay with you

二. Angel 看完Tangent拍的MV之後 立即面紅 表現緊張
     Tangent 十分體貼咁講 知你仲要番工
      我仲拍左條錄音係張卡到 如果你都對我都有感覺 就聽埋段錄音啦
     之後Angel 聽完段錄音 原來Tangent準備左係夜晚十一點 一間Starbucks見面

     Angel 決定赴會 原來Tangent 係Starbucks 準備左樂師 仲即席 唱"Stay With you tonight"
     之後Angel 同Tangent 就係埋一齊



三. 試後感
    小弟好少去寫Review 今次係首作

    一向都有留意Sony的音樂播放器 Sony 一向比我的印象就係耐用 忠實 易用  今次A10系列都唔例外
    以下係小弟的試後感

    使用耳機: AKG K3003 (簡稱K3K3)
    播放器: 粉紅色  Sony Walkman® NWZ-A17 (簡稱A17)

    測試曲目: 自備SD卡 24bit flac 謝安琪 "我們都被忘了"
                       16bit wav  胡琳   "冬至"
   
     1.先從外形 及 操作說起

        我覺得一部播放器係一個水準的音樂品質上 最重要就係操作體驗同埋 外形體積
        試過粉紅色同黑色機 第一眼望上去係估唔到咁細 比睇相仲細 造工十分纖薄 金屬面版 更加耐用的感覺
        仲有幾隻色選擇更加適合年輕人 因其他品牌只會推出一種顏色

        而且外形十分時尚 仲用左金屬面 看上更加耐用. 屏幕放出歌曲 COVER 也在水準之上.
        UI 今次只能使用實體鍵去操作用 選擇文件夾的方式 雖然現在流行Touch
        但整體上都不算難用 試左1分鐘左右就摸熟操作了(選曲 播放).
      
     2. 音質 及 音樂感
        
        AKG K3003 係一隻低阻 高靈敏度的耳機 表現直白 很看播放器

        若播放器控制不好 會出現如電話等很容易出現的 "底燥聲" 及 過多"齒音"
        但 K3003 跟 A17 的組合 並沒有出現底燥此問題 某些齒音也被修飾
        既然A17支援 Hi-Res Audio 當然找24bit 曲目來一試

        試 謝安琪 的 "我們都被忘了"
        "音質"上 K3K3+ A17播放24BIT曲目 (對比其他播放器)
        分析力 同 層次感 都有一部音樂播放器應有的水準

        反而 係音樂感上 A17+在k3k3下表現 呢首歌既 慨嘆同無奈既感覺
        值得一讚 A17沒有過多的音染 反而有音樂感 同 動態
        

        再試 胡琳 的 "冬至"
        
        因為 曲目是使用Analog 去錄音 人聲溫暖
        呢隻歌 係形容 失戀既感覺 抒情歌

        前奏的音樂 表現到果種空靈既感覺

        到歌詞
        
        "話我知　有哪項事情是有始沒有終"
        "不發夢　便會懂　沒傷口　便止痛"

        係K3K3既中高頻表現下 配合 A17
        並沒有那種過份正白既感覺 而係帶有感情
        
        因為後面有人等候試用 所以試到一半就讓人了

     
      3. 整體黎講 A17係一部 音質忠實 無過份修飾 既播放器
         而音樂感 上動態 同 感情係比到你既

         插上旗艦高分析力既耳機都 應付得到
         而外形 細部 好方便放入褲袋 更可支援micro sd卡 擴充容量方便

         個人認為送比女仔一流 粉紅色好吸引

tomyan112

1.) 無聲的戀愛不怕失敗. I just wanna stay with you !
2.) Angel對mv的回應:
Angel: “死喇, 比你影到我係度偷懶聽歌添 !”
Tangent: “我唔係咁既意思, 我見你聽到好投入, 所以就不其然咁影低左…”
Angel: “如果比經理睇倒就唔得架喇, 我唔理, 我要充公個MV.” (微笑)
Tangent: “好..好..好.. 我比張 microsd卡你, 你唔好嬲 !”
Angel: “咁我就幫你 keep 住張卡, 等我番去 delete 曬d罪證, 你聽日再黎過, 我到時還番張卡比你!”
第二日, Tangent 滿心歡喜, 唸緊等陣女神會同自己講D咩. 可是, 他在 Sony Store 內找了又找, 結果還是找不到 Angel, 於是他就問了其他店員, Angel 今天為何沒有上班的 !? 她明明是約了我. 店員聽後驚訝地說, 這裡沒有一位叫 Angel 的店員. Tangent 說這怎可能, 你看她的 MV , 當他在 A17再次打開 MV 的時候, 片內的 Angel 竟然不見了, 他之前拍的都只是店內的陳設. 此時, 原來無聲的MV 卻响起了麥潔文的夜夜痴纏….. (驚….完)

3. ) NWZ-A10系列這麼纖細的機身, 就擁有Hi-Res高解析音訊的播放功能, 還新增了MicroSD記憶咭插口, 所以今次特意帶了一張記憶卡, 內附幾首由黑膠唱片轉成的192kHz/ 24bit 無損音樂格式檔去試機. 試聽的A17一開聲, 人聲的確相當圓渾, 聲音保留了SONY一貫溫暖甜美的風格, 讓人驚訝的是, 連黑膠獨有的炒豆聲都聽得十分清楚. A17對音樂的還原力確實非常強大, 聲音演繹得很忠實, 細節清晰, 而且聽不到背景噪音.
特意開啟了A17的DSEE HX 音效, 試聽一些MP3曲目, 毫無疑問, 歌曲的高音立刻亮了很多, 音樂的動態提升了不少, 也減去了MP3一貫扁平的數碼味, 聲音更為舒服自然. 此時, 看到旁邊的新品XBA-A3, 當然也不放過, 即時接上A17, 點播了一首Adele 的 Rolling in the deep, 歌曲開首那段震撼的低頻真是一浪接一浪的湧進耳朵, 空間感很廣闊, 而且激昂的部份也發揮得相當淋漓盡致, 這就是S-Master HX的威力吧! A17搭配圈鐵的XBA-A3實力確實不可少覷, 聽感絕對讓人大滿足 !

countryboyhk

tomyan112 發表於 2014-12-14 16:27
1.) 無聲的戀愛不怕失敗. I just wanna stay with you !
2.) Angel對mv的回應:
Angel: “死喇, 比你影到我 ...

師兄, 你做咩 COPY FB 參賽者既回應, 咁對人地好唔公平啫   

luka1122

1.
無聲的戀愛不怕失敗 I just wanna stay with YOU !

2.
看完短片後Angel一邊整理黑色A17傍的粉紅色A17並問道
"Tangent,你知唔知咩野係Hi-Res呀?"
Tangent回答"我知呀係一種192kHz/24bit或以上格式,去追求更貼近原音既音質"
Angel放下手上的紅色A17再次問道
"咁你又知唔知有咩比佢更清既音質呀?"
說完Angel笑了一笑便轉身向櫃台步去
Tangent看著Angel的背影想了一會便大聲叫道
"Angel ! 我愛你呀 ! "
Angel聽到便回頭笑著說
"Tangent, 你睇下部粉紅色A17既播放清單丫"
Tangent拿起粉紅色A17向機內的播放清單一看
1.笨蛋
   金莎
2.我
   張國榮
3.喜歡你
   Beyond



3.
從機身說起
A17機身十分輕巧且具有多種顏色,適合時下追求音質但又怕機體重的年輕人
而且拿上手手感不差,可看到SONY對此曾下過一番苦功
最後要大讚的是A17是SONY首次於PLAYER上加入可插卡設計
令愛聽歌者不再因容量所限要定時作出取捨

於音質而言
A17有著SONY一貫的自家音染,雖不及以往A系例所濃郁但也別具風格
A17音場大小適中,再加上自家音染所帶來的暖聲,包圍感十分好
而三頻中,A17低音較為突出,而人聲厚度適中,十分適合用作傾聽時下的流行曲

最後推力方面
A17推力不算特別大但用作推動三,四單元耳機已十分足夠
而推動耳筒方面,一般入門級耳筒亦能足夠應付

相信A17此機能帶領一眾年輕人進入Head-Fi世界

alleeada

1.  Tangent對Angel的表白是...."無聲的戀愛不怕失敗　I just wanna stay with you"

2.  Angel的回應是：

驚訝又帶著驚喜的Angel：拍得好靚呀, 多謝你。
Tangent：係呀！我用Sony ４Ｋ 攝錄機拍攝的, 有超高解像度。就好似你介绍的A10系列有高解釋音樂播放器一樣。
帶着面紅红的Tangent：當然要有好的sources（儍儍地笑）
甜甜一笑的Angel：你好似對我地Sony產品好熟悉喎。
非常緊張的Tangent：其實都唔係太熟悉，咁.....你可唔可以比機會我再熟悉一下你....同Sony既產品？
微笑的Angel：我地好歡迎客人來任何一間專門店試用了解Sony產品。而其它事....我唔方便係上班時間答你喎。
失望的Tangent：咁又係…....其實係我唔啱嘅。
佻皮的Angel：呢張係我既咭片，或者我地可以係工作時間以外—齊熟悉—下Sony既産品。
失已復得的Tangent伸手接過Angel既咭片，大家相對而笑。

3.  Sony A10系列Walkman音樂播放器的試後感

a)  外觀篇：
終於有一部又靚又輕巧既DAP，雖然高解釋的音樂播放器在市場有很多選擇，但一般都係黑色又大大部。而Sony A10系列有多種顏色完全滿足到要靚要型又對音樂有要求的女生。 纖簿輕巧的機身帶出街完全無負擔，而且金屬機身也给我一種很Pro的感覺（帶出街用當然要型啦，哈哈）。

b)  功能篇：
本身用開Sony手機、SBH20藍芽耳機、同智慧手環，我就勁愛A10的NFC功能，一拍連結播放，不用左按右按connect，坐車聽歌都唔怕miss call。而且A10系列除左內存容量仲可以插micro SD Card， 對於三心兩意又要睇心情聽歌既我，只要將不同種類既歌寫入SD card，出街前插入A10就搞定，放便到暈。

c)  音效篇：
當日我係銅鑼灣Sony專門店用NWZ-A17試聽了５首不同格式的歌曲，而耳筒我用了慣常帶出街的AKG Q460。
Eagles-Hotel California (FLAC 24bit-192KHz)
Norah Jones-Don't know why (FLAC 24bit-96KHz)
張學友-偷閒加油站 (ALAC 16bit-44.1KHz)
Lady Gaga-Poker Face (AAC 16bit-44.1KHz)
SONY 贈送的林奕匤-高山低谷(WAV 24bit-192KHz)

Hotel California—開始的結他聲非常清晰、層次分明，音質還原度及反應良好，鼓聲落下的那一刻低音有驚喜，保持Sony低音十足的個性。不像其它品牌手機播無損格式時，低音全沒了，感覺不到低音的震撼。Don't know why 的人聲甜美包圍感充足，高音部份圓潤沒有毛刺感。而學友清唱的偷閒加油站，空間感十足音場廣闊，人聲細膩連震音同輕微換氣聲也聽到，可惜我忘了帶王菲的天空，真想試試天空那種空靈感 。Poker face是我常聽的aac格式pop song，整首歌的音樂感比我用開的nano豐富很多，音樂更solid，而最明顯的是一開始的3段電子琴，用nano時常聽到的燥底及毛刺，用A17播放明顯少很多也順耳得多， 應該是S-Master HX同DSEE HX提升了aac的音質。最後試聽wav的高山低谷，這首歌给我的感覺是震撼，聽過mp3再聽wav的版本，發現完全是兩碼子的事。如果朋友問我Hi-Res同mp3,aac的差别，我會説Hi-Res完勝秒殺mp3,aac，當中差别只要試過"高下立見"。

最後也是最重要的是....A10系列的入門機A15才$1,580，而64G版本A17也只是$2,380。以呢個價錢買到Hi-Res Walkman超佛心啦，其它DAPs起碼要一萬幾千呀！

teddyng637

《一》 無聲的戀愛不怕失敗 I Just Wanna Stay With You


《二》 Angel 睇完 Tangent 突如其來的 MV 之後，心中若驚若喜，驚：為什麼一直被人偷拍而不知？對方係個咩嘢人？好驚唔知講咩嘢回應；喜：居然有一個人那麼留意自己，自己的一舉一動的人、一談一笑在那個人都留意住自己。自己發現自己開始有點不知所措嘅感覺。在這一刻 Tangent 突然向 Angel 表示愛意之餘，他更對 Angel 作出一個承諾，問 Angel 可否做他日後的女主角，亦是唯一的女主角，令 Angel 有如做夢的感覺，但只怕他一時沖動，所以提出先做朋友三個月，三個月之後再作決定，Tangent 為証明對 Angel 的決心，三個月風雨不改去接送，又承諾不阻礙 Angel 工作，轉眼間三個月過去，Angel 終於被 Tangent 感動，最後由朋友發展成真正的情侶。原來一段真正的愛情就是 - 『無聲的戀愛不怕失敗 I Just Wanna Stay With You』！！


《三》 首先，自己一直對 SONY 嘅音樂播放器產品都十分支持，由 Walkman年代到 Diseman，一直到現今 Hi-Res Audio 年代。有一日途經Sony Store 專門店，入店見到一部 Sony A10 系列 Walkman® 音樂播放器，一試難忘。無論在高解析度音樂、外觀質感都大大提升，再加上援 WAV、AIFF、ALAC、FLAC 等多種無損音訊格式，同時把雜音及失真情況減至最低，而自己對 SONY A10最感興趣的一環，就是部機加了MicroSD 卡槽，可以張記憶卡擴充容量，真是一個較好的設計。所以 SONY A10 集合咁多好的功能和質數，真係好想擁有一部。

SamSuen

1.無聲的戀愛不怕失敗  I just wanna stay with YOU!!

2.Tangent:我好鍾意你呀,Angel…….
未等Tangent講完，Angel便插咀
Angel:其實………….，你知唔知我其實係一部非常特別的MP3機，就係我嗰耳機接駁位唔係一般平常用開凹入的母頭，而係凸出的公頭。你既然成日黎試A10，你都係買返用母頭接駁耳機的A10吧。
Tangent唔明Angel的暗示
Tangent:乜有MP3 咁特別架咩？可唔可以俾我睇下呀？
Angel:乜你咁都唔明架，我唔鍾意男仔架！
Tangent聽到後沒有出聲，只是把A10播放了一首MV，這MV是蔡依林的新歌《不一樣又怎樣》，蔡依林跟林心如兩人在MV中穿上白紗，扮演一對女同志情侶。
Tangent:我梗係知你唔鍾意男仔啦，所以我才向你表白。我雖鍾意打扮成男仔，但我真係女仔黎架，讓我們《不一樣又怎樣》吧！


3. 等了又等，A系終於有新作推出啦！我部A846後繼有人啦，啲WM-PORT線仲可以繼續用返~
首先講講它的外型，它跟A846一樣輕巧但較為修長，而且按鈕也是非常分明，即使是放入衣袋進行盲操作亦不會按錯。而且仲加入咗藍芽，NFC同支援MSD咭令使用時更方便。
用A17來試來播放衛蘭的”離家出走”，覺得A17的人聲處理有點偏厚，少了一些甜膩，而衛蘭的聲音非常晶瑩剔透，高頻延展不錯，而略厚的人聲反而更具有質感和光澤感。而且A17的解析力非常好，播放Hi-RES格式的音樂時能忠實地還原出歌曲中應有的音樂元素。
而A17的推力亦比我的A846好多了，同樣是退UE600，A17的音量比A846用小兩格，即使將來要換耳機，也不怕A17不夠力推。
最重要的是A17的持續能力，店員稱部機可以用50個鐘，相反起我部已經電池老化的A846(三日充電一次)，真係有好大的進步

PS.原本去試機影咗啲相，可惜部電話影完相就係街唔見咗。咁唯有POST我部舊機A846，証明我對SONY WALKMAN 忠心耿耿啦~

斯路

我發現Facebook活動專頁用戶Tom Chan將我未更新既版本照Copy當作自己作品參加呢個活動，對於如此唔恰當既行為我感到非常失望。希望用戶Tom Chan自重。我已經有Cap Screen並通知76有關單位，希望該用戶能好好尊重其他人並且守規矩。

may

1.無聲的戀愛不怕失敗 I just wanna stay with YOU !

2.Angel拿起A17示意Tangent以耳機聽，歌名你知道我在等你嗎? Tangent 與Angel蜜運一段日子後突然失去Angel之音訊，手提電話已停用！心急如焚的厚著臉皮去Sony Store找店長，店長說:Angel 上星期突然辭職離去，請問你是？
Tangent答:我是Angel 男朋友Tangent.
店長說:啊！Angel講低你一定會嚟找她，她留下一盒物件給你，稍等，我攞俾你，Tangent即拆開用火漆封著的心形盒子內有一部Sony A17, 一個Sony耳機，他以耳機連接A17聽到Angel之留言，愛郎！請原諒我不辭而别！與您這段感情是我人生的初戀！好甜蜜！好温馨！遺憾的是我不能與您繼續再愛下去！我真正的身份是強國特務，外號'天使'，由香港有三個人提出要佔領中環開始，我已被委派以Sony全高清攝錄機偷錄佔領人士作為記錄，收集情報，告訴您一個秘密，那個姓黎的富有出版商真正的身份是某國特工，幸好現在佔領行動已開始被清場，不幸的是我們之戀情被其他特工報告上去，我是禁止談戀愛的（像Star Wars的Jedi，Anakin Skywalker一樣！）但被禁止的戀愛卻更加可愛，我收到通知假如不與您分開可能會對您有所行動！我不想愛您變成害您！我唱的這兩隻歌代表我心聲！鄧麗君之再見我的愛人，羅文之留給這世上我最愛的人，聽完Angel唱的這兩首歌後，Angel說當您聽完歌後會自動毁壞，永不能被修復，跟著噗的一聲！部Sony A17冒出輕微白煙，只剩下在Sony Store椅上呆坐的Tangent.

3.作為女性自然喜愛玫瑰粉紅色，便攜性高，配置一個Plantronics Back Beat FIT納米防汗技術藍芽運動型耳機，跑步或做其他運動時享受好多，顯得活潑動感，咁輕巧，放在手袋內完全不覺增加重量，配套一個Perfect Sound S101有Swarovski 水晶紅色之耳機，青春時尚，In得來又fashion.
睡覺功能適合我以音樂幫助鬆弛入眠，顯示歌詞功能增加聽歌樂趣兼練習下次唱卡拉OK更純熟，A17有不同之音效效果可供選擇，音色細膩，
S-Master HX Digital 放大器能準確地處理大量的廣闊頻寛音訊數據，將雜音及失真情況減至最低，但屏幕只得2.2吋觀看video和照片太細了，我覺得低音表現很好卻沒有蓋過清晰之人聲，暫時是世界上最輕巧細小的高解析度音響播放器，機身厚度僅得8.7mm,重66g，我希望張學友及劉德華等快些推出24bit/96kHz 歌曲，減低全部頻率範圍内之噪音及干擾，FM收音機方便我星期一至五晚收聽恬淡情懷（懷舊英文金曲)與音樂情人（經典中文金曲），A17 能夠透過iTunes來管理檔案，好方便啊！比我用慣手機聽歌之音質好好多，小女子亦覺操作簡易，A17 令我感覺將發燒音響放在褲袋裏，可隨時隨地感受高解析度音樂帶來之享受!