【Post76台慶月壓軸遊戲 -《無聲的戀愛》微電影】(結局編)

斯路

今日到SonyStyle睇左，唔使再咁吊癮。

1. 無聲的戀愛不怕失敗 I just wanna stay with YOU



2. Angel睇完Tangent條片之後笑到非常甜，卻又隨即胹腆羞澀咁樣交左部A17同埋耳機Tangent。Angel係音樂檔案裡面搵到一個叫做"To the Very Special One"既File，係Angel放左入去部A17入面一段自己錄底既錄音。

Tangent戴好左耳機之後，Angel按下播放鍵，播出Angel溫柔但又含羞待放既，又進又止咁講：「希望成日過黎試機既你會聽到呢段錄音。其實每次上黎見到你我有種特別既感覺，會緊張，又會諗你會唔會黎搵我問問題。如果你聽到呢段錄音之後，會唔會黎搵我呢?」

聽到呢個錄音既Tangent即刻心花怒放，四眼相投投得眼波秋秋，兩人眼中都只係得大家。



3. A17操作以及大細都令我相當滿意。但最令我感興趣既會係佢續航力強之餘，推力並唔細。

我試用EarSonics SM3V2耳塞去試聽自己帶去既SD卡入面既歌，Sony本身聲音特色同SM3V2都有有意思既化學作用，樂感濃厚，而A17使用左唔同既音效效果亦相當有趣，我隨手調一調之後低頻加強之餘，音樂立體感亦有進步。

至於作為最細小既Hi Res播放器我就當然要好好測試一下。我帶去既SD卡入面部分專輯有16bit以及24bit兩個版本，A17能夠表現到兩者既分別，真係機仔細細但不能小睇。

A17細小既體積，舒服襟聽既Sony聲底，加上可插卡既設計，A17係一台值得擁有既player。

小爾

初頭去到睇第一部A17個陣都未搵到答案,原來....
1. "無聲的戀愛不怕失敗 I just wanna stay with YOU!!"

2. Angel睇完Tangent段片之後笑笑口,然後就講:「片就拍得唔錯剪得唔錯喇,但如果將而家無聲既變得有聲有色既話,唔知...又會唔會更加精彩呢?」

3. A17繼承左一貫Sony既設計,UI直觀而操控感非常好,再加上近年少有的輕薄設計,手感實在非常好. A17續航力亦十分好, 分分鐘係電話都無晒電既情況之下A17可能仲有電播歌,甚至連收音機都有,可以係唔知聽咩歌既情況之下聽下收音機都得! 而A17亦配備了Sony Walkman少有的Micro SD 卡槽, 細細部機仔仲可以expand memory,正! 播放方面亦睇到Sony為Hi-Res播放下既苦工, 試聽既時候以自己的SD卡上同一首歌既24/48及16/44.1版本亦有明顯分別,相信如果有原生更高解像度既檔案分野會更大, 而因為Hi-Res檔案一般也比較大,呢個時候就顯得expandable memory同可以插卡換卡嚟得非常有用喇!

moliu

昨晚聽ivo pogorelich前試左，俾俾答案先！


1. 無聲的戀愛不怕失敗

2. 女主角面紅紅，拎開一邊，男主角用手扶番女主角，深情對望，然後KISS KISS~~~

3. A17 大小適中，操作容易，又有4色可以選擇，牫用自己的SENN MOMENTUM試，好有現場感，各頻平均，非常討好！最重要係佢有得插卡（可惜我無帶），可以無限建伸，呢個係近年的趨勢，以2千多元的DAP來說，充分交足貨！

countryboyhk

最愛的 SONY A系列播放器終於回歸 ! 我又來參加, 答案如下 !

(一). 無聲的戀愛不怕失敗 I just wanna stay with YOU !

(二). ANGEL 的回應
Angel : “你又拍得我幾靚喎, 我無唸過我會咁上鏡架 ! (面紅)”
Tangent : “其實一個人只要專注做好每一件事情, 都可以感染到身邊既人 !”
Angel : “係架!?…..其實你聽開咩歌多 ?”
Tangent : “不如用部 A17 播比你聽.”
Angel : “都幾好聽喎 !”
Tangent: “係阿, 今次呢D歌都係原音, 全部發自內心架 ! 你啱聽既話, 下次我再帶多D比你聽 !”
臨走前, Tangent: “差D唔記得左, 呢張 MICROSD 卡, 裡面 SAVE 左你個 MV, 我想送比你做個紀念…”
Angel : “好阿 (面紅), 咁我咪可以比我個姊妹睇下, 佢下個月結婚, 都想揾人請教下點將個婚禮拍得好D.”
Tangent,Angel (同時): “咁, 我地下次….” (完)

(三). SONY A10 音樂播放器的試後感 :
很愛 SONY A系列的音樂播放器, 喜歡她在音樂播放的專注及簡易的操作。等了很久, 全新的 NWZ-A10 終於載譽歸來. 初聽一下, 是我熟識的聲音, 人聲暖暖的, 甜美得讓人溶化掉 ! 再細聽一下, 人聲為何變得如此清脆純正, 高音伸延性很不錯的. 原來 NWZ-A10 系列是搭載了最新 S-Master HX 數碼放大器，將干擾和噪音大幅減低. 換了一首快歌, 這次終於可以再次感受到 SONY 招牌式的震撼重低音, 而今次 NWZ-A10 的低音更為結實, 彈性更佳, 節奏感變得更為強烈.

愛聽音樂, 所以老早就將所有 CD 都轉成無損格式檔, NWZ-A10 今次展示了完美的進化, 提供了全方位的無損音樂格式解碼, 無論是我最愛的 FLAC 格式, 又或是其它192kHz/ 24bit 等高解析度音訊格式, NWZ-A10 都能極致地將原音重現, 十分享受 NWZ-A10 帶來高密度的人聲演繹, 清晰的樂器定位, 以及令人讚絕的臨場感 !  

NWZ-A10 的出現, 不單提供如此小巧便攜的機身, 已搭載全方位的音樂解碼功能, 還突破性地加入microSD 記憶咭插口, 令音樂可以無限擴充, 再配上超長的續航力, 完全可以秒殺市面上一眾磚頭播放器. 有了 NWZ-A10, 以後出街聽音樂就不用抬磚頭, 如此輕鬆的配置, 讓人時刻都能享受極致原音演繹.

小瑟

仲有5日, 我諗大家依家開始應該會谷D答案出來呢~~~

杜sir

（一）
無聲的戀愛不怕失敗
I just wanna stay with YOU!!


（二）
Angel看完Tangent為她拍攝的短片之後
- Angel（欣賞而感動的目光望著Tangent）: 其實條片拍得好有心思，亦拍得我好靚！
- Tangent（害羞的微笑）回應
- Angel（不好意思）： 但係我唔可以接受你架！
- Tangent（愕然）: 點解呀？
- Angel（不好意思）：因為我已經有男朋友呀，佢叫「小瑟」呀！
- Tangent（驚訝）：「小室哲哉」？
- Angel（甜絲絲）：係叫「小瑟」！唔係 「小室哲哉」，其實你都見過佢一面架！
- Tangent（莫明其妙）：我見過？
- Angel（微笑）：係呀！咪喺你當日上來，我介紹Sony Walkman NWZ-A17俾你無幾耐嘅時候，有位成熟穩重嘅男士過來問我想買部A10嗰位呢！
- Tangent（恍然大悟）：吓！原來係佢！
- Angel（不好意思而又帶點甜絲絲）：咪就係佢囉！唔好意思呀！其實你唔係我心目中喜歡嘅類型，我比較喜歡成熟穩重，始終有安全感多D！
- Tangent（有點失落）
- Angel（安慰）：唔好唔開心啦！愛情就好似同聽音樂一樣，有人喜歡聽明亮嘅高音、亦有人喜歡聽深厚嘅低音！
- Tangent（嘆氣）
- Angel（微笑）：唔好咁啦！你人又好又有心思，一定搵到一個又靚又對你好嘅女朋友！你應該戥我開心同祝福我啦！
- 鏡頭一轉見小瑟來接女主角Angel
- Tangent（無奈）只好眼見Angel甜蜜地拖著小瑟手離開
- Tangent 帶起耳筒按著Sony Walkman NWZ-A17開關制
- 鏡頭慢慢拉開，隨著奏起音樂
- 完


（三）
我個人覺得A17體積小巧便攜，操作簡易，手感好，而且推力亦相當不弱，我用Shure 535R作測試感覺有柔韌有餘，試用了二個A17預載模式，
一）DSEE HX高傳真數位音質還原技術：能將被壓縮過音樂進行高頻率訊號還原，音樂還原後感覺真的有所提升，聽MP3雜訊明顯減輕不少.
二）純音技術＋: 是本人最欣賞的，開啟此效果之後，不論低頻彈性表現確實有提升，聲音相當飽滿且富有立體感，音場立刻變得更寬廣，人聲細膩.
總結：A17有特長播放時間、加入microSD擴充記憶功能，加上造工精細的機身及多種顏色選擇，個人覺得性價比亦非常高！

甜鬆潤

1. 無聲的戀愛不怕失敗 I just wanna stay with YOU

2.
Angel望向Tangent，面有難色，正當Tangent打算放棄離開既時候，Angel突然開口。
“有間CAFE我想去好耐哪。。。今晚七點不如係過到等？”
Tangent 呼出一口氣，剛剛等待回覆那段時間緊張得連呼吸也忘記了。
“好呀，今晚見丫”

過晚Tangent係CAFE揀左一張可以望住入口既位置，一直等，一直等，期望下個入黎既人就係Angel, 但係，期待一次又一次落空。

Angel 失約了。

“唔通我聽錯，係聽晚？”

就係咁樣自己呃自己，Tangent等左三個無盡既夜晚。

去到第四日，Tangent覺得，其實Angel會唔會係未諗清楚呢？不如再去sony store揾佢？Angel 會唔會覺得自己好煩好痴纏呢？

Tangent故起勇氣，走入Sony Store，但係就無Angel既縱影。

一個貌似店鋪經理既人迎面走過黎。
“先生，請問有咩可以幫到你呢？”

Tangent見經理態道友善，變借此一問。
“之前你地有位女同仕幫開我㗎，好似叫Angel架，唔見佢既？？”

經理側頭一想。卻道出驚人答案。
“Angel 上個星期發生左意外，走左哪。。。”

“吓!!!!!”
Tangent 血氣倒流，不禁倒抽一口涼氣，再環顧Sony Store，竟見到角落一處Angel望實佢。Tangent嚇得落荒而逃。。。。。

Angel 一步一步行向經理。。。



















Angel 一步一步行向經理。。。

“經理，發生咩事呀？”
“點鬼知呀，依加咁多顛佬，我同佢講Angel上個星期有d意外，走左咋嘛。”
“過個係Angela呀，我先係Angel呀經理，同埋人地係家姐個bb係加拿大出左世人地趕住飛去探佢請假呀，你講到人死左咁！”
“呀。。。。。好似係喎。。。。咁佢話佢家姐係意外有左㗎嘛，都算意外啦。。。。。”
“過個男仔黎搵我架，我果日肚痛唔舒服，失左約，一直都等緊佢返黎，我去個廁所姐，依家就比你嚇走左哪經理。。。。”
“關我咩事喎，最衰都係你地兩個，你地改到個名咁似做咩姐！？”




3. A17 並無時下播放器既濃厚HIFI味，相反回歸原點，以追求音樂的樂感為主，聽感輕快而有趣，毫不拖泥帶水，同日系耳機有非常好既相容性，推力亦比我想像中要大，續航力據我所知非常唔錯，配備sd card slot亦無需再為容量擔心，設計非常sony風，講真，論設計已經贏晒國磚。
我認為A17係近期最值得購買既播放器，非之一。而音質or音樂，係決定買唔買依部機既主要因素。

fong1016

1.無聲的戀愛不怕失敗 I just wanna stay with YOU

2.
Angel：你信有一見鐘情？
Tangent：段片雖然冇聲，但你只要用心睇就會感受到我鏡頭係代表住我ge目光..
A：你始終冇答我個問題
T：arr...得講得咁有感情你聽唔出架咩？
A：咁你信唔信一見鐘情
T：明顯已經清楚表示係鏡頭之下
A：答非所問，又答非所問，做男仔就直接d啦，鐘意就鐘意唔鐘意就唔鐘意，仲有拍片你有冇徵求過我意見呀，我一定比你拍架嗱？唔怪得呢排硬係周身唔聚財咁啦，你知唔知我好忙架，你咁做對我好滋擾囉
T：你...點會咁架..同我鏡頭ge你唔同ge....
A：我唔洗返工架？我可以得失我d客咩，但係你而家唔係以客人ge身分同我講嘢呀，呢件事關乎我終生幸福，我緊係要表達我自己ge感受啦，而家一試就見真章啦，淨係鐘意我個樣，對我咩了解都冇學咩人鐘意呀
T:.......
A:過主啦
T:....(已崩潰）.點樣離開現場都唔知道了。。
A:.......真係一試就知道..一開始都提示左啦..雖然我真係有少少鐘意左佢..但咁易就放棄...唉.......
完

3.a17係一貫ge sony設計，好靚好岩手型，夠輕巧，唔似得某d播放器咁大部，雖然部機就細細部，不過一d都唔失禮
有好多唔同ge音效強化功能，不過因為我自身能力未足夠，唔可以好具體咁表達，但可以講到ge係開左音效功能一定係好大分別
不足ge係個人覺得容量有少少唔夠，如果全部都係無損檔案就會有d緊迫，幸好可以有外置sd卡呢樣由x1050就已經希望新加ge功能，所以呢樣不足唔係問題。
總括而言，A17係值得入手ge新型播放器。

iamsocheap

1. 無聲的戀愛不怕失敗 I just wanna stay with YOU!!

2. Angel睇完段片之後就對Tangent講︰「雖然你偷影我唔啱，但係你都影得我幾靚。咁啦，為左罰你偷影我，你今晚陪我食飯啦！」，Tangent又驚又喜，心如廘撞，連說話都口齒不清︰「咁，咁，咁我等你放工過黎搵你！」

3. A17回歸返隨身聽最初小巧輕便航續長的優點，而且係近年Sony 隨身聽少見的可插外置記憶卡的設計，仲有埋收音機功能，聽完歌想聽下電台都得，十分方便。
雖然唔係用近排常見的輕觸式顯示屏，但簡便的按鍵更得我心，即使不看顯示屏，甚至天冷戴著手套也能輕鬆操作。加上聲音耐聽，有動感有樂感，絕對能隨時給予你音樂的感動，再加上支援高品質的Hi-Res架式，無論係音響發燒友定係音樂愛好者的要求都有照顧到，個人覺得實在是用心之作。

76767

1. 無聲的戀愛不怕失敗 I just wanna stay with YOU

2.Angel : 段片又不得唔錯嘅 不過差咁d囉
   Tangent: 差d咩?
   Angel: 如果有聲會仲好d囉
   Tangent 揮一揮手 有隊管弦樂團入左來
   立即奏起婚禮進行曲
   Tangent下跪: will you marry me
   Angel 拖住 tangent 隻手: i will 不過我要日日都聽到咁有驚喜嘅歌架wor
   tangent:一定可以 我已經入左好好好好多24bit 嘅歌入部a17度 包你驚喜

3.a17 等左咁多年終於都有得插卡呢個功能 其實真係好吸引 同埋放棄touch screen 回歸傳統細細部 真係好吸引
呢加又尿袋又手機放褲袋多部player其實都幾辛苦
所以呢加細細部 其實我覺得好好
最緊要佢聲音質素又得果下先重要 唔洗洗大大部先好果dd
同埋d制真係放入褲一按就轉到歌 好方便
同埋佢價錢唔貴已經有hi res支援 最緊要可以襯埋我部z3c儲齊一套sony XDD