輕輕的我 , 追蹤著鴨毛~ONKYO TX-NR3030

qaz123 · 發表於 2014-12-2 01:01

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 qaz123 於 2014-12-2 01:05 編輯

呢個開箱自己等左兩年了...之前講過終於入左手

其實部舊AMP個搖控壞左好耐 , 自己亦懶 , 加上脫節左一排 , 冇乜研究加動力去換機 ,
所以唯有上黎76網參考下各位高手近機入開咩貨同點解~ 早上個月屎忽痕去參加左兩大品牌既試聽會 ,
再睇下其他師兄既用心比較既報告 , 先知原來大熱喺你 , 老老實實唔喺多得大家 , 根本唔知而家既器材邊部好,
買左張近兩星期先有時間搞 , 今日先得閒上圖 , 唔講太多直接去圖先~

先黎個鴨毛高射炮既開箱過程引下大家先~

主角出場 , 唔好意思 , 冷落左你...令你訓喺個氧氣箱咁耐, ONKYO TX-NR3030

重到訓街...斤兩十足啊

唔喺祖國製造...正~

人生第一隻鴨毛藍光碟~

買定離手...開~~~

保用證,說明書~基本野黎者

十年如一日既搖控,而家唔怕壞啦不過~可以用apps

等待被除衫的感覺...

除淨少少先~

霸氣盡現~

Spotify , 本身我都用緊 , 有埋就電腦就唔駛開, 正~

其中揀佢既原因

黎個正面先~

開埋個蓋比你地慢慢睇~

側面

機頂

睇咁耐,到誘人既後面啦喎~

脫左節,原來而家有3個hdmi out仲可以同步 , 仲有咩HDCP 2.2 , 聽到一舊舊唔知個sales up乜...~

條天線原來喺WIFI用..開頭以為收音機...

其中一樣最欣賞既原因 , 有前置balance out

終於明白點解上次去友誠...聽到個sales不停講粗口...原來佢讀緊英文不過又唔正...

屋企真喺放到咁多個SUB仔咩

準備新舊交接義式

屋企有蛇啊

部機要再做fine tune , 報告等年尾有心機又有時間先再寫啦~
不過用左今代佢個新乜Q音場咪做setup D聲出黎竟然喺可以接受...都勉強聽到雀仔喺頭頂飛既連貫性 , 抵讚~
整完 , 得番半條人命...雖然未TUNE好,不過有少少個人感想分享比大家,亦都喺點解我揀左O記3030既原因,希望黎緊更多人做鴨毛毒

1 . 加左balance out , 雖然得對前置 , 不過對我而言已經夠用 ,唔夠果陣可以駁兩聲道後級

2 . 11.2 channel , 咁多真心用唔晒 , 但喺用bi-amp之後都仲有7.1.2/5.1.4 , 好似冇乜牌子做到,起碼我買果日做research都未有

3 . 今代佢個新乜Q音場咪<--出黎效果再自己人手tune少少以經收貨~抵讚

4 . 雖然我冇用~點解請睇圖 , 佢個pure direct analog path(呢個功能好好,衰個個名太長) 令好多唔可以影音分家既師兄可以由AV AMP 享受到兩聲道既效果~講真,唔喺以前買落部金仔同E仔...而家可能都用佢聽,A B Test輸唔遠

5 . $980換對高射炮,抵到爛,唔啱送比人都唔肉痛,有用心去向用家角度出發,GOOD!
講都唔明點解咁平其他牌子都唔做一對比客人,唔喺買左部機玩毛毛咩?~不過可以換兩對就更好

6 . 有好多人話佢熱,我去過不下三個場做個人手溫度測試(摸佢個面同底,大家都喺播完掃毒兩段之後先摸,幾間鋪D sales以為我搞搞震唔會買) , D記今年仲熱過佢 , 尖咀星光行連鎖店/旺角最多果幢 , 唔信自己去試下

7 . 唔記得睇邊位師兄個回文,安記個用電量成千w,多其他牌子成300W,總輸出大唔一定好,不過個人認為細輸出一定唔好力~

8 . 梗喺多謝POST76既師兄啦 , 其中一位喺PAC師兄 , 雖然小弟冇機會去毒氣室參觀 , 但喺佢同某幾位師兄講既非常中肯 , 由我開始做research就見到多數人都講O記同Y記,咁我就倒轉由其他牌子一路比較,再加上日日去唔同地方試足兩星期,聽下唔同人講,最後都揀左O記 , 因為相比之下整體上無論功能同聲效都高一班以上 , 小弟做左CD ROM好耐 , 學到唔小野,真心多謝~!

9 . 客服個KK同另一位術人員都幾好傾,分別解答左我好多問題 , 感謝

10 . 唔記得講 , 平到貴機安記都有鴨毛 , 照顧到唔同客人 , 如果部部都8千起跳...真喺玩條毛了...

講左咁多好處,都有唔好既~

1 . 部機真喺好重..自己又細粒 , 自己攞腰骨都斷咁濟

2 . 機既外型同個盒好似好多年冇乜點改過 , 以為回到過去

3 . Atmos仲喺好新,建議喺可以多D喺唔同平台講解下點樣設定,方便照顧入門級玩家 , 雖然我都喺

最後老虎批埋就比錢~再慢慢等TUNE好,聖誕準備入對R50玩下 , 出年如果好彩上到車先諗天花SPEAKER , 而家諗住7.1.2先~

以上全部個人感覺 , (個人感覺,不喜勿插) , 多謝大家 , 祝大家早日去農場搵鴨毛