2014 廣州國際音響唱片展一日遊小分享~

windwolf447

由於之前買左第一批IFI iDSD micro 嘅關係，做左佢地iClub 嘅Member，正好呢個月廣州音響唱片展佢地有iClub
聚餐活動同大抽獎，大學又剛剛完sem，於是今日我就膽粗粗一個人走左上廣州睇show了! (好彩過到關姐，個職員望我回鄉證望左好耐……你懂的……)

呢個展係東方飯店舉行，為期3日。我去主要都係睇HEAD FI相關嘅野多，只係睇今日，即日晚上就走。



同香港個音響展一樣，都有送碟呢~


係2號樓度見到內地品牌xDuoo嘅展區，佢地都推出左自己的播放器，但我覺得個樣有幾分似ZX1……



睇過下2號樓展聽的唱片之後，我就走左去ifi的展聽了。我一直都對佢地新出的Retro 50 音響組合好有興趣，

首先梗係因為佢個復古靚仔look啦哈哈，而實物就仲加靚，個竹製外殼感覺好好。IFI依家愈來愈向多功能集於一身嘅產品嘅方向發展，呢點好唔好就見人見智啦，個人其實傾向想功能專一少少的……不過都詳細講下呢部產品吧，佢係一台可解DSD的DAC，亦係膽機，可以出耳機同做喇叭amp，有每邊25W的輸出功效，耳機口就係7W輸出，佢同時又可以做MM/MC
Phono Pre amp，連接方式有Rca, 3.5mm，USB,
COAXIAL，光纖，仲有藍牙，可以調高音低音eq，亦有3D音埸同Bass增強功能，真係你講得出嘅功能佢都有~_~
usb解碼出耳機的聲音效果方面嘛，如果同idsd micro黎比的話，佢要比idsd更開揚立體，亦都因為用膽嘅關係更有暖潤感，推力幾好，駁LCD 2都叫推得有板有眼，另一面的AKG K1000(但又好似唔係K1000?我見頭帶係黑色……)就吃力左d，但都尚可接受。


呢套其實係搭埋喇叭賣的，係show room我用ak240藍牙輸出去Retro 50度用喇叭播，感覺不錯，但我喇叭聽得少，不作詳細評論了。成套好似要
$14000


呢一台係佢地嘅新系列iDSD mini DAC，但因為電腦有問題的關係我沒有試到。


雙木三林的DSD dac同耳擴，部DAC好像只要1000蚊左右呢，解dsd的效果還可以，幾抵玩。


Opera 牌的播放器，支援到PCM 384K,

DSD128，聽落分析力好好，聲底比較直白，但音場不算大，推力以隨身黎講可以話好大，佢demo夠膽死用HD800，但原來推得都聽入得耳架!
價格$3900人仔左右，唯獨有一點令我點都唔會買佢嘅就係佢嘅操作體驗實在太糟糕，UI嘅字都太大。

場中一套我非常喜歡的黑膠系統，但我完全唔知所有野嘅型號，如果有師兄知道可以回一回我!


景豐既多媒體播放器，聲音感覺幾温潤柔順。


行行下見到LABKABLE的展攤於是行左入去同佢地吹下水，一傾先知佢地出左JH AUDIO ROXANNE用的TAKUMI線，馬上就借來試了。


TAKUMI線一向比我既感覺係會對耳機的聲底有幾大既改變，而用係roxanne上的亦不例外，換上takumi後感覺聲音變中性了一點，整體結象都拉後了一點，增加了音場的深度感，人聲樂器聲的分離度亦增加了，背景比以前更黑。但因為佢冇用到roxanne個低頻控制電阻的關係，低音似乎等同平時開到最盡咁，聽落幾過癮，但長時間聽我自已有少少頂唔順(我平時低頻只會開到2點鐘位置)。



呢d係台灣一個小作坊式的器牌德川的全顔喇叭，亦係我今次來的其中一個目標呢~我很喜歡它清新簡潔的樺木外觀，雖然用來聽大編制音樂不是很適合，但聽小品音樂一把結他一把人聲真的別有一番風味! w3-1878型號聲音温潤得黎幾有層次，低音表現都尚可，I LIKE IT~


Questyle cas192!


最後睇到冇野好睇走左去ECT個攤度玩fostex th500rp，聲音很細緻呢!


最後附上唱片同黑膠小斬獲:


以上。

Andykong

見到你話會出 Show Report，唔訓都等埋你啦！

一個人行 Show  + 影相 + 寫 report 其實好唔簡單，要撐啦！

windwolf447

Andykong 發表於 2014-11-29 01:04
見到你話會出 Show Report，唔訓都等埋你啦！

一個人行 Show  + 影相 + 寫 report 其實好唔簡單，要撐啦！ ...

多謝支持! 內容不多，還請見諒! 希望大家睇得開心，哈哈~

windwolf447

但我覺得冇香港8月果個咁好睇，或者可能只係我感興趣既野係呢個SHOW比較少

Andykong

windwolf447 發表於 2014-11-29 01:07
多謝支持! 內容不多，還請見諒! 希望大家睇得開心，哈哈~

嘩，邊個咁老奉嫌小野？76 唔會有人咁無品吧？

幾個問題， iDSD Retro 50 係 14K 全套連喇叭？是人仔嗎？有 SD card 或可接手指或 HDD 的 USB 頭嗎？  有的話就真係 Total System 了！

Opera 部 Suzanna 用 HD800 demo, 咁有無 6.3mm 頭？Opera 做工唔錯的，呢部靚仔嗎？

ECT 用什麼 amp/source 推 Fostex th500rp？易推嗎？同 Oppo 有得 Fight?

windwolf447

Andykong 發表於 2014-11-29 01:27
嘩，邊個咁老奉嫌小野？76 唔會有人咁無品吧？

幾個問題， iDSD Retro 50 係 14K 全套連喇叭？是人仔嗎 ...

1)是人仔，沒有USB OR SD。不過一套咩都基本上齊，算抵玩既

2)沒有6.3MM，造工是幾好的，金屬身好實淨，不過有D厚重，個人覺得國磚黎講算靚仔了

3)不知道型號，但調音量的部分是一級一級的，不過肯定不是BURSON

windwolf447

我個人鐘意TH500RP個音色多D，但感覺不易推，果時我音量都扭幾多下先夠

fm31331

好專業報導!

斯路

師兄就好可以去參與呢個展，本身都想去但無法抽時間出席。今年果然係DAP年，年底都重彈多左部xDuoo新機出黎。Opera個部都有留意下，但原來係走大力路線。未知師兄有無試Questyle CMA800i? 我對呢部相當有興趣。

windwolf447

斯路 發表於 2014-11-29 10:47
師兄就好可以去參與呢個展，本身都想去但無法抽時間出席。今年果然係DAP年，年底都重彈多左部xDuoo新機出黎 ...

冇試到呢，可惜