飢餓遊戲終極篇：自由幻夢1 簡單影評

gashapon

未正式講套電影前先講講自己等大家有個idea~ 想當年第一集上映時我係無去睇的, 因為當時聽到個名已經唔係太想去睇. 之後做第2集時, 由於朋友話OK, 見又有時間於是走去睇. 睇之前的一晚專登走去用$49買隻DVD睇返第一集先入場睇第2集.

其實講真, 我覺得成個故事唔係好make sense, 有咩理由年年每一區要抽d小朋友去送死, 咁多年來都會無人出聲. 另外政府明明打算整個game出黎比市民睇而減少反抗性, 又有咩理由仲係live 播映~ 梗係錄低佢剪好晒先播啦~

唔知係我睇漏定點, 我記得個Hunger game係每年都只得一個"生還者", 係JL那一年先開始有雙冠軍. 但第2集又突然講到以前的冠軍大家都係一pair pair咁? (例如科學好勁的兩公婆etc), 唔通佢地咁唔好彩先後被抽中, 但又咁好彩成為冠軍??

對一d未睇過飢餓遊戲的人, 以下是簡單的介紹. (參考自wiki)

施惠國(Panem) 內有十二個行政區(sector)，以及一座被行政區圍繞的"都城"。至高無上且專制殘酷的都城，每年逼迫十二行政區交出12歲至18歲的少男少女各一名，將之投放在一年一度的飢餓遊. 當中，並以電視實況轉播，藉由此恐怖的手段來維持其威權統治以及國家秩序。
每個區都有唔同的...."功能". 例如物資等.
都城（the Capitol）
第一區：奢侈工業（Luxury）
第二區：採礦業（Masonry）
第三區：科技業（Technology）
第四區：漁業（Fishing）
第五區：製電業（Power）
第六區：交通運輸業（Transportation）
第七區：林木業（Lumber）
第八區：紡織業（Textiles）
第九區：食品加工業（Grain）
第十區：畜牧業（Livestock）
第十一區：農業（Agriculture）
第十二區：煤礦業（Mining）
第十三區：石墨與核子工業（Graphite and Nuclear Technology）

而第十三區在施惠國成立初期就因為發動叛變而被都城以高科技與優勢軍力鎮壓, 變成"黑歷史".

頭1集就係講女主角同暗戀佢的男主角peter點一齊在game內生存. 而第2集佢地又再次版迫玩呢個game, 不過最後女主角被人救走, 去了第13區. 而第3集就由呢度開始.

女主角Katniss, 佢一開始為了保護細妹而被迫參加飢餓遊戲, 在保護自己同peter的期間, 佢無意中激起了人民反抗之心. 漸漸成為了革命的象徵. 去到第13區時, 第13區的女總統希望佢幫手"宣傳", 令大家可以團結起來對抗都城.

由於最終回是分開了上下2集咁拍, 因為未睇之前都知唔會太緊湊, 都係過場的多. 睇完發覺自己原來無估錯~

雖然在劇情上來講無咩大推進, 不過都睇到jen law佢演技真係唔錯, 好多時都感受到佢情緒的波動, 起伏, 矛盾等.

成套戲可以講無咩打鬥場面, 無記錯都係得2-3場簡單炸幾下, 開幾下槍咁. 如果一心想好似上2集咁睇打打殺殺肯定會失望~


成套戲我感受最深刻就係: 其實所有政治唔理好壞, 最重要都係講宣傳, 只要宣傳得好就多人相信. 多人相信自然多d power. 另外唔知是我多心定作者有心, mockingjay --學舌鳥. 其實隻雀都唔知自己講緊咩, 只係人地講咩, 佢就學人地講咩. (到頭來其實都只係一隻棋子?)

還有的就係: 都城的防禦系統....未免太易被人突破吧...(不劇透~)

我無睇過小說, 所以都唔知電影同小說有幾相同. 不過直覺話比我知, 女總統應該係奸的~ 相信做埋下集時就有答案~~

ps: 女主角件戰衣真係幾型, 雖然都只係"PR"用不過都唔錯呀~~

ykluk

星期六晚小弟都去睇咗呢套戲, 講真如果大家諗住去聽dolby atoms+Dbox應該會好失望(小弟2公婆就係...), 但論套戲, 小弟就真係覺得超正~~!! {:9_426:}

簡單講就係無咩爆無咩打鬥由頭到尾都係影住影后一條友2粒鐘, 但係小弟由頭到尾都好緊張..... 影后演技真係一流, 雖然佢唔靚唔正, 但一套戲由頭玩到尾都係靠佢, 掂~~!!

唔知大家有無睇過小說, 小弟老婆一早第一集未上時已經睇晒, 去到今集, 我老婆終於講, 佢話佢第一次覺得睇戲好睇過書~~!! 雖然電影時間關係有好多嘢唔可以充分講, 令到有反駁位(呢個當然架啦, 個故事作架嘛), 但電影可以一直lead住你去感受, 而故事又有引導性令你聯想好多現實世界情況, 堅勁~~!! {:9_428:}

答返樓主問題: 其實之前每屆hunger game真係得一個冠軍, 但第75屆(即係第2集)好多參賽者都係本身自願打game既, 原因係為咗保護影后. 個革命其實係想做咗好耐, 但係就等緊一個可以號召所有區既mockingjay~~!! {:9_421:}

gashapon

jayjay 發表於 2014-11-24 10:50
Part 2 下年11月20號上畫！！
(Post76 Android 手機版送出)

嘩...要等一年....

gashapon

ykluk 發表於 2014-11-24 11:04
星期六晚小弟都去睇咗呢套戲, 講真如果大家諗住去聽dolby atoms+Dbox應該會好失望(小弟2公婆就係...), 但論 ...

我都覺得Jen Law真係好好戲, 令我投入感大增! 我可能預o左呢集唔會講太多所以都唔expect佢有太多打打殺殺~

原來係咁, 我仲奇怪點解第75周年果次抽中的都係一對對的人, 原來係有計劃去幫手的~不過如果有一區無人win過咁咪無人可以被抽中?

ps: 我覺得snow總統有少少低低地能咁~~ 感覺佢好似好想玩mind games, 不過又未夠smart最終會害死自己哈哈~ XD

gashapon

jayjay 發表於 2014-11-24 11:11
師兄影評好正
今日我爆quota
聽朝加番分畀你

多謝定你先~ XD

ykluk

gashapon 發表於 2014-11-24 11:13
我都覺得Jen Law真係好好戲, 令我投入感大增! 我可能預o左呢集唔會講太多所以都唔expect佢有太多打打殺殺 ...

咁75年嚟都一定每區都會夠人去嬴既, 因為小說作者一定會咁講~~!! {:9_407:} 我老婆話本書本身其實用咗好多時間去講個game同詳細講12區既人點生活, 12區本身每一區人做唔同嘢, 令到12區人其實佢哋既特性令本身個game好刺激....{:9_428:}

至於snow總統究竟係點, 我老婆經常陰陰笑但又話電影未必跟足小說, 我都費時問佢結局係點....{:9_436:}

P.S. 其實本身13區總統無咁多戲, 好多嘢其實都係Plutarch Heavensbee搞出嚟, 之但係現實世界中Philip Seymour Hoffman死咗, 所以有啲嘢要重拍, 因此要由13區總統頂上...

gashapon

ykluk 發表於 2014-11-24 11:22
咁75年嚟都一定每區都會夠人去嬴既, 因為小說作者一定會咁講~~!!  我老婆話本書本身其實用咗好 ...

可能snow同sector13的總統大家係前度男女朋友, 因一次誤會而大家互相對立, 結局係女總統成team人殺入都城, 最後同snow講, 我等o左你XX年...之後snow被女主角一箭射死....wait a minute....咁o既結局....實在太爛了哈哈~XD

其實當日睇呢套我都想起好多近期發生的社會大小事, 有幾多是真心為市民, 有幾多是"宣傳"為自己的利益, 真係唔同人有唔同的睇法...