XBOX ONE個勢認真唔得樂觀... (全球售出800萬部 超越WiiU)

原明

本身係唔同野，不過對象可能是同一群，甚至手機就更廣。現在可以坐定定打機時間實在有限…

@肥狗仔@

原明 發表於 2014-10-14 16:01
本身係唔同野，不過對象可能是同一群，甚至手機就更廣。現在可以坐定定打機時間實在有限… ...

轉投手遊陣營的核心玩家其實好有限，主要視乎整體價值觀。若果十年後玩家認為手機/平版係佢地玩核心遊戲的絕佳平台，咁console的地位先至有可能被受威脅。日本果邊就正正面對這種問題，RPG仍然係主流，日廠遊戲質量上一般手提機都可以應付，沒有太多家用機做到而手機做不到的東西。所以當地手遊/手提機十分盛行，家用機市場理所當然出現萎縮，新3DS首發賣上數十萬足以證明。

但在歐美地區，電子遊戲世界絕對是核心動作遊戲天下，睇吓P&D在歐美的成績，與CAPCOM圖將芒亨打進歐美市場同屬白日夢一場。這是由當年德軍總部, Diablo，CS等歐美遊戲所定下的基礎，這些遊戲的操作及玩法在一般手機上都好難實現，大mon平板加手掣算係一個折衷方法，但除咗老黃的Tegra之外其實大部份移動平台都達不到PC級別的性能。

智能手機興起對家用機市場其實都唔係百害而無一利，日本遊戲業的問題在於製作人思維及技術，就算冇智能手機，當地家用機行列相信都唔會有咩起色。另一邊廂，在iphone, android不斷吸納新玩家的同時，玩家的價值觀出現唔同走向， 以PS4甚至係XONE現時的定價，一部三千幾蚊的遊戲機相對四五千蚊一部的手機稱唔上係貴，後者的出現變相令到更多人以大刀闊斧之勢走去購買家用機。之前有人提出過一個說法就係PS4本身銷量並唔算出彩，只係XONE同WiiU賣得太差，但哩個亦解釋唔到點解PS4可以在9個月內取得如此佳績，銷售速度甚至比機王PS2仲要快，好奇怪吧。

@肥狗仔@

哩個就係我一直講緊嘅問題，西班牙是XONE首發地區之一，但到目前為止當地PS4及XONE的銷量差距已經去到7:1...我睇唔透。

原明

無錯，其實真係兩種體驗。目前不能互相取代。

furuya

XBOX1 部機設計到咁大部又醜樣. 硬食KINECT又唔係人人有用

D GAME大部份兩部機都有. 淨睇MGSV都見到PS4版係靚D.

我以前都XBOX>360都有, 但今代真係唔想買. 佢再出部細一倍SIZE既我可能諗下

@肥狗仔@

furuya 發表於 2014-10-16 11:37
XBOX1 部機設計到咁大部又醜樣. 硬食KINECT又唔係人人有用

D GAME大部份兩部機都有. 淨睇MGSV都見到PS4版 ...

與其話XONE醜，不如話佢係一部外觀唔似遊戲機嘅遊戲機。哩樣個人唔太介意，但客觀上其實都幾大件事，其他老任果D主機，好似Wii, WiiU的機身都冇咩睇頭，但人地識得用手掣做賣點。而XONE呢，單睇外形感覺就係一部prototype，機身同埋Kinect都係四四方方的，手掣有改進但外觀上變動唔會比PS4/WiiU要多，話佢有咩特徵一時三刻好難答。

機身大小感覺都唔大得幾多，當年PS3都好大部，但XONE唔能夠打直放的確對某部份玩家做成麻煩。

@肥狗仔@

PS4發售一周年，XONE終於在北美周銷量超越了PS4，雖然佢係以勁減50美金作促銷的，坐等感恩節銷情。

STEEL71

我是睇遊戲適合而買機的如果先買一部，我會選擇先買PS4，因為PS4獨佔遊戲吸引我多一點
2015 PS4 獨佔遊戲
Bloodborne
Uncharted 4
The Order: 1886
龍如 0
勇者鬥惡龍群雄 闇龍與世界樹之城
等等........
而 xbox one 暫時只有一隻獨佔遊戲吸引我 Dead rising 3
加上 PS4 中文遊戲較快較多。
雖然 xbox one 的手制的控制感是比 ps4 好一點. 但如果遊戲不合適就手制點好都作用不大了。

kl122002

@肥狗仔@ 發表於 2014-11-17 00:14
PS4發售一周年，XONE終於在北美周銷量超越了PS4，雖然佢係以勁減50美金作促銷的，坐等感恩節銷情。

看24-28/11發生咩事先....

我是甘樣睇,
以前玩電視game, 是因為隻game只有電視有得玩, 唔會去左gameboy或者其他手提機.
又有d game, 好似當年好hit的跳舞game真是只有電視先玩得到. 玩電視game有佢的存在位置.

不過千禧之後, 電視, 手提, PC 的分別就細左好多. 差異只在用咩主機玩, PC版都有遊戲手制之後, 只是差一個OS/system是怎樣.
用PC有個問題就是windows (仲有Mac, Linux): PC的OS始終比一部家用機複雜, 是先天問題 (無諗過今日的人用電腦打機); 後天是硬件上食錢.

一家game的公司原本出開電視game的公司, 唔介意由PS中出多一個xbox, 有PC就順手出多一個.  game的故事情節一樣, 只是寫code上加多一個分組 (唔知用PC版會不會更容易寫code?) . 寫出一個game的故事可以在不同的機種上運用.
即是說, 在寫故事, 畫人物等研發的投資可以由不同的開展支線上取得回報.

PS, xbox有二手市場, 即是賣出一張game 碟可以唔只被一個玩家玩, 但game公司收入都是只得一張碟的錢.
特別例子是PS家族中因出PSP, PSV, PS 分三支力撐, xbox得自己一個.

而PC因為S/N是扣上player, 在sever上有record,  以正版而言可以以肯定player一定是俾錢買左.  用盜版也不是問題: game code好多被加料 (好似盜版的sims 4 在zoom近時會打大量格仔, 又link唔上官方sever update, share唔到player info等等百樣問題);
PC版會在某月某日做大平賣 (Steam, EA ) , 點都比PS, xbox易吸錢好多.

甘樣的話, 出game的公司將同一個game分多種出唔出奇.  
結果不少game的售量分薄同時, 有PC(好似我) 又唔一定要PS/xbox;  有PS/xbox的人, 可以因為自己都有PC所以又唔一定要買PS/xbox版, 或者唔買PC版時只在PS/xbox中選其一版.

@肥狗仔@

kl122002 發表於 2014-11-17 21:46
看24-28/11發生咩事先....  

我是甘樣睇,

哩個年頭third party的遊戲引擎基本上都好容易將同一個遊戲移植落唔同平台，以往上一代可能會有CELL哩類屏障，哩家兩部機都統一X86架構。對某啲開發者黎講係user-friendly。不過遊戲開發大概都係用C++哩類語言，正路用OOP的邊個平台其實都係同一個原理去做，反而個人覺得API係個問題，MS的DirectX本身就係個惡夢。至於console，佢地有自己的API去玩，反正SONY本身就用緊自家製的tools去做。但PS4與XONE整體黎講唔會有太大差別。

PC個情況感覺硬件比OS問題來得立竿見影，卡神講過要做到同一畫面水平，PC的機能要比console起碼勁兩倍先可以，哩點已經考慮到非遊戲專用OS同埋整體的硬件優化，即是話玩家付出的金錢大概要比家用機多兩倍先可以。問題係，id software的優化只係個別例子，其他大廠，整整吓覺得佢地只係會幫老黃果年的旗艦卡優化，至於其他舊卡就靠Nvidia用新driver整壞佢，咁一黎老黃可以發市，二黎自己又唔洗咁煩，你PS4, XONE就話兩部機姐，PC閒閒地過百種組合邊有咁多時間搞。所以個人黎講若果玩小遊戲其實PC係最佳選擇，但一去到3A大作，個人真心好抗拒用PC。講遊戲打折的XBOX LIVE, PSN都有做，不過我覺得哩啲優惠大概係全機種制霸的人先會考慮，始終有心宜遊戲都會第一時間入手。

至於銷量或者係玩家選擇，個人覺得唔會同以往有太大差別，正如Wii賣出過億部，但最終哩過億的銷量都冇將過億的玩家變成核心玩家，玩跳舞的，玩體感的仍然係果批人，PS4今日出GTAV同LBP3兩隻game，但好少玩家會同時買哂兩隻。反而當HALO以至其後的COD4面世後，玩家見識到原來FPS在家用機手掣操作上係可行，唔少人都轉用console玩FPS玩連線對戰，哩種變化到哩家都係盛行的，而唔係好似Wii咁三分鐘熱度。同樣的熱潮近年在PC上就感受唔到，steam的出現其實都係一個platform，在更開放的OS上營運，但只能夠話係延續90年代尾果段網頁遊戲的風氣，核心玩家用PC玩超級大作，用戶群感覺唔會有咩變改，早兩年大波羅3出之前最多人問的問題仍然係: "自己部機夠唔夠推"，哩個風氣同1942到DOOM3再到Crysis的時候可謂如出一轍，唔同的係更多玩家會對自己的PC硬件感興趣。當然steam的出現救左唔少獨立製作人，無可否認。

另一個屏障係操作問題，用開mouse, keyboard的叫佢一時三刻用手掣，好難，同樣道理，手機機能愈來愈勁，但要人由家用機轉玩手機遊戲又係唔可行。PC對應手掣，我自己玩PC game會用，但我身邊的人死都唔會用，用手掣玩電競的更加係自殺行為。所以操作未必一個考慮因素。

至於二手問題，過去十年都嘈左太多次，個人得出的結論，冇二手就少人買一手，遊戲公司賺得更少。PC的，實體版整體賣得唔會比家用機好，論數字版的，家用機哩家已經順利接軌喇。