報告！ 小米電視2 今日更新後已能收看香港高清台！

kenji

小弟乃窮鬼一名，幾皮野既名牌子當然得過睇字，但正所謂又窮又多嗜好，所以退而求其次，人有我有買部小米電視2過癮下，今日5點去買左番嚟試一大輪，小弟主力用來睇1080P片，打PS3當然冇問題，當然1080p畫質都係咁上下啦，但到搜台只搜得基本4個台，重要畫面衰過部老爺機幾倍，當堂俾老虎插左幾野，搞到差D要仆出去買部高清接收器.......

食完飯先醒起試下wifi 連線，見到有更新咪更囉，之後再搜多次台，就已經收到 亞洲台，J2 , 高清新聞台，高清翡翠台，當堂冇咁灰，雖然未有高清明珠，而且高清台冇得set 丽音&冇字幕，但都叫做好過冇啦！

店員叫我加2舊幾破解埋，但我心諗加多DD可以買個盒子，起碼第二部電視都用得麻，至於睇到果D，試過6，7點都好窒，十零廿秒都要load 一load , 非繁忙時間就唔知啦。

因我冇4K片，試唔到有幾靚，而試1080P片就當然同1920P電視冇乜分別啦。至於打機既朋友可以放心喇！畫面正常實淨冇殘像，亦冇大陸人講既延遲情況出現。真係唔明點解<電器良品>和<寶源> 會set 到部東芝4K畫面一撻撻咁肉酸？

要投訴既位都有，例如轉畫面摸式既時候太快太多，有時會畫質轉差，要等一陣或者熄機再開就冇事。仲有造工當然就一般啦，4條鋁邊同營幕有小小空位，而且個幕唔係鑲實，可以"禁"到入去，唔知本身係米咁？

5千幾呢個價(淨機冇soundbar冇十仔，其實機內喇叭都夠大聲夠用，要靚聲都駁M啦)，49寸又3D又4k，基本要有既野都有，質素唔太差，我已經好滿意，希望官方可以勤D更新搞好D，咁我呢D窮人就有福喇！

gikifk

超直嗎？

kenji

gikifk 發表於 2014-7-10 07:28
超直嗎？

冇事冇幹既話，算係咁啦。性價比高！

the_1

呢個價位有4K, 冇投訴喇.

gikifk

如果有55"~60"我一定買

wadee

一分錢一分貨!!
Ok啦~

jclove

師兄請問邊度買到呀？

David_Vincent

小米2平靚正，可惜要過三關：

一要上網快手至買到
二買左要等託運送到
三如果送唔到香港，要騰上深圳帶電視過關

larryktlee

Thanks for sharing
Attractive

ryangiggs

Ching, 請求pm購買地址.