（更新）農夫地盒.... 小弟無福消受

Raphael

8月9日更新

話說小弟既悲慘經歷過咗兩個月......（可參考下面黑字部份）
期間又要出差，又要開工，又要整電腦，又要搞屋企野，基本上無乜點聽歌
就算開機聽歌，都係聽幾首就熄
反而喺屋企就經常開住電影嚟播，一邊忙其他野時偷望幾眼
如是者.......

到咗早兩日行完影音展，返屋企執行李準備出差
今次就開住歌嚟執行李

執咗粒半鐘，坐低休息時....... 咦？？？點解啲聲好似唔同咗？滑咗喎？？
立即埋去睇睇部機....... 咪又係一樣，駁住兩個地盒（農夫及PAC），無改過
好奇心驅使之下，抆走農夫及 PAC
起初無乜分別，但越聽越覺毛燥感出咗嚟
又插返農夫....... 起初唔覺有分別，但越聽越順耳
再插返 PAC....... 又再明顯多啲

屋企人話「多舊魚啦你！心理作用，自己呃自己！邊有分.......」
「別」字都未講，佢突然停咗一陣，然後話「又真係好似唔同喎」
最後話「妖！你搞到我都唔識分啦！唔理你！」

（   << 呢個係我當時心裡既表情）


話說小弟半年前心血來潮，想買地盒，又想換 Hifi 架
左思右想之後，最終買咗農夫銀地盒，諗住過一排先至換 Hifi  架

但小弟真係大懶人.... 唔想日後換 Hifi 架時咁辛苦，諗住換完架先至安裝地盒 (自己都覺得自己白痴；咁不如索性買咗 Hifi 架先！)

但小弟一直都的唔起心肝換 Hifi 架 (太多野，唔想搞)，如是者，過咗半年都仲係未開箱。直到上星期換完 USB 線之後，把心一橫安裝埋個地盒..... 搞咗一大輪，又搬過晒啲器材擺位，又整理好晒啲線材...... 終於搞掂

一開聲，嘩！！！！！！唔係化？？？
點解..... 啲聲同之前完全無分別既？？

唔少人一向都讚農夫地盒純黑背景，加強高低伸延，乾淨低頻.... 但小弟真係感受唔到喎
地線問題？無理由吖，小弟用返農夫地線，無理由有問題

當時小弟心諗：一定係我太攰嘞
於是去沖個涼，食個麵，上網吹吓水，瞓個晏覺...... 然後再開機
一聽之下.... 唔係假喎！堅係無分別喎！

聽咗好多首歌，blind test 一大輪 (小弟咪埋眼聽歌，叫屋企人幫手靜靜雞甩 / 接地線唔話我知，睇吓聽唔聽得出)
結果...... 完全聽唔出........

噚日去某位師兄屋企坐咗一陣，講起呢種情況
師兄話：梗係啦！你本身用梗電處 (PS Audio P5)，佢有接地架啦！用地盒嚟把鬼咩？
小弟：唉........ 兩皮野，咁就嘥咗......

呢舖真係硬膠........

calcal

  放得!

nicknick

恭喜師兄，聽唔到有分別可以省錢用嚟升級其他嘢!

師兄啲器材咁堅，睇嚟要用Troy富豪地盒至發揮到效果!

pac

師兄有無
1）用純銀地缐試下。（地缐很重要）
2）駁甚麼器材，邊個位？
3）有電處和無電處的分別？
4）在有電處和無電處的情況下去接地盒的分別）

itoy2008

Ching 我又跟你差不多，想搞Hifi 架但茅時間；只可攪住週邊。
不過小弟好奇一問，Ching電處內的接地跟地盒接地是一樣嗎？你套Gear既訉源grounding 跟你電既Earthing通了嗎？有用他表check下嗎？
小弟也用了一個小電處比2ch，再用兩隻Pac地盒分別比電 earthing同signal grounding,郊果都好明顯，有分別。DAC數碼個grounding尤其其顯注。老闆AB都話有分別，小弟就覺音場深左闊左，樂器分離度也detail 左;亦因為咁，再整兩隻比AV用，除音場寛闊大左，連畫面都立體灑。
小小分享，忙裡偷閒

plnl88

itoy2008 發表於 2014-6-15 14:33
Ching 我又跟你差不多，想搞Hifi 架但茅時間；只可攪住週邊。
不過小弟好奇一問，Ching電處內的接地跟地盒 ...

師兄，想 818 師兄用緊隻什麽牌子電處？
小弟對電處好有興趣。

itoy2008

plnl88 發表於 2014-6-15 14:51
師兄，想 818 師兄用緊隻什麽牌子電處？
小弟對電處好有興趣。

其實,小弟所知,電處都有分幾種嗎,Ching對嗎?
因小弟不喜歡filter比2ch用,我這個唔係什麼幾重filter既電處...只是個signal regeneration既小盒子.
牌子係馬sir既Talisman Power Cube 既上一代 Mini Power Cube
http://can-workshop.blogspot.hk/2013/09/2012-11-22-153743.html
"Talisman Power Cube 是繼 Power Cube 後注入新元素，採用更高品質原材料及華貴木盒，並且進一步優化電源處理的最新產品。

承襲 Mini Power Factory 設計概念，內裡同樣包括特別電路設置, 切斷因交流電問題而從其他電器導致的不良影響 ，同時間內裡注入 Ground Cube 相同物料，發揮更強效果。

通過截斷不良什訊同時,以天然物質吸收多餘什訊，再供電予電源排插，令電源排插提供更純淨電源給予器材，令閣下器材完全發揮。
別於一般濾波排插，一般濾波排插注要是裁減高／低兩段指定以外訊號，與此同時一些並非什訊的頻率亦同時裁減，令到音場壓縮，原有兩極延伸受阻，而 Talisman 『隔離不良 GROUND LOOP 產生同時，提供純淨電源』，重而令器材發揮應有表現。

Talisman 全部經由 MR。WILMER 親手製作，產能有限，感興趣朋友敬請預訂。"

Raphael

pac 發表於 2014-6-15 14:23
師兄有無
1）用純銀地缐試下。（地缐很重要）
2）駁甚麼器材，邊個位？

1）小弟無其他地線，只有兩條農夫地線（一條叉 > 叉，一條 RCA >叉）
2）駁咗 MBL 7008A 既接地專用位 (CASE)，及 DAC 同軸位 (RCA)
3）小弟無試過唔經電處，因為唔夠電源插座
4）同上

Raphael

itoy2008 發表於 2014-6-15 14:33
Ching 我又跟你差不多，想搞Hifi 架但茅時間；只可攪住週邊。
不過小弟好奇一問，Ching電處內的接地跟地盒 ...

師兄，小弟其實喺電方面乜都唔識，完全係白痴一名，所以唔識答

小弟駁地盒之前，完全無搞過任何接地
純綷一條渣電源線，由 P5 駁去 DAC
另外一條 電源線，由 Power Company 駁去 integrated amp

地盒就好簡單地，兩條地盒線駁去 DAC 既同軸位，及 integrated amp 既接地專用位

Raphael

nicknick 發表於 2014-6-15 14:09
恭喜師兄，聽唔到有分別可以省錢用嚟升級其他嘢!

師兄啲器材咁堅，睇嚟要用Troy富豪地盒至發揮 ...

小弟啲器材，喺多位師兄眼中根本只係入門
再加上小弟乜都唔識又懶惰，淨係依說明書接駁完就算數....... 所以真係唔敢玩太貴既野