USB > Optical > USB

PhantomGTR

CCFL 發表於 2015-6-12 16:11
今日攞部LKS上去改咗新的Femto Clock x 2 USB module with internal Linear PSU
由于現在新的 USB module  ...

CCFL 師兄，

轉眼你玩咗 corning 同 長芯盛 的 AOC 都差不多半年了，請問兩者比較如何？

lit2ken

PhantomGTR 發表於 2015-10-23 13:36
師兄，不用客氣，最緊要合用。你今晚再試下一些低音的音樂，佢潛到的低頻，係我之前用過幾條 silver usb  ...

CHing 你嘅品評令我想入菲菲

PhantomGTR

lit2ken 發表於 2015-11-5 08:48
CHing 你嘅品評令我想入菲菲

請問c hing點樣菲菲法？
(Post76 Android 手機版送出)

CCFL

PhantomGTR 發表於 2015-11-5 00:25
CCFL 師兄，

轉眼你玩咗 corning 同 長芯盛 的 AOC 都差不多半年了，請問兩者比較如何？  ...

C 兄 , 幾時入伙呀, 对喇叭等緊你接佢返屋企呀

其實我已沒有用 Corning 條線接 DAC 好耐, 因為呢條嘢都幾唔 stable , 有時開幾次機都認唔到個 DAC, 把幾火就用返條 Black Cat 去 iusb power (with LPS) 再用兩頭蛇去 LKS 003.

我攞咗條 Corning 返屋企用來接 External Hardisk, 唔知真係還是心理啦, 比起用黑雞線背景静D同埋D Bass 舒服咗. 啱晒我呢D冇錢又唔識用NAS的人.

講返套長芯盛, 現在包括個LPS都煲得7788了, 用我最近聽得最多的林志美演唱來講 (普通的 16/44.1 file, 並不是 DSD) , 我越聽越feel到條線的改變. 背景静了是肯定的, 比之前深一點, 有一樣嘢最緊要但我並不專業所以唔識用筆墨來形容, 就係嗰種感染力, 聽"愛是無保留"時多了一份感動, 真係有起雞皮嗰隻 feel .........真係令我想講句.......我要信主呀!

我個人來講較喜歡聽有音樂感和感染力的聲音, 而不是要什麼超高分析. 所以這純是個人口味, 唔啱聽唔好捉我入暗角

PhantomGTR

CCFL 發表於 2015-11-5 11:09
C 兄 , 幾時入伙呀, 对喇叭等緊你接佢返屋企呀

其實我已沒有用 Corning 條線接 DAC 好耐, 因 ...

>> C 兄 , 幾時入伙呀, 对喇叭等緊你接佢返屋企呀
多謝 C 兄關心，寄望呢個月尾那個星期天啦。

>> 其實我已沒有用 Corning 條線接 DAC 好耐, 因為呢條嘢都幾唔 stable , 有時開幾次機都認唔到個 DAC, 把幾火就用返條 Black Cat 去 iusb power (with LPS) 再用兩頭蛇去 LKS 003.
請問如果佢認到時又好唔好聲呢？

>> 我攞咗條 Corning 返屋企用來接 External Hardisk, 唔知真係還是心理啦, 比起用黑雞線背景静D同埋D Bass 舒服咗. 啱晒我呢D冇錢又唔識用NAS的人.
GOOD!!

>> 講返套長芯盛, 現在包括個LPS都煲得7788了
係咪仲用緊那條 30cm silver USB？定你找到更好的？

>>  用我最近聽得最多的林志美演唱來講 (普通的 16/44.1 file, 並不是 DSD) , 我越聽越feel到條線的改變. 背景静了是肯定的, 比之前深一點, 有一樣嘢最緊要但我並不專業所以唔識用筆墨來形容, 就係嗰種感染力, 聽"愛是無保留"時多了一份感動, 真係有起雞皮嗰隻 feel .........真係令我想講句.......我要信主呀!
恭喜你，請問你現在用乜嘢做 ｓｏｕｒｃｅ，行乜嘢software 呀？

>> 我個人來講較喜歡聽有音樂感和感染力的聲音, 而不是要什麼超高分析.
其實現在你講個三樣都得到了。

>> 所以這純是個人口味, 唔啱聽唔好捉我入暗角
那只是土地供應問題啫，我光明磊落，喜歡就地正法。

CCFL

PhantomGTR 發表於 2015-11-5 12:34
>> C 兄 , 幾時入伙呀, 对喇叭等緊你接佢返屋企呀
多謝 C 兄關心，寄望呢個月尾那個星期天啦。

C 兄

Corning 在操作正常時, 直插去LKS是可以的, 但比現在的無咁厚聲, 這有可能條Corning根本冇煲過. 其它C兄如未入手, 我會推介長記多D.

當然係用條 30cm silver USB 線啦, 這個價根本冇投訴, 點會換呢!

我用 Win 8.1 Notebook + Jriver 做 source

C 兄你識咁講嘢, 你有資格做 "凸手" 啦

PhantomGTR

CCFL 發表於 2015-11-5 14:00
C 兄

Corning 在操作正常時, 直插去LKS是可以的, 但比現在的無咁厚聲, 這有可能條Corning根本冇煲過. 其 ...

CCFL 兄

>> Corning 在操作正常時, 直插去LKS是可以的, 但比現在的無咁厚聲, 這有可能條Corning根本冇煲過. 其它C兄如未入手, 我會推介長記多D.
I see I see..... 仲諗住有機會睇佢地煲完後既分別添。現在你條 Corning 用係 HD 咁耐，應該都熟晒了，如果師兄有空既話請問再試下佢地有乜分別。

>> 當然係用條 30cm silver USB 線啦, 這個價根本冇投訴, 點會換呢!
價錢固然重要啦，我都想知有乜嘢線好過佢，或要去到幾多錢既線先好過佢。

>> 我用 Win 8.1 Notebook + Jriver 做 source
如果你有空，你試下玩 i5 fanless PC + voyage mpd 啦，仲好聲好多。

>> C 兄你識咁講嘢, 你有資格做 "凸手" 啦
等埋發叔先講。

CCFL

PhantomGTR 發表於 2015-11-5 14:18
CCFL 兄

>> Corning 在操作正常時, 直插去LKS是可以的, 但比現在的無咁厚聲, 這有可能條Corning根本冇煲 ...

遲D有時間攞條Corning再試吓, 然後給你報告.

其它USB線由C 兄去試啦, 不過試到好嘢唔好喺度放毒喎....冇 $$

要用 PC 呀....大老細要聽/睇 moov, 小老細要用佢學英文/普通話, 我呢D下人點敢亂來.

PhantomGTR

CCFL 發表於 2015-11-5 14:52
遲D有時間攞條Corning再試吓, 然後給你報告.

其它USB線由C 兄去試啦, 不過試到好嘢唔好喺度放毒喎....冇 ...

收到，老細！！

dennis33kwong

由8月18日入手用這條 Optical USB ，不經不覺三個月了，當中有加入 淘淘 LPS + 定制 DC線 及短 silver USB 線，算是一個完整的 【USB線】 組合，經過了三個月的煲練時間，也應該為大致上的成型來作一次小總結吧。但小弟必須聲明，並沒有神化這條【USB線】 組合，也沒有用過貴的 USB 線及 CD 機，只是跟用之前的聲音來作一個比較，看看這三千元的成本，能為聽感帶來多少改善。

小弟用這條【USB線】 組合之前，是覺得 cheap cheap TEAC CD2000 的聲音比 CAS 好，USB線只是 Furutech GT2，有緣看到 GTR 師兄的這帖，細想 CAS 的樽頸位應該在 USB 方面，要享受 CAS 的方便性就必須在 USB 這環節入手，否則無論你前後的器材如何升級，也會被卡在 USB 手上。因此決定入手這條【USB線】 組合一試，一換上這條 Optical USB 的第一個聽感是驚訝的，那聲音的密度，延伸，線條和音場，都像在兩個不同的世界，回頭用 TEAC CD2000 聽同一曲目，感覺是【空洞、單薄】的。從此它成為裝飾品了。

小弟因家庭環境影響，暫時不能使用喇叭系統聽歌，因此只有用耳機，我的耳機是 Sennheiser HD650 ，有些網友說它好像沒有盡頭，給更好的系統，出更好的聲音，但我一直半信半疑，直至用了這條 Optical USB，三個月來的煲練，期間的變化及提昇，完完全全的表現出來，就像給了耳機再度發育的動力，它把那低音肥厚，高音像矇上一層薄紗的特性改變過來，尤其是換了那條短 silver USB 之後，低音的線條收得更窈窕，下潛得更深更堅，回彈得更快速，更乾淨，就像GTR 師兄的比喻【要有既都有，要無既都無】，最重要的是不再蓋過中高音的延伸，肥厚的感覺就變為豐滿，我用一首 Queen 的【Another One Bites The Dust】來形容，那打心口的鼓聲跟 Farrokh Bulsara 高抗的歌聲互相輝映，各領風騷。

高音方面，雖然仍未達刺骨而不刺耳，也未稱得上甜美，但也能聽到歌手唱高音的穿透力，今日聽了 Whitney Houston 的【I Will Always Love You】，那像能穿越雲端的聲音殘留在耳間，揮之不去，這聽感就是用了那條短 silver USB 才出現，證明它除了低音之外，也把高音的質素提升了。女神唱高音勁，是耳熟能詳，還有林志炫也是以唱功飆高音出名，聽了他們的歌有好幾年了，但從來只聞其聲未見其影，用了那條短 silver USB之後，竟然聽到他們如何運氣、如何踩油、如何使用【獨孤九劍】把不斷升 Key 的歌聲，綿綿不盡地延伸。

在 Post76 Head-Fi 版有師兄說過【權威的低音】這名詞，意思應該是指什麼才是優質的低音，這個非常難以用筆墨來形容的感覺，我在一次電視音樂節目的錄影現場，聽到那乾淨、實在、深沉而又活潑生動的低音，正正就配合【權威的低音】這名詞，也成為我之後評價音響器材表現低音的指標，用了那條短 silver USB 之後，竟然在我的耳機系統中，也能感受到相似的低音，雖然跟那【權威的低音】仍有一段距離，但也絕對是一個正確的方向或類型。還有用了那條短 silver USB 之後，最大的驚喜是整體聲音都【鬆容】了，這個【鬆容】的意思是沒有拿埋一舊的感覺，每件樂器或每個發音主體都各自在表演，而又溶為一體地編織出一個音樂世界。

最後的結論是這【USB線】組合是成功地以低成本衝破了CAS 的樽頸位，從而享受到它的便利性，也打開了再升級的大門，雖然【沒有最好，只有更好】這金科玉律不時警醒著我，但Post76論壇遍佈毒素，稍一不慎，毒到荷包乾涸事少，冇錢賣又心思思先大鑊，因此必須修煉【心滿意足】大法，配合【安於現狀】寶典，還要抱著【音樂】為主要享受元素，我由用手機加附送耳線開始聽女神的歌，一直升級到現在的系統，雖然也只是ＨＩＦＩ的入門野，但在其過程中，都能被她的歌聲感動，這樣就是我以聽音樂的心態來玩音響的例子。最後實在要多謝　GTR 師兄的分享及啟發，令我能更上一層樓來欣賞音樂，也祝願所有人都能在音樂的世界，找到鬆弛壓力的良藥。