|
|
樓主 |
發表於 2015-3-29 21:46
|
顯示全部樓層
本帖最後由 ghhf 於 2015-4-12 18:51 編輯
大道至簡, 音之至純 - "精密"
小弟呢兩個星期無咩出聲, 係因為進行緊新"陰謀", 話說系統加上Entreq小地盒, 專線接大地, 再係WA6 SE及Young DSD空置RCA, BNC及XLR輸入端加上專用保護蓋, 及逆流器加上屏蔽後, 系統效果又有驚喜, 可以講再上一個新台階. 
係呢個層面小弟認為巳經唔使講咁多嘢, 大道至簡, 只要用"精密"兩個字, 各位先進C兄就完全可以心領神會. "密"其實就係一切既根本, 小弟加個"精"字係前面, 係有昇華之意, 想表達既就係, 呢個小弟認為接近技術性極至"音之至純 - 精密". 
"精密"講就易, 不過絕對係要付出代價, 好啦, 係咁高層次噴完口水, 又要跌番落來腳踏實地, 務實精進, 巳經進行咗可行性檢視, 檢視d咩?!  各位C兄再睇圖就知道, 亦完成咗第一期改裝(免責聲明: 所有電源改動及連線, 仍小弟跟據個人經驗實踐行為, 有關改動及連線可能會損壞相關器材, 及違反原廠保養條款, 甚至危害人身安全. 小弟無意鼓勵其他C兄模仿, 小弟亦不負責模仿後產生既任何後果同損失), 不過仲有第二期, 第三期同第四期 ….. 實際效果下星期再分享. 
第一期改裝
第二期改裝
小弟今曰將逆流器及連接線位成個放入個厚鋁箱, 又將接大地位置改係插座同逆流器外殼交接點, 接地專線亦改用粗身單晶銅單芯線, 加多咗一層屏蔽, 效果如何? 估唔到仲可以更進一步, 巳經聽過不下百次既飲歌, 從來未有咁感動 ..... 小弟繼續向正確方向精進, 真係Sofa底藏電, 由屁股燒到上腦 ..... 呢個只係臨時擺位, 亦未上螺絲, 試聽一個星期小弟就會進行第三及第四期工程.
第三期改裝
終於來到最重要亦係最危險既第三期改裝, 其實之前都係臨時性既試驗, 係為呢個階段定案, 燒到上腦既小弟"野心"今期就完全表現哂出來, 放棄13A頭及插座盡量減少接點, 將所有接線換上高質單芯粗身單晶銅電源線, 最後亦採用並接方式為逆流器及WA6 SE接上大地, 第三期就告一段落!
第三期改裝後既結果再一次讓小弟非常振奮! 雖然好似只係換咗短短幾條接線, 減少接點及優化接大地位置方式, 系統表現又進一步升級, 竟然仲可以有咁多細節, 非常有層次, 協調一致, 建構出咁完美感動場感, 小弟聽到既效果真係好難再用筆墨形容, 之前所有既努力, 巳經完全無憾, 一次過收獲成果!
第四期係將最後既臨時接線排除去, 並採用接線直接互相銲上, 機箱鑽孔用螺絲固定逆流器及接線位置, 將後級供電系統逆流器完全屏蔽, Sofa底藏電就完滿告成! 
|
|
[複製鏈接]
發表於 2015-3-31 00:22
