新手求教如何更了解各聽感形容詞。

goodabc2010

william02 發表於 2014-5-22 09:34
我就嚟俾dmx放入黑名單了，得閒就上去....

我有fx850,推開咗好正，線用緊twag v2 gold

2隻都係圈喎

william02

你說中我痛處了.....鐵...圈鐵都俾我放哂....

手上得返UM1 唔係圈

png1216

以下是我整理了我不太了解的形容詞…請原諒我的才疏學淺。

音場：
Hi-fi架音場可以係間房有幾大就可以有幾大，咁Head-fi架最大音場係咪都唔會大過我個頭？
實在感受唔到師兄們所講加把人聲係正自己面前唱歌，我感受到架係個歌手係我個頭裡面唱歌，係唔係我有問題呢？

聲音的密度與重量感：
聲音的密度其實係同個音樂案類形關係大啲定個器材關係大啲呢？

層次感/定位感/解析力：
這幾個形容詞給我的感覺好似互相關連，很難獨立分離出來呢。感覺佢地架關係好似係一層層咁去呢。因為如果解析力低架話，其他兩個形容詞好似唔會表演得好。所以我想問下係咪解析力 > 層次感 > 定位感??

空間感：
這個形容詞同音場架分別係咩呢？同音場架分別又係咩東東呢？

其他的在二十要中所提到的好似只能意會不太能言傳，所以我都係再自己感受下呢要。
而有啲師兄們用架形容詞係二十要中沒有提到的，我都想問下呢。

如低頻的下潛，以鼓為例，係咪講緊由第一下鼓聲同之後最後一下餘響之間架深度變化呢？

冷或暖？亮或暗？又或者啲尾音好散等，其實到底係咩一回事呢？

感謝各位師兄呢

goodabc2010

william02 發表於 2014-5-22 11:36
你說中我痛處了.....鐵...圈鐵都俾我放哂....

手上得返UM1 唔係圈

入隻asg2.5啦師兄

goodabc2010

png1216 發表於 2014-5-22 12:47
以下是我整理了我不太了解的形容詞…請原諒我的才疏學淺。

音場：

我都等師兄解答

lamhokin

其實所有既形容詞都系好抽象既野黎，邊度有準則既姐

nightscrawler

goodabc2010 發表於 2014-5-22 13:28
入隻asg2.5啦師兄

asg2.5 已經見街??

goodabc2010

nightscrawler 發表於 2014-5-22 13:57
asg2.5 已經見街??

係呀,我見熊仔店fb出左post

charky17

png1216 發表於 2014-5-22 12:47
以下是我整理了我不太了解的形容詞…請原諒我的才疏學淺。

音場：

音場:
你要比少少幻想力,比如你聽band sound / 睇演唱會, 個stage有幾大, 唱歌人離你有幾遠,吉他琴鼓位置等等

空間感:
好多時有部分耳機會有焗既問題,姐係把聲好焗,由其係入耳式, 如果你想知焗既感覺係咩,你可以試一下UM1果類,我個人覺得佢好焗

冷或暖？亮或暗？又或者啲尾音好散等，其實到底係咩一回事呢:
冷暖,亮暗其實係形容耳機出果把聲,好似冷色系同暖色系咁,如果聽classic果類暖聲會比較受歡迎,如果聽金屬向既,冷聲會比較受歡迎

亮暗:FX850就係一隻明顯既高頻偏暗既耳機,亮係指隻耳機出色果一範, 暗係指特別唔特出果一範

william02

有FD入咗，很閒先去試....

試下講下我自己的睇法

1)音場
音場有橫向同縱向
我自己聽的無話特定音場，基本上跟足錄音，錄音室就長方形，live就好闊，隨時搵唔到邊，但大致好少縱比闊深

我聽的人聲多數2type，一係我係台下聽(錄音室)或者我係台上(live)，好少係頭中，而且多數離耳感較強

2)聲音的密度與重量感
密度我自己覺得線影響力同器械一樣大，機械(例如dac)要出到一定密度加上條線先可以做到好細密(我用緊多數係純銀線.....)

重量感唔清楚

3)層次感/定位感/解析力
解析力->聲音有幾多細節出到嚟，同訊息量多寡唔太一樣，但多數要有咁上下的訊息量先有足夠分析力
解析力唔夠，會令人覺得好空洞，因為好多嘢係抹咗無咗，最易聽係d弱音

定位感/層次感同解析力有關係但唔係完全一致，我聽過定位好準但無咩細節的耳機，但多數見到係有解析力但無定位性，最易聽係交响，由其有人聲大合唱的，解析好的話，你可以數人頭，定位好你可以清楚指出每個人的位置，層次感做好埋你會連所有前後都聽得清清楚楚

不過多數流行歌咁聽會出事

4)空間感
呢個其實喇叭先有，係因為各種反射，吸音出嚟的一個效果，CROSSFEED 係想模擬，例如俾左耳聽到部份右邊的聲，右耳同樣，但因為無多層的分射，所以個效果會差好遠

暫時無幾隻CROSSFEED 我收貨

5)延伸
....你聽下我隻fx850就知咩叫高頻的延伸....聽d女高音好似無窮無盡咁上

6)冷暖
呢個要自己聽先得，一般嚟講暖聲會舒服d耐聽d

7)光暗
你聽一首歌，佢開揚同焗住你會聽到，但華麗，輝煌之類我都唔明

以上只是小弟個人見解，還請指教