新手求教如何更了解各聽感形容詞。

png1216

請原諒我是一位新手

新手背景：
自年多前朋友把佢架UM2比我聽過一陣之後，我就由普普通通電話加唔知咩架耳機轉用IPC + UM3了。
轉用左IPC + UM3後，都係開開心心咁聽下歌，一向都無探究咩音場、咩動態、咩分離、咩咩透明感之如此類架東西。
但轉左新工後，工作實在太空閒，所以就上下唔同架論壇，其間發現好多唔同架形容詞去形容聽感，但係好多都唔知係咩。
當然爬左文後都在字面上知多少少，但係...實在不得要領

係上論壇爬文架同時，見到好多師兄討論AK240同VE6...
咁就唔小心毒左自己了  (利申：一向都係想用好野又貪新鮮的狗衝人 )

就係用就進入左AK240 + UM3架年代了，VE6就等貨到...而IPC就係比較清楚佢同AK240架分別之前借左比表弟了。
而家諗番應該好好做AB TEST去更了解唔同架聽感係咩一回事...
不過我真心聽得出AK240係好過IPC的！！

之後因為想進一步了解聽感，所以買左隻The Ultimate Demonstration Disc，聽下唔同形容詞架具體演譯係點...但都重係一舊雲

當然我也懷疑自己對耳仔係唔係太唔靈敏，所以聽唔到D分別，所以就做左以下一個聽力測試
http://www.klippel-listeningtest.de

結果係...係中間位，我諗不過不失吧。

Result

今晚見得閒就決定用最白痴架比較方法去感受多一下（咁耐都無諗過試）...

就係咁試 :)

用隻HTC買電話送架耳筒同UM3去AB TEST，又用下AK240架聽24/192同YOUTBUE比較下。
好似感受到多少少咩係音場（UM3係氣勢磅礡好多），亦明白多少少唔同格式架分別（24/192係多D野，但唔知點形容。更唔清楚其實YOUTUBE係咩格式，應該唔會係24/192掛）

就係咁...所以想問下各位師兄其實有冇咩方法可以更了解各形容詞呢？

當然...如果係先天不足架問題，我都只好接受，繼續開開心心（一知半解）咁聽歌仔啦。
感謝

Budget-fi

其實唔好話玩家，好多香港同外國既reviewer都對“形容詞”有不同的見解，我個人是看完reviewer的文章再去試聽，嘗試去理解不同東西的特性以及該reviewer對聲音的表達寫法，目前我在76中覺得斯路師兄的文筆是比較具體的，亦有助理解器材本身的特質，如果師兄多作對比，應該不難描述或理解文字和聲音的聯繫呢

bcy007

聽多D唔同種類既歌

其實一般流行曲對音響既水平要求唔算高

所以你對某D字眼既體驗唔大

當你聽多D歌 , 準備好係自己部機後 , 再出去試更高階既耳機

你會明白差距所在 , 差別在那一方面

你會跟著用前人所慣用既字眼架啦

WallerHomie

IPC同AK240比....
IPC直推不如唔好玩
其實所謂既聽力測試只係用黎測試器材
如果想知點形容可以上網爬下文
例如係：音響二十要
(Post76 Android 手機版送出)

charky17

IPC真係要加AMP不過其實聽感既形容詞真係好主觀,同一隻歌唔同人聽有唔同感受,不過你話形容詞,其實睇多D其他人既開箱,評測,聽感就得嫁喇!一般都唔會離得開分析力,推力,高中底頻既表現,音場,音質,音色等等...不過最好當然係去試多D比較下!!

hiyori

或許師兄可以把一些令你感到困惑的形容詞列出一些，待大家幫忙解答
又，師兄也可以講講你覺得兩部機有什麼不同，然後直接寫出你的感受就行了喔

個人是覺得聲音可以用很多不同方式形容，雖然有某些用字大家算是有共識，但也有不少是各家有不同說法，所以倒也不用太執著是否用那些字才行喔

png1216

Budget-fi 發表於 2014-5-21 01:51
其實唔好話玩家，好多香港同外國既reviewer都對“形容詞”有不同的見解，我個人是看完reviewer的文章再去試 ...

看過很多師兄地的REVIEW，但出去試聽架感覺好似攪攪振無幫襯咁，怕會比店員媽叉呢
而且身邊也沒有朋友玩Head-Fi，所以沒有甚麼機會去做比較...(自己唔記得係有兩部機時做下比較
不過以後會多找機會去比較唔同架野呢!! (希望能提起勇氣~)

bcy007 發表於 2014-5-21 02:24
聽多D唔同種類既歌

其實一般流行曲對音響既水平要求唔算高

姐係聽流行曲較難聽到唔同器材架分別？
我都時唔時聽下classic同jazz，咁會唔會好啲呢？
都係果句，出去試機真係有啲怕怕呢，店員又眼超超，又多人行黎行去，好唔自在

WallerHomie 發表於 2014-5-21 08:28
IPC同AK240比....
IPC直推不如唔好玩
其實所謂既聽力測試只係用黎測試器材

好明白IPC同AK240好難放埋一齊去做比較...但我對上一部機就係IPC，咁比較下佢地真係在所難免呢。

初時買IPC + UM3架時候以為自己已經進入左發燒架程度 由幾百蚊架聽歌組合去到幾千蚊架組合已經比人媽媽聲話我有病~都係個幾月前先係女朋友架表弟到見到部IPC綁住舊野先知咩係上擴，果時聽一聽...真係以為含完牌架耳擴係全世界最好架耳擴黎添，重有諗住衝去買，但有慶幸多左時間爬文先知道世界原來係咁大的呢

原來果D TEST係TEST啲器材架@@，我重以為係TEST自己對耳架添。

就係睇左二十要唔太了解先有一連串架行動呢

charky17 發表於 2014-5-21 10:05
IPC真係要加AMP不過其實聽感既形容詞真係好主觀,同一隻歌唔同人聽有唔同感受,不過你話形容詞,其實

謝謝你

hiyori 發表於 2014-5-21 11:12
或許師兄可以把一些令你感到困惑的形容詞列出一些，待大家幫忙解答
又，師兄也可以講講你覺得兩部機有什麼 ...

好的，我盡快整理下自己有咩唔明再問問各位師兄!!
而IPC同AK240架唔同真係要等人還番比我先可以再做比較感聽呢，不過AK240 support架格式真係勁過IPC好多:P

nightscrawler

png1216 發表於 2014-5-21 12:16
看過很多師兄地的REVIEW，但出去試聽架感覺好似攪攪振無幫襯咁，怕會比店員媽叉呢
而且身邊也沒 ...

其實唔需要怕, 買音響有得試, 我當作為天公地道, 唔係啲陳列室要黎做咩呢~

要拿參考標準的話不妨多聽古典或JAZZ的live performance, 自然會對聲音有多一點的認知.

charky17

nightscrawler 發表於 2014-5-21 14:39
其實唔需要怕, 買音響有得試, 我當作為天公地道, 唔係啲陳列室要黎做咩呢~

要拿參考標準的話不妨多聽古 ...

同意,買車可以試,買樓可以睇,擺得出黎就預左比你試,如果怕店員眼超超的話,可以約埋朋友三五知己去試,再唔係你PM我,我陪你去都OK 反正我自從比人毒死左之後,都成日走去試耳擴,耳機等等...不過真係唔好怕醜,唔試又點知岩唔岩自己呢?!!

goodabc2010

charky17 發表於 2014-5-21 16:16
同意,買車可以試,買樓可以睇,擺得出黎就預左比你試,如果怕店員眼超超的話,可以約埋朋友三五知己去試,再唔 ...

再唔係就一大班師兄約出黎試大家既野都得架