新屋就入伙, 想搞搞獨立電, 同預埋做9.1既制位

TYLEEDON

想請教各位CHING, 小弟終於都有機會做下業主, 新屋都仲有半年先入伙, 所以就想同各位一樣都玩下獨立電, 自己都扒左好多文,但都有推問號s想問下, 肺話講完, 入肉:
我不是大發燒友, 只想有獨立電補下套架撐, 英式, 無影音分家, 應該點做呢? 本身係新樓, TV牆身位已有兩個孖制, 我唔諗住在本身廚房個mcb勾多個獨立hifi mcb出黎, 因為實會被炸形, 所以:
1) 是否只需要在原有mcb去牆身制位既電線換左英國4mm線就得? 係咁簡單? 定係要連成組喉換哂?
2) budget當我用一萬蚊, 用黎做獨立電工程費夠唔夠? 再多又會被炸形...男人之苦{:9_423:}
3) 做左獨立電之後再加PF30/40或60依D電處係咪更理想?
4) 有無咩位置係要加FUSE? 可能要搵晶哥了
5) 牆身插面板係咪一定要換? 係成組換? 秋記買搞掂?

以上就係我的獨立電問題了, 感謝各位看的和給我意見的

另外預留9.1制位, 即係叫裝修CF穿定喉,第時加左器材自己插返哂線就得? 有咩要特別留意?
暫時都未定預唔預投映機好...
幾張圖比CHING睇下

ykluk

首先答咗你一個最基本既問題先, 所謂既獨立電意思唔係喺本身既MCB勾一條線出嚟比HIFI用咁簡單, 原意其實係比一條入屋電(單箱電)出嚟, 出嚟既牆蘇淨係比影音器材用, 嗰箱電無再分比其他電器用, 減少其他電器既干擾, 喺呢個大前提下, 最理想係一條電淨係出一個蘇比一件器材用~~!! {:9_423:}

當然呢種做法相信無咩人真係可以做到, 始終屋企無可能有幾廿箱電出嚟, 咁所以有人會另做MCB, 將一箱電出比新MCB, 再用佢嚟分比影音器材用~~!!

如果無可能另做MCB, 好似小弟做法, 小弟屋企有3箱電入屋, 咁小弟就叫師傅每箱相各自勾一條出嚟入獨立RCBO, 咁就3隻RCBO再出3個孖牆蘇比影音用. AV AMP, 後級同十仔就直插牆蘇, 然後一隻自製拖拖同一隻SINE 30A又插牆蘇, 咁CDT, DAC, 前級, BDP, 電視等等就插拖拖~~!!

電處既作用係令電源更乾淨, 但由獨立電出既電因為少咗其他電器干擾, 相對嚟講係乾淨啲, 用唔用電處就要靠自己耳仔聽吓有無用, 未必一定要加~~!!

TYLEEDON

ykluk 發表於 2014-4-12 10:51
首先答咗你一個最基本既問題先, 所謂既獨立電意思唔係喺本身既MCB勾一條線出嚟比HIFI用咁簡單, 原意其實係 ...

好多謝師兄意見同教授，以我唔加mcb既情況，即係用返原本條線位都可以吧？

ykluk

TYLEEDON 發表於 2014-4-12 14:28
好多謝師兄意見同教授，以我唔加mcb既情況，即係用返原本條線位都可以吧？ ...

似乎CHING可能有少少睇唔明小弟既意思, 你要睇吓你所謂既"原本條線位"既來源係點先, 如果佢本身係一條出比全屋燈或者廚房電既位, 咁佢可能已經經過咗好多電器, 同時間出多條去你個牆蘇比HIFI, 咁樣即係唔係獨立電, 咁既話專登比師傅去做係無咩意思, CHING你可能只可以著手搞電源處理器.....

所以小弟先會講CHING你第一樣要睇清楚既係所謂"電既來源"先~~!! {:9_423:} 因為普通家庭拉電就算行ring, 同一條火線都會經過好多唔同蘇位走完返電箱.....而所謂既獨立電, 就真係好獨立咁喺電箱拉一箱出嚟淨係入HIFI牆蘇, 過完返電箱only~~!!

TYLEEDON

ykluk 發表於 2014-4-12 14:48
似乎CHING可能有少少睇唔明小弟既意思, 你要睇吓你所謂既"原本條線位"既來源係點先, 如果佢本身係一條出 ...

仲未收樓，所以唔知點入。
應該都係好似其他新樓咁掛

YYSKY

TYLEEDON 發表於 2014-4-12 23:02
仲未收樓，所以唔知點入。
應該都係好似其他新樓咁掛

睇番個電箱label是否有客廳一組無連其他房間的，即是分幾條MCB被插座用。
咁就乜都唔使攪喇。

TYLEEDON

YYSKY 發表於 2014-4-15 00:50
睇番個電箱label是否有客廳一組無連其他房間的，即是分幾條MCB被插座用。
咁就乜都唔使攪喇。 ...

張圖係我而家個MCB, 不是遲D個MCB, 但相同發展商我想都係差唔多, 如果係咁既MCB佈局, 咁可以點做的?
唔該唔該

keekee

TYLEEDON 發表於 2014-4-15 18:25
張圖係我而家個MCB, 不是遲D個MCB, 但相同發展商我想都係差唔多, 如果係咁既MCB佈局, 咁可以點做的? {:1 ...

同我屋企一樣客飯廳墻蘇獨立一個MCB有32A，如果唔系要求特別高可以唔使獨立拉電源線，基本上如果客飯廳其他插蘇無其他電器用緊就差不多系獨立電。系AV柜既位置可以系其中一個墻蘇T出來增加墻蘇數量給予影音器材或者用好d既拖板。