寫CHORD HUGO PART 2之前，容許比d時間小弟，等我過一過冷河

甜鬆潤

其實我選擇寫評測文、開箱文，其實都係希望分享下使用產品既喜悅，希望同樣喜歡該產品既朋友入黎一齊討論下該產品使用上既樂趣。

以上都只係我懶係好聽既講法。

我係一名head-fi 新手，真係好新，玩左無三個月。我希望有人能夠認同自己既想法，從而確認自己既想法聽感係未正確。

但係奇怪既事就係依到，我見到自己認為唔太差既產品比人踩到落地底泥，唔太值既產品比人捧上天。
我開始懷疑到底係未自己眼光問題。係未因為我只係新手，所以先會因為見識不足，認知不足而誤判一樣產品呢？唔通真係得我一個覺得zx1 underrated? 唔通真係得我一個覺得AK240 overpriced?

有時侯我都覺得自己似打手，多人讚好既野我就踩，個個話差既野我就撐，不過我覺得咁，隻耳生係我到，我既聽感錯唔緊要，最重要我願意去表達，我先會知自己不足。

或者係因為音樂依樣野，本身就係太個人，唔同人都會聽唔同種類既音樂，有人偏向base，有人注重人聲，有人偏向高音清脆。
所以我一直唔相信有一部機係完美之作，有左就天下歸我所有。
我唔會放棄，我會繼續寫落去，因為我相信寫落去我就會有答案。

HUGO事件帶左一個全新既睇法比我。
本身諗住唔再寫part 2, 實在唔希望因為要寫part 2而得罪其他喜愛HUGO既師兄朋友。
今次我只係以part 1形式描述我認為包裝設計上既不足，都已經攪到咁，講真一萬八千既售價咁既包裝，咁既設計，我無得唔燥，我有三條耳機線插唔入3.5MM。。。

但係我發現自己既無知。

其實就好似女人咁，你愛佢，佢呃你錢你都心甘情願。
你唔愛佢，人地送上門你都唔開門。

其實我唔應該用自己把尺去測量人地既喜惡，因為原來喜惡係麻木既，講真自己又唔係無主見既人，又係自己決定買既，何需在意？

況且論壇本來就係一個讓人詳所欲言既地方，彈未彈，讚未讚，我無欠任何人。

非常感謝睇完依篇過冷河文章既師兄們！

dezispop

繼續啦, 開心share唧~

dartsgogo

講得好呀，甜師兄!
(Post76 Android 手機版送出)

mansk2012

甜師兄 我支持你嫁,
其實你使咩理人點睇{:9_432:}
評測既野梗係有人認同有人唔認同嫁喇!
無理由個個聽感一樣嫁MA!

owenlee

甜兄, 在HUGO事件上小弟都有不洽當的地方, 所以我亦都有所體會!

希望你真的不要放在心, 大家都是在互相學習吧!

好似你之前寫過一篇用不同國家菜色去比喻不同的耳機的文章, 其實小弟睇完都津津樂道

Anyway 共勉之! 支持和期待你之後的分享

sennbeyer

師兄,想讚就讚,想彈就彈,暢所欲言先O岩ma
每個人O係論壇度都應該咁
我相信好多人一睇篇文章都知係真定假,係好定壞(當然師兄你既報告係精彩)

只係想問一問,師兄你真係玩head-fi得三個月?????

甜鬆潤

sennbeyer 發表於 2014-3-20 17:43
師兄,想讚就讚,想彈就彈,暢所欲言先O岩ma
每個人O係論壇度都應該咁
我相信好多人一睇篇文章都知係真定假,係 ...

聽音樂就細細個都有，WALKMAN, DISCMAN, MD, MP3 年代都經歷過，不過一值無深究，一年前左右無意中買左部ak100用黎聽歌, 一路都係用bose mie2 聽歌。
係三個月前知道ak出240, 先至正式去了解head-fi 既市場，三個月前我連有隨身耳擴都唔知。。。。
所以我講既野你都係睇下就算，唔好盡信。

Hoyan

其實每個人把尺都唔同，最怕大家唔講清楚，我用公尺，你用英尺，講唔埋欄變鬧交

jackorh

這裡是一班志同道合的人，大家都喜歡音樂及分享心得，所以甜兄以你的文筆生動，嘻笑怒駡形式去寫分享文，我很欣賞！快點寫第二部分給大家看看，好期待啊！

sennbeyer

甜鬆潤 發表於 2014-3-20 17:52
聽音樂就細細個都有，WALKMAN, DISCMAN, MD, MP3 年代都經歷過，不過一值無深究，一年前左右無意中買左部 ...

唔好誤會,我無特別意思
只係見師兄你之前既post有846又ie800又H3咁
比較少見有其他師兄一入portable就咁既level
一入坑就買一隻頂級既唔少,但係一玩就入兩三隻就無咩點見過
所以之前覺得師兄唔止玩O左三個月而已