AK240 聽感深入探討區

muffy

首先利申先, 小弟並非用家黎, 只係見大家討論得咁熱烈所以希望可以開個post集中討論一下大家對AK240既感覺
大佬, 成兩皮野一部DAP, 真係顛覆左大家 (起碼我係咁認為) 對DAP既價值觀
抱著"兩皮野免費試, 唔係唔試呀"既心態, 小弟終於忍唔住狗衝左去......試!
以下係小小聽感, 只供參考希, 不喜勿插, 希望各位AK240機主可以多多入黎分享下 (唔好意思我掛住試無影到相, 等多D用家post番D靚相啦!)

先講下造工, 老實講佢既cutting真係有小小特別, 對於喜歡碳纖既我黎講背面真係好靚, 但正面呢種設計我就不太識得欣賞, 不過渣落手感覺幾扎實, 無相入面覺得咁厚...
講番個UI, 最初不太習慣, 但用落都好user friendly, 個mon既成色好靚, 而touch screen反應都好快
至於個MENU我無時間研究太耐主要講下幾個我試過既功能
首先今次佢可以enable個LO設定, 當加左AMP之後, 可以就咁扭volumn一下, 就會出現一個Line out button, 按落去可以直接將PO變LO (其實都係volumn set to 75/75 maximum), 比起以前方便好多
另外佢有個平衡mode, 不過要用2.5mm頭, 我身邊真係唔識有人有呢款線, 呢個要等用家分享啦
除此之外可以set EQ, 不過唔夠時間玩所以從略...
時間有限係試得咁多, 之後係聽感部分

我用左自己既SD卡黎試, 所以希望可以更中肯
首先一開聲, 老實講雖然對佢有一定既期望, 不過都有驚喜
主要係佢調音既部分! CS4398既DAP我只係玩過C4同CK4MOD, 講真聲底完全唔似
AK240我覺得有落過唔少苦工落調音度, 因為出黎既音色真係好靚好吸引人
我個人認為同AK120係兩個級別 (當然價錢都係...), 難怪我見另一個post有幾個師兄都放120入240

我先讚下我認為欣賞既部分
佢分析力好好, 樂器定位好好, 人聲都幾前, 整體比較討好
再加上我覺得幾滿意既調音, 真係聽得舒服
另外佢既密度幾高下, 比120更高, 包圍感亦都好好
至於推力, 我用N6試教到 38/75, X5就係40/120 (H GAIN), 感覺比起120加強左, 但未至於去到好大力, 不過都算發揮到對N6

好啦講下小小我彈既部分
唔知係咪未煲開既問題, 整體我覺得音場偏細, 而分離度我覺得中規中矩 (呢點未必係缺點, 未必個個都喜歡分解一首歌)
其實我覺得有小小似聽緊一對close can既HP...唔夠開揚
但其他部分我真心未搵到好明顯既缺點
阿講漏左...最大既缺點係個價錢...兩皮野真係幾貴下...但市面上同佢接近既競爭者我又好似未搵到...

AK成功地令到我1516...講真佢個價set低多小小可能我已經衝左, 但而加個事實係要兩皮野...所以重未決定是否入手, 不過比起AK120佢真係有明顯既提升

另外一點就係個平衡輸出, 暫時重係一個謎! 如果呢部分可以有驚喜, 相信一定吸引更多人入手! 希望官方可以儘快整番條2.5mm線, 咁就perfect啦!

題外話, 原來我試果日佢地都賣出左5部...真係幾誇張下
希望多D用家可以入黎分享下佢地既聽感啦, 謝謝收看

choy

部機人聲密度幾高！音場比ak120闊少少，其餘師兄已講了，但價錢為一不滿，太貴！

hongbee

Muffy兄，你好！

小弟除在用MA8/9，也是AK120的用家，之前不太滿意其力水不足的问題，试过AK240听感大致和你所分析的差不多，但唔清楚AK240有LO，请问是否好似AK100mod的做法—样？唔知師兄有冇试LO効果，可以分享下吗？Tks
(Post76 Android 手機版送出)

ngong

我用ie800未煲開聽感，唔開EQ以經卑之前好聽了個調音，
當初買240古唔到卑120有質一樣既提升，以為最多好少少聲底不同，聽到之後有100同120合併感覺仲有所提升，分析力好高人聲有種距離感卑之前型號又提升左樂器定位分明更有層次感，人㿦更清晰
音塲部份我都覺冇之前大好多但空間感好強，啲和音好似在你耳邊黎咁人聲同音樂更清晰分明！
不過到現在話直唔直20k我都好難答到你地!

wankwokyuen

師兄901 同240 可以比較下？

muffy

choy 發表於 2014-2-5 11:22
部機人聲密度幾高！音場比ak120闊少少，其餘師兄已講了，但價錢為一不滿，太貴！ ...

係呀個密度高D, 音場闊左但真係並非240強項!

muffy

hongbee 發表於 2014-2-5 11:36
Muffy兄，你好！

小弟除在用MA8/9，也是AK120的用家，之前不太滿意其力水不足的问題，试过AK240听感大致和 ...

好彩都有120用家聽感同我接近!
我都係前MA8用家同現MA9用家! say個hi先!

AK240既LO我真係試左3分鐘都無...
初步覺得好過AK120都唔少
佢同120一樣都係將volumn set to max, 不過按一個制就得, 勁方便
我用番當初夾120既 mass kobo 385, 一樣有感動人既人聲

有機會師兄都去試下啦
我就覺得 (包括價錢) 完勝AK120

muffy

ngong 發表於 2014-2-5 11:43
我用ie800未煲開聽感，唔開EQ以經卑之前好聽了個調音，
當初買240古唔到卑120有質一樣既提升，以為最多好少 ...

用家出現~!!!

say 個 hi先!
有無玩過個balance out?

muffy

wankwokyuen 發表於 2014-2-5 11:48
師兄901 同240 可以比較下？

呢個問題真係好難答...

真係取向既問題, 因為我對901既評價亦非常高
如果聽pop系列, 我估240會好D, 佢既調音真係好吸引
至於如果聽classical類型, 901應該會發揮得更好吧

physicx

choy 發表於 2014-2-5 11:22
部機人聲密度幾高！音場比ak120闊少少，其餘師兄已講了，但價錢為一不滿，太貴！ ...

音場尼個對講黎講已經有驚喜!之後聽rwa imod 冇乜音場